| Longman | 2006-11-25 12:46 |
| 我的小朋友不是禮賢學生，學術水平我不太清楚，但我想講我曾見過的。有一天，我與女兒在禮賢附近的公園遊玩，當時有三、四個禮賢學生在玩秋千，我女正在排隊，有一名禮賢學生玩了一陣就讓給我女玩。玩玩下，其中有一名禮賢學生講了一些小朋友成日講的穢話(不是甚麼大不了，小朋友成日講糞、尿、屁的笑話，跟住笑一餐果d)，另外一個禮賢學生即時對他的同學說:「我地著住禮賢校服唔可以做一些失禮禮賢的事。」說穢話的同學想了想即時收聲。我覺得禮賢的學生對學校好有歸屬感，他們以學校為榮。要小朋友咁有歸屬感相信老師、學校都好好。我覺得學術是其次，學生的品行、態度才是最重要。 |
| babyhin | 2006-11-26 05:38 |
| Longman 好多謝你對禮賢小學的評價,我個仔今年係k3禮賢幼稚園學生,明年升小一,正在考慮會否繼續升讀原校？有了你的強心針，我的目標更加明確，我亦為我個仔報了幾間私小，當年有根德園＆禮賢我選，我選了入禮幼，你講得好ｏ岩，覺得學術是其次，學生的品行、態度才是最重要，而禮賢呢方面真係做得唔錯，當然我冇話根德園做唔到，我知根德園的學術成績非常好，但實在要太辛苦． 呢兩年我都經常有睇關於禮小的資料，在深水步區，升中派入band 1英文中學有7成以上，係區內排第二，返學又興鬆，但學業成績又唔差，係呢個學習環境下長大，我相信小朋友會好開心． |
| babyhin | 2006-11-26 05:41 |
| 比大家參考下禮賢升中派位 ｃｌｉｃｋ ｈｅｒｅ ０５�０６禮賢升中派位 |
| jeffzhang | 2006-11-28 14:33 |
| 大家好! 我都想分享一下我的一些感受. 我的兒子下年升小學, 在"世襲"的情況下被協和下午校收了. 而另一方面, 又因從朋友口中得知禮賢口卑不錯, 於是報考, 亦幸運地被取錄. 在兩所學校取捨下, 我決定選禮賢而放棄協和. 其實已經六天了, 我心中仍然忐忑, 有否選錯; 但看完Longman對禮小的評價, 現在就放心了很多. :-D |
| onsf | 2006-11-28 15:59 |
| 在中, 英, 數 各方面, 不知禮賢的程度是否都好深 ? 有冇禮小的家長可以回應 ? |
| christina | 2006-11-28 16:39 |
| 我剛交左留位費, 口碑各半, 有d人話好, 有d人話唔好(學校校網派升中), 所以都心大心細, 我想會等埋大抽獎先決定讀唔讀. :-) |
