回應培橋 的優點和缺點

帖子列表  登錄   
qwerty0000 | 2018-05-29 01:09
贊成校舍優質和教學資源豐富 不是小班教學,三十幾人一班是雙班主任制 ,兩位老師好少同時出現 ,都係一個人對三十幾個學生。 活動教學不是每一科都係 校長好有心搞升學同埋搞好學校dse嘅成績,好同意。但校長其實忽略小學部老師教學 ,老師教學水準參差, 處理學生問題得過且過, 大事化小小事化無, 老師最鍾意恐嚇同學 帶佢哋去見校長見訓導。 老師請假冇返學代課老師只係叫學生睇電視。考完試之後返學除咗了特別活動日子之外都係睇電視。好想問下校長知唔知小學部發生乜嘢事。DSE成績之外,老師質素係更加緊要。 唔係特別多活動 ,同學是活潑主動, 不過不是每位老師接受

qwerty0000 | 2018-05-29 01:12
不足方面 英文 課程設計非常好,用主題式教學,接觸的英文內容會比較豐富,而且唔需要去背文法,唔好理同學的英文文法或者讀音正確否,但差不多每位學生都輕而易舉用英文 寫到一段嘢 或者基本溝通無問題。 重點是你要 遇到一個有心教或識教的英文老師, 可以問下讀咗六年的家長同學係學校讀六年可以有幾好彩遇到幾多個好英文老師。 去問多幾個家長你地會聽到唔同意見 ,呢方面從來都唔知可以向學校邊個反映問題, 其實唔只英文一科,其他科一樣有這個情況 交通, 大圍火車站行上去 十至十五分鐘, 行落山十分鐘到大圍火車站, 同學攞住書包辛苦啲。

qwerty0000 | 2018-05-29 01:19
我想加多一個優勢同埋一個缺點 你下面你可以話係 優勢又可以話係缺點 可以一條龍有12年書喺度, 小五小六唔洗呈分, 當其他學校努力 考試, 我哋 的同學輕鬆很多, 剛剛 別人努力 為考試預備的時候正是學校 放一星期假, 其他學校同學非常緊張溫書, 我哋大部分都去玩去旅行。 優點缺點見仁見智 我自己就鍾意 仔女輕鬆讀書。 一條龍學校 缺點就係中一好難轉返出去, 冇話唔得只係好難

cherry1030 | 2018-06-02 23:20
Quote:qwerty0000 發表於 18-5-29 01:09 贊成校舍優質和教學資源豐富 不是小班教學,三十幾人一班是雙班主任制 ,兩位老師好少同時出現 ,都係一個 ...

謝謝

JadeW | 2018-06-03 11:10
Quote:qwerty0000 發表於 18-5-29 01:12 不足方面 英文 課程設計非常好,用主題式教學,接觸的英文內容會比較豐富,而且唔需要去背文法,唔好理同 ...

[i=s] 本帖最後由 JadeW 於 18-6-3 11:46 編輯 [/i] 本帖最後由 JadeW 於 18-6-3 11:11 編輯 同意!遇到好老師就果年就係學校學到野,遇到吾好的老師就要家長充當老師教返晒! 學校知道這情況,但.....見吾到有效地處理!此情況已發生多於6年,仍未見能徹底改變! 學校小學行政的問題不小,制度的不全,規則的不清,處理手法的不一致都令家長學生受到一定程度的影響! 學校繼續上揚中,小學改制加辣,之後是否能繼續輕鬆就不得而知!課程內容加深加多,如遇到吾好既老師,家長要自己教返內容也是不易!

9284 | 2018-06-05 10:11
[i=s] 本帖最後由 9284 於 18-6-5 10:23 編輯 [/i] Quote:qwerty0000 發表於 18-5-29 01:09
贊成校舍優質和教學資源豐富

不是小班教學,三十幾人一班是雙班主任制 ,兩位老師好少同時出現 ,都係一個 ...

嘩! 見到你果句 "老師最鍾意恐嚇同學", 真係唔回應都唔得, 我個女大大話話讀左3年, 完全無見過你講所謂既呢種老師, 你講野既方法"一竹竿打一船人" 好似唔係幾好....就以今年我女的班主任為例, 一個係佢中文老師, 一個係佢數學老師, 雖然佢班大部份同學都唔太鍾意中文班主任 (可能同唔鐘意中文科有好大關係, 始終呢科真係比較悶), 但就有D家長話呢位中文老師在教學上已經好花心思......而另外的數學班主任就好受小朋友歡迎, 教得好生動, 會係黑板上畫一D好有趣的漫畫來做解釋, 家長日有幸見過呢位班主任, 佢講野有少少傻大姐FEEL, 但我唔理啦, 最緊要佢可以有方法教到小朋友書本內容, 又令小朋友有學習的興趣, 佢係咩人我唔會理........我當然明白不是全校的老師也好, 只是我相信每個老師也有佢自己的方法去教導某D學生

另外 "老師請假冇返學代課老師只係叫學生睇電視", 我唸無咩問題, 就算播電視, 都應該係播教育電視之類的節目吧, 段估唔係播"三生三世十里桃花" 掛......... 代課老師教書係BONUS, 唔教亦可理解, 你估老師請假, 咁易即時搵到教開果科的老師嗎? 如果果位老師係請產假, 放兩三個月找代課日日播電視就話有問題o者

"唔係特別多活動" , 你小朋友是剛剛今年來的小一生嗎? 我女小四了(小二插班入黎的), 由上年開始學校的課外活動大大話話十幾廿樣, 仲未包括LUCH TIME時的課外活動



9284 | 2018-06-05 10:53
[i=s] 本帖最後由 9284 於 18-6-5 10:54 編輯 [/i] Quote:qwerty0000 發表於 18-5-29 01:12
不足方面

英文 課程設計非常好,用主題式教學,接觸的英文內容會比較豐富,而且唔需要去背文法,唔好理同 ...

要英文好, 從來都唔可以只假手於老師, 老師一日對幾多個鐘, 自己心中有數, 但我眼見學校係好多方面都已經用好多方法去令小朋友對英文產生興趣, 有英文周, 早讀時間有英文報紙齊齊睇, 課室內有大量英文書籍, 每周有英文DRAMA固定班, 課外活動又有英文歌劇班, 學校又用校本課程(每季的主題生動又有趣), 你抓過文都知, PKC的小朋友英文程度比中文程度好, 這是不爭的事實

9284 | 2018-06-05 11:14
Quote:qwerty0000 發表於 18-5-29 01:12
不足方面

英文 課程設計非常好,用主題式教學,接觸的英文內容會比較豐富,而且唔需要去背文法,唔好理同 ...
再講, "交通, 大圍火車站行上去 十至十五分鐘, 行落山十分鐘到大圍火車站, 同學攞住書包辛苦啲。" 其實你一入去INTERVIEW果刻都已經知呢樣野, 學校都有作出合適的安排......中學部每朝有校巴比中學生由地鐵站口接佢地返學校, 班次非常密, 基本上唔會無位, 仲有學校老師睇住.......大圍A出口又有小巴去學校, 每朝為左PKC班學生, 小巴公司都加開班次FOR返學時間.........加上學校有成幾十條校車線, 已經好方便小朋友返學.......學校每逢大時大節(家長日, 簡介會, 總之凡係多人出入的日子, 學校一定安排校車在地鐵站每15分鐘開出一架) 真係好唔話得, 再講, 就算唔搭車, 一出MTR行10分鐘上山, 真係對身體好, 我自己接受到, 政府都叫人早一個站下車, 比自己可以行下路啦, 更何況PKC附近D空氣真係值得一讚.........我自己覺得PKC位置, 在半山上, 空氣真係一流, 好通風, 夏天真係一流, 唔好似市區D學校, 人多車多

pycc | 2018-06-05 17:11
Quote:9284 發表於 18-6-5 11:14 再講, "交通, 大圍火車站行上去 十至十五分鐘, 行落山十分鐘到大圍火車站, 同學攞住書包辛苦啲。" 其實 ...

多謝你嘅資料。我一直都好鍾意培僑,覺得佢資源好充足。請問可唔可以再分享下: 1. 課外活動係咪通常放咗學之後留低?使唔使另外自己比錢? 2. 如果留低課外活動,係咪就冇校車搭,可搭shuttle? 3. 請問有咩科目係用英文教? 4. 請問係咪有些活動或課程比有潛質學生?因為我仔數學方面有D天份。 唔好意思咁多問題,謝謝你!

qwerty0000 | 2018-06-05 22:38
Quote:9284 發表於 18-6-5 10:11 嘩! 見到你果句 "老師最鍾意恐嚇同學", 真係唔回應都唔得, 我個女大大話話讀左3年, 完全無見過你講所謂既 ...

首先恭喜你喺學校如果好老師 至於代課問題 ,冇話需要代課老師教書, 我真係唔知其他學校係咪都係 睇電視就可以過咗一堂? 除咗睇電視係咪可以俾小朋友做功課或者請佢哋睇書呢? 不過睇電視係最容易令到小朋友唔使煩嘅活動, 特別睇youtube 我講嘅係我遇到嘅老師 同埋學校問題,喺度講都係希望學校睇到希望校長注意去改善,你都唔想你嘅小朋友喺度浪費時間,可能你未遇過 我哋學校有部分老師上堂 唔知教過啲乜, 要家自己跟, 當你試過遇到一個老師係hea教, 你就會明白我講緊 學校有乜嘢問題 所以我第一句就真心恭喜你有好老師, 你滿意學校就好啦我只係發表我嘅意見啫

1/3
下頁 | 尾頁
.
Powered by Baby Kingdom
立即打開