Hi, ABCD5678,
首先, 恭喜你, 幾間心儀既學校都得左。
似乎你傾向SPCC, 但係又唔捨得放棄GT, 係咪？其實兩間都係好學校, 揀邊間都唔會錯既, 好視乎你既取向。
SPCC同GT係唔同類型既學校, SPCC係傳统名校中既名校, 而GT係新興直資學校既表表者, 都好難比較既, 各有各好。
我唸GT有乜好, 你應該都知得七七、八八; 至于SPCC有乜好, 你會比我清楚。
至于兩間點揀, 我覺得你應該從以下幾點入手 :-
- 你既家庭類型 : GT家長以中產為多, 好多係中層经理, 專業人仕, 大學教授等; SPCC家長會比較富裕, 家居半山, 大有人在 ( 呢點都幾緊要既, 我大女曾經讀過CIS, 發覺同D同學既家庭環境唔同, 都幾難溶入果個圈子, 讀左半年就要轉校)。
- 你囝囝既類型 : GT比較包容D好動、愛發問既學生; SPCC係咪一樣, 我就唔敢肯定。如果你囝囝係標準好學生, 聽教聽話, SPCC都唔錯既; 但係如果你想學校多D彈性, 以配合你囝囝既個別需要, 咁GT應該會好D。
- 你想參與校政既情度 : GT好重視家校合作, 學校好願意聽同接纳家長意見, 家長好容易接觸校長/校董, 校董會都有成3個家長成員; SPCC就會比較保守, 冇咁開放既。
- 你居住地區 : GT响九龍(MK/TKO), SPCC响黄竹坑; 就近返學會好D, 過海返學就儘量避免啦。
有一個我個人感覺, 想同你分享吓 - 响優才, 除左小朋友可以快樂學習外, 我結識左一班志同道合既家長, 有一種好warm既感覺; 而且學校己經有一定成續, 并且有明顯上升緊既趨勢, 處身其中, 好有滿足/成就感。
希望你已掌握需要既資料, 為你囝囝楝倒最合適既學校。
Quote:原文章由 ABCD5678 於 07-11-26 02:25 硐表 
Dear 中兄、軍魁星及 dabbycheung 三位 GT 家長，您們好 !!
還記得我嗎 ? 數周前曾就小一選校向各位請教過，現將囝囝新近取錄情況分享一下。
小兒近日先後收到聖方濟各、聖保羅男女及英華的取錄通知，現在要面臨痛苦的決 ...
[ 本文章最後由 中天英 於 07-12-2 01:37 編輯 ]
|
