通常一係就早啲改，一係就唔好改，費事改完身份證/護照跟成績表/證書又唔一樣會比較麻煩。
我仔都有打算出國讀書，大仔大學佢話唔改費事影響啲證書，將來响外國要改會直接改1。细仔去年都加咗名變2，因佢而家高中重要嘅證書都未出，早啲改DSE成績/成績表/所有證書都可以跟新名唔駛煩。

---

機票唔可以就咁update個名，BA, CX都要重新出飛

---

我試過啦，BA 和VS都得，因為我孩子只加英文名在後面。已試過，是年半前的事。如最近唔得，轉左新政策，我就唔知。

---

我朋友個女都係只加英文名，唔係改名，來緊暑假搭BA，航空公司要佢出過張機票，佢另外亦用mileage 幫小朋友換咗另一套CX機票，CX都要佢再出過，雖然都仲有位book到，但仲要畀重新出票手續費。

---

原來加名可以揀2。入境處同我哋講，「加名」只可以將英文名加喺後面，加喺前面叫做「改名」，手續麻煩好多.....

---

加响最後查實對出國作用不大，外國人係唔會識分你最後個名字，加响前面其實都係屬於加名，不過入境處職員唔係個個都識。

我幫仔加名之前問過律師樓，律師答我其實可以唔驶做改名契，不過我費事日後麻煩所以都特登比錢做定。去入境處申請換身份證時有附上，換领文件冇要求要提供，但阿仔换證當日職員有問我拎，我答佢文件冇要求要，之後佢又走去問第二個職員，問完之後就話唔駛，好簡單就幫我仔换了新身份證。不過我特登比錢拎定改名契就係隨時可以提供費事煩，我同阿仔改銀行戶口戶名同保險改名，全部都有附上改名契。

---

我一直都唔敢問既係，係唔係有啲歐洲女人有將前夫既姓都加落去既傳統？我識得個法國同事，當年幫佢去申請中國簽證，見佢護照個名超長。

---

只加英文名律師樓答過我係可以唔驶，不過好多人都一知半解，做法不一，有啲又要有啲又唔驶，唔想烦就做定契最穩陣。

---

早十年廿年，係好多女人會咁做，我都有個香港中學同學結婚之後改跟老公姓。不過，隨著多左結婚離婚結婚....宜家就算外國女土都少左人結婚會改姓，離婚又要改返轉頭，都好煩
你個法國同事係咪懶得去改姓，所以繼續用前夫的姓

---