小朋友遇到不禮貌對待一定要出聲!!

帖子列表  登錄   
召藥師 | 2007-10-05 19:20

.
Powered by Baby Kingdom
立即打開
阿仔前日返屋企話有兩位同學係小息時用手彈佢塊面，初時我地以為個兩位小朋友同佢玩下，而且小朋友手指唔算好大力，阿仔話唔係好痛，所以我地只係教佢小朋友再係咁對佢就要同佢地講唔好，要講自己唔鍾意咁樣，如果再發生就同老師講。

今日佢返到黎，同我地講又係佢地兩個，小息集隊時，一個女同學用手掌打佢塊面，另一個男同學摸佢下體，我聽到當然:angryfire:，佢話已經同老師講，不過老師睇唔到，而同學又唔認。

我真係好嬲，而家d小朋友可以咁冇家教，阿仔已經成日返黎講邊個同邊個打架，而阿仔之前有位同學惡意整爛阿仔d文具唔認(老師向0個位學生家長了解時，家長都話佢小朋友經常講大話，不過小朋友死口唔認都冇辦法)，而家仲有同學夾埋黎打人同侵犯人點可以架!!唔怪之得上星期五金校長咁好火同家長訓話!!'養不教，父之過'，父母都唔教好子女品德操守，難到等學校從頭教起?!

而家同老師反映左，希望老師多加留意，另外我地又教定阿仔要好好保護自己，見人地想打佢或搞佢要即刻避開，仲要立即同老師講，返到屋企亦要同我地講。:-( [ 本文章最後由 召藥師 於 07-10-5 19:33 編輯 ]