活潑好動專注力弱的小朋友唔建議入 每日早上八點鐘企係操場睇下就知:hehehe::hehehe: 如果係未評估的疑似學障兒童，就睇你好無彩，遇到個咩老師，好的會打電話比你同你討論下點幫個小朋友，唔好的會標籤你係naughty boy同比說話個小朋友聽，咩難聽說話都有，真係天堂與地獄 年輕老師好d，願意關心下學生，但都唔係好鼓勵發問 有經驗的，就仲未遇到個有愛心的，希望儘快遇到啦，:sickmilk::sickmilk::sickmilk:

---

請問點解你會入呢間小學？？ 我仲struggle 緊佢(20分自行) 同青衣主恩(15分大抽獎)

---

一個字：近！ 當時覺得每間津校的課程，師資，資源都唔會差太遠 只係想小朋友多些時間睡覺和睇書，深信求學不是求分數，雖然學生多b6,係粗魯d，但都幾純品，每間學校都有好同唔好老師。 而家先知唔好的老師可以去到咁，每隔一段時間就要同小朋友心理輔導 但如果唔講人，學校係學術方面係做得唔錯，但好多制度可以再人性化d

---

請問你係自行定大抽獎？咁你會唔會suggest 朋友的小朋友去呢間讀？

---

呢間係傳統津貼學校 坐定定守規矩專注力強的小朋友會比較適合 加上大班教學一級5班人太多 文靜害羞的小朋友會無咁大壓力 但相反有主見愛發問的小朋友就無機會表現自己 。 老師多用罰 少讚賞和鼓勵 其實罰唔緊要 但用讚賞黎加強良好行為都好重要 有些家長好認同用罰黎解決學生的行為問題 咁就好啱佢地喇 但其實處理學生行為問題方法可以有好多種。 同學方面，小學唔會壞得去邊，學壞都係講粗口打架，呢個只要家長跟緊d，教佢地分辨是非就得。 所以學校好唔好真係見仁見智。 睇你遇到咩老師識到咩同學。 一般黎講，其實其他學校有的，呢間都會有。 問題係其他配套係咪你重視的，如： -有些津校選飯商係比家長參觀多間工場家長自己簡，呢間係學校自己轉左通知你，之前果間7-11交費唔收手續費但新的要收都照用，到家長出聲學校先同飯商去傾。 -有些津校陸運會係比所有學生選擇參賽，呢間係每個賽事由老師挑選先有得參加。 -有些津校係主科中英數早上上的，下午上非主科如體育音樂，呢間無分。 -有些津校有locker放常用物品以減輕書包重量，呢間無locker亦唔可以留東西係位，有老師會要求學生日日帶字典/做完的工作紙一大疊。

---

thx

---

我都明白學校點解唔比跑，但亦發現有好多學校比，因為他們明白小朋友困左成日，上堂已要坐定定，小朋友的專注力已下降，比他們走走可以幫忙提升專注力，上堂更加專心。另外，小朋友的精力長時間發洩唔到，上堂其實真係好難專心，亦解釋左點解有些小朋友上堂出位又或者攪人。有些學校小息係會比小朋友做運動，打下波，走動下。 至於處罰，學校有規定欠交15次見家長，19次缺點。個人覺得要睇遇到個咩老師，有次唔見英文書，老師叫學生搵下先，真係無先買，無罵。有次唔見佛學作業，小朋友驚老師唔敢講唔見左，第三次欠比老師罵仲meet面珠，打去問老師和同佢解釋本作業其實係比同學攞左返屋企，佢話唔記得有無做過meet呢個動作喎！但最近有聽小朋友返學返黎講呢個老師meet左邊個同學....

---