1B班交流區 (1A, 1C, 1D當然都歡迎)

帖子列表  登錄   
Alfalfa | 2008-09-26 09:20
作者被禁止或刪除 內容自動屏蔽
Alfalfa | 2008-09-26 09:36
作者被禁止或刪除 內容自動屏蔽
edea | 2008-09-26 12:48
我很認同兩夫婦教小朋友也有齟齬,更何況家校之間, 也需要溝通.

有那個小朋友會從不做錯事呢, 大人也會錯, 更何況小朋友. 怎麼教, 怎樣罰, 跟學校感到不協調時何不提出, 相信雙方都是合理的人, 一定可以找出一個平衡點.
musemuse | 2008-09-26 13:19
Bluecat, 我都被你既堅持而感動, 我都自問做唔到呀!
天氣咁熱, 空氣又唔係咁好, Trevor要小心身體呀!

多謝你同balltsang今朝打俾我… Ryan冇野呀, 我諗佢嘔是因為暈車浪… 去到學校接佢佢都幾精神, 本來佢仲想入課室同小朋友bye bye, 不過我話唔好阻住人上堂, 就冇入去了! 回家路上佢仲好多野講添… (原來佢都有被摘過名, 但冇罰過企喎!)

而家我地在家好悶呀. 佢只肯睇碟…. 唉, 今個星期返得3日學… 仲要2日都有才華班.

Quote:原帖由 中天英 於 08-9-26 01:38 發表
Bluecat,

好感動。

見倒妳咁用心教仔, 咁堅持賞罰分明, 相信而家好多家長(當然包括我)都做唔倒。




Bluecat | 2008-09-26 18:09
Quote:原帖由 musemuse 於 08-9-26 13:19 發表
Bluecat, 我都被你既堅持而感動, 我都自問做唔到呀!
天氣咁熱, 空氣又唔係咁好, Trevor要小心身體呀!

多謝你同balltsang今朝打俾我… Ryan冇野呀, 我諗佢嘔是因為暈車浪… 去到學校接佢佢都幾精神, 本來佢仲想入 ...

今朝好遲先返到學校就見Ryan悶悶的坐書包前,我問佢係咪唔開心???佢話唔舒服嘔好辛苦......我話打俾媽媽???
佢話好......楊老師見佢咁......摸佢頭仔有D熱就帶佢上去探熱!咁即係有冇燒?淨佢暈車浪點解都要走?
Bluecat | 2008-09-26 18:57
多謝大家關心!!! 你地唔好以為我變態就得lah!:toocold:
我平時都同佢玩到好癲,一齊V V嘩嘩,攬攬錫錫friend嚟ga!
但適當既時侯就要變身!:handsome:

賞罰分明係因為我唔想囝囝以為自己做錯事扭下氹下冧下錫下我(佢强項)就過骨,冇事,冇後果,冇承擔!咁仲得了既:anger: 愛佢還愛佢!唔教害左佢!
可能你地果D乖冇咁勞心勞力~

教仔我要鬥智鬥力!軟硬兼施!見招拆招 !宜家D小朋友好醒,轉數快,樣樣野90個理由,好彩教學相長,我都進步不少仲有D計仔hahahahah:joyous:

******分享******


今日Trevor好開心被德育黃主任邀請和兩位學兄一起食lunch!!!相當回味:joyous: 好期待再有下次tim!!!
期間分享强項及弱項科!我個仔"唔知醜:oops:ops:" /> "話自己畫畫,英文,數學,唱歌,普通話乜乜都叻!冇弱項wor:omouth:mouth:" /> !!!又出IQ題考主任同D哥哥仔!:surprised: 成個過程好開心!!!
黃主任鼓勵囝囝讚佢主動,勇於嘗試同埋是一個守規矩既好孩子!
好開心响呢個時侯又多一個人令佢知道自己做得到!做得好!係有讚賞獲肯定!:excited: :excited: :excited:

另一件事
今日Trevor臨放學被同學搶左本書擾攘一輪搞到執唔切書包,老師冇派貼紙俾佢......佢覺得自己好委屈用手冊遮住喊:pity: 佢話好醜費事俾人知wor!!!
放學佢提出打俾老師解稺但找不到!我叫佢寫俾紙仔俾老師law!

才華班
phchan 原來Trevor同ph一齊上立體彩繪畫Monster 好盡慶好好玩!!!囝囝報料ph全日都好乖!
通常係同另一個小朋友一齊先郁手郁腳,尋日Trevor做佢地和士佬搞到被推倒地上:badfeel: [ 本帖最後由 Bluecat 於 08-9-27 01:55 編輯 ]
軍魁星 | 2008-09-26 22:25
Quote:原帖由 Scooter 於 08-9-24 09:33 發表
是!
在班上罰企、無小息併罰企是循循善誘的方法嗎? 與主流學校有可分別！有點失望！循循善誘的方法是怎樣的?


個topic寫住B班, 依家睇返先知道有呢件事.

我問個阿女, 佢話A班有四個班長, 如果有小朋友調皮, 班長會通知老師, 不過佢自已就話未見過有同學因此而受罰. B班既情況就唔清楚. 如果對學校的做法有疑問或者異意, 可以直接同班主任或者旺角校的兩位主任查詢, 反映, 根據過往經驗, 校方係非常樂意接受家長意見的. 希望你既問題盡快得到解決.
musemuse | 2008-09-26 22:39
事緣係, 老師帶佢去校務處探熱後打俾我, 話佢有微燒, 叫我去接佢, 咁我咪即刻滾水淥腳由公司飛去接佢, 去到校務處的Staff說佢其實有燒, 97, 98度, 雖然我用手感覺唔到佢燒, 但既然都請左假, 黎左, 咪接佢走lor! 佢在MTR都有話: 咁咪上唔到立體彩繪lor, 我話係呀! 下星期啦.... 唉, 在家佢一路係咁問而家佢地上緊乜堂, 小息未, 幾時上才華班 etc etc....

其實, 佢真係只係暈車浪而嘔, 因為我後來才想起, 不是華氏100.4度才算發燒嗎?? (而且佢在家一路都冇燒過touch wood) 加上今朝都幾熱.. 點都好啦, 我都明學校一定係嚴謹D, 唔容許有病童在校. 不過如果再有咁既情形, 我真係冇咁多假請, 同埋驚boss唔like... 好驚呀, 希望佢醒目D 啦~

Quote:原帖由 Bluecat 於 08-9-26 18:09 發表

今朝好遲先返到學校就見Ryan悶悶的坐書包前,我問佢係咪唔開心???佢話唔舒服嘔好辛苦......我話打俾媽媽???
佢話好......楊老師見佢咁......摸佢頭仔有D熱就帶佢上去探熱!咁即係有冇燒?淨佢暈車浪點解都要走? ...
musemuse | 2008-09-26 22:42
嘻嘻, 唔係話1A, 1C, 1D都歡迎嗎?? 話晒個topic都係我開 (係咪叫咩"樓主"??) 你得閒入黎支持下啦, 想聽下其他班既分享呀!!

Quote:原帖由 軍魁星 於 08-9-26 22:25 發表


個topic寫住B班, 依家睇返先知道有呢件事.

我問個阿女, 佢話A班有四個班長, 如果有小朋友調皮, 班長會通知老師, 不過佢自已就話未見過有同學因此而受罰. B班既情況就唔清楚. 如果對學校的做法有疑問或者異意, ...
軍魁星 | 2008-09-26 22:48
Quote:原帖由 musemuse 於 08-9-26 22:39 發表
事緣係, 老師帶佢去校務處探熱後打俾我, 話佢有微燒, 叫我去接佢, 咁我咪即刻滾水淥腳由公司飛去接佢, 去到校務處的Staff說佢其實有燒, 97, 98度, 雖然我用手感覺唔到佢燒, 但既然都請左假, 黎左, 咪接佢走lor! 佢在 ...


97, 98 度應該唔算燒, 有時跑跳完都可能會啦, 可能學校真係敏感左d. 不過如果只係發低燒, 而唔係受傷, 唔需要飛過去既, 我試過由深圳返過來, 成三個鍾先到, 翠姐同阿仔係醫療室度等. 有時做緊野真係行唔開.
7/10
首頁|前頁|下頁|尾頁
.
Powered by Baby Kingdom
立即打開