教育王國
更多選校、升學及教育心得討論內容
| Jasmin映 | 2012-12-06 00:29 |
| 如果樂基收我都可能會轉軚...始終名氣大啲..亦穩陣啲..但大圍去駿景園搭車連行路或等車搭巴士都至少20分鐘...9:00上堂..始終要返工..變左無得每日接囡囡返學放學..相反英藝返8:30..又近,我每日接佢返學放學都問題不大...唉..不過樂基真係收先再諗啦~ |
| Shana.S | 2012-12-06 00:52 |
| 原來N全日冇分國際定主流, 朝早又返8:30,宜家先知，真係唔該晒，咁全日班放學放幾點呢？學費係米大概要7K？ |
| candylove111 | 2012-12-06 10:02 |
| 作者被禁止或刪除 內容自動屏蔽 |
| yukichchan | 2012-12-06 10:20 |
| 好似國際班的小朋友多啲喎, 果陣老師都有問過我想報國際定主流。佢話國際係全英普, 但普通話老師識聽和講廣東話的。不過最後我都係報左主流班, 想仔仔較易適應新校和較有歸屬感, 始終有香港老師做班主任會親切和細心一些。 我又無咩擔心新校的問題, 其實我好遲先報名呀, 十一月頭先打去問會否再收application, 當天即前往大埔交表, 上兩個星期先interview完。不過, 大埔分校我有好好的印象, 校舍比我想像中大好多, 設施齊備, interview中老師好nice, 亦給仔仔玩了多個遊戲, interview一點也不求奇, 甚至比樂基的安排還要好, interview後老師還會比返comment家長。之後仲有機會同大埔校的校長傾左幾句, 知道佢會兼任沙田新校校長 (但她正懷孕, 明年應會放產假), 亦知道沙田校的老師會有一些從其他分校調配過去, 而另一些會是新請的。我老公都好鍾意呢間學校, 因為近 (我地住沙田圍, 一個馬鐵站), 可自己接送, 又有新校舍。之前參觀過嘉德麗幼兒園, 被佢地的細小空間和霉味嘛得怕怕, 所以新校舍一定比較好。 我也等待樂基的消息, 但不抱太大期望。如返樂基要搭校車, 學費加車費會同英藝差唔多。另外亦等緊榮光的消息, 此校就在屋企樓下, 校舍新, 口碑好又有學卷, 但佢只收2X人, 成數唔高。如再無新驚喜, 我地就會係英藝的同學仔啦! 係喎, 你地有無去過現場睇過? 當日老師話沙田校不是在溱岸的樓盤/會所裏, 而是在車公廟站隔離。我搭巴士經過見到車公廟站出口的左手邊正在裝修, 見佢的牆身和玻璃門, 似係新校舍, 地點真係好方便。 |
| yukichchan | 2012-12-06 10:23 |
| 回復 candylove111 的帖子
我問過老師, 學費會係九龍塘校和大埔校之間。如間學校的學費加埋除二, 就大約係$4,800, 都幾貴架!!! 有無人知道主流班同國際班的學費有無分別? |
| Joannelinco | 2012-12-06 10:23 |
| 打電話問左, 我仔係國際下午班!!! 佢係9月細b:funny: |
| Jasmin映 | 2012-12-06 10:59 |
| 好開心聽到大家既分享,令我都有多啲信心,學費方面,多數人預計在$4000-$5000之間,會貴大埔校少少,但點都唔會去到九龍塘校咁誇張,我覺得合理,全英普外籍老師,地點又就腳,火炭新開果間Joyful心怡天地都開價$4,500-$4,800啦...唔好忘記,英藝係每日上課時間3個半鐘,心怡得3個鐘,計翻條數,心怡係貴啲添..不過英藝收12個月學費,因為暑假好短,係一間出名谷既學校,雖然首批面試勁多人,因為同日有大埔小朋友IN,但我都好滿意大埔英藝既面試安排,等候期間係校園勁多野玩,小朋友一啲都唔悶,兩位老師面試亦幾認真,無因為見左咁多小朋友而無耐性無心機,因為我果日IN下午4點半,編號排到58X...我果日都有搵大埔校校長傾計,果日佢仲係答我未知沙田邊位校長,原來佢會兼任?但懷孕中?=.=""...咁開頭行政一定亂七八糟...我無去過現場呀,因為3月先入伙,諗著而家都睇唔到啲乜,原來已經見到校舍啦?如果真係一出閘就到真係超正,當時大埔校長話佢地要3月先收到個場,不過發展商會間好晒課室廁所有晒基本配套,佢地收到場只需做內部粉飾,如貼牆紙鋪地下,預裝修兩個月,地方至少6000尺,校長話會有6間課室,有室內同室外既活動空間,5月會俾到家長參觀校舍...到時實地參觀左我先會最後決定讀唔讀.. |
| yukichchan | 2012-12-06 11:15 |
| 回復 Jasmin映 的帖子
多謝你的詳盡分享呀!! 仲會有戶外空間?? 咁樣好好喎!! 我知道他們注重提供一個spacious environment比小朋友, 所以唔擔心地方問題。 但願校舍能如期交收, will pray for it!! |
| Jasmin映 | 2012-12-06 11:40 |
| 主流班平啲架,不過好似只係差幾百蚊~ |
| Jasmin映 | 2012-12-06 11:58 |
| 回復 yukichchan 的帖子
係米真係有戶外空間,同埋有幾多真係到時先知..不過當日校長係話有,我問佢校舍會唔會有大埔咁大,佢話無,只係大埔既一半左右,但勝在有戶外空間,我相信好有可能係分左啲溱岸既平台,但分到幾多真係唔知,可能得少少都唔定,溙岸咁貴=.="..但有戶外空間真係幾好,樂基都無呢! |
更多選校、升學及教育心得討論內容
