可以！邊個create account先冇所謂，總之佢人響英國就要做境內申請，而你係境外申請！但當佢填到要申報邊個係主申請人時，就要輸入你個UNIQUE APPLICATION NUMBER（定還是入GWF number?我唔記得了），到時你就必須已經有account，咁先可以俾到哩組number佢。 不過，最後你要先完成哂你自己申請，即係俾哂你自己嗰兩份費用，upload哂你自己文件先，然後至到佢俾錢及upload文件！ 如果驚佢填咗嘢，其實你可以幫佢開埋account，不過開account時要登記佢email及手機號碼（但我唔肯定境內申請，用英國以外手機號碼得唔得），要收手機短訊或電郵confirm，所以你幫佢開account時要約埋佢揸住個手機一齊搞。 仲有，佢個account係可以授權你做代辦人，你申報係佢父母就可以，咁你之後就可以登入佢account幫佢填及俾錢！批出visa 時你同佢都會一齊收到電郵通知，但日後只有佢自己先可以登入睇到自己e visa及申請share code，到時你就唔可以再幫佢做! 但用app scan passport就真係要靠佢自己！唔難嘅，其實指引都易明，但為安全計佢都要睇清楚哂點樣scan先好落手，因為scan唔到就要去打指模，到時又要請假，又要安排交通及要有監護人同佢一齊去，咁你會跌好多錢！你可以搵定YouTube 教人scan passport片俾佢睇多幾次，同埋要網絡好流(emoji)，又有充足時間先好做！仲有，要肯定佢passport number唔係K字頭，否則最好等換咗本新嘅先好申請！ 因為一直都響境內，佢approved email應該會寫明permission to stay，即係visa響批出當日已即時生效，唔洗同你一齊入境，到時睇清楚email叫佢點做就得，反而你要盡快入境就真！ 至於爸爸，其實呀女到要申請入藉時已超過18歲，應該冇問題，不過你要知其實而家都仲未有人入藉:wahaha:
