買過幾次，未試過出問題，英國監管好嚴，要留意通常是28天內付一成首期，及申請按揭，之前故事的屋正是上手未能成交，要放棄交易。餘款在建成之後才支付，發展商會在完成前一兩星期請你到現場睇，如果律師及自己把好關，佢好難唔完成就收你錢，另外唔好用佢推薦的律師，因為好可能係佢用開的律師，萬一有問題佢會幫發展商。香港的HSBC，東亞、中銀及上商等銀行，有做開英國尤其是倫敦樓花按揭。平果今日先講樓花：
投資外地樓市如隔山買牛，有多個注意事項。中原地產項目部（中國及海外物業）營業董事許大衛指，香港人多數買一手英國樓花，揀好心水樓盤後，可向發展商落
訂（Booking Fee）留位，到發展商確認單位可買時，買家最少要付一成首期，電滙至英國律師樓，便代表買家進行交易，成事後雙方交換買賣合約代表正式買下樓花，上述需
時約兩至四周，之後便是等入伙，一般兩至三年(**經驗中英國買樓唔駛咁耐，通常半年就收樓**)。到交樓前兩個月，便要申請按揭，發展商一般有相熟銀行，如中國銀行英國分行，借英鎊上會，時間視乎銀行及交
文件速度。到收樓日才需要親身到英國，但亦可找委託人代辦；銀行按揭息率普遍約3.6至4.9厘。
總括而言，買家要付出一成首期（新樓），律師費約兩萬至三萬港元，印花稅2%至12%，視乎銀碼，出租要繳交兩成物業收入稅，另有地租及管理費等。二手樓首期普遍約兩至三成外，其餘費用與一手相若。
