今日係新生到校日，唔知有無家長可以分享下所見所聞？
等我講少少:wahaha:， 當日由9點到3點都可以去學校交資料，買校服，買書，我下午2點去到，完全唔駛排隊，操場有校工ee教我上3樓禮堂:good:，仲提我可以搭𨋢，我帶住仔仔上去，入門口首先交資料（自動轉帳form),帶左正本去核對，原來仲要copy簿仔比學校記錄，比$1，老師會幫忙copy一份，同埋派通告，老師話月尾先知咩班，之後去左搞校車先，一早學校已經派左資料，知道幾錢，咩路線，寫定左支票，好快手就搞掂，跟住去度校服，有ee幫手度size, 攞完又可以即場住禮堂旁邊試，唔岩即換好方便，仔仔皮帶要打孔，原來都可以即場免費打埋，太好了:winner:，到最重既書，拎支票去話新生p1,就已經預備好，仲有書套買，但要對一次齊唔齊就浪費左 d時間，成50幾本，唯有叫仔仔幫手一路對一路入，其中3本要開學先派，其他都ok, 就咁就完成了, 又書又校服的確唔輕，出左學校又禁區又無的士，呢下最慘，好在叫埋c6一齊黎，唔係就大煲了:badfeel::badfeel:分享完畢
