學外留學，國家選擇

帖子列表  登錄   
失暈爸爸 | 2021-03-06 02:07
各位，請問點樣選擇國家好？我真係唔知點揾好
大仔今年13 歲，而家考慮梗明年要佢出國留學
外國又無親歳，我又未試過出國讀書
你哋係點選擇？可以比小小意見我好嘛
感激不盡 🙏
kinder17 | 2021-03-06 08:41
問agent最快知各國資料
cfs | 2021-03-06 09:44
Quote:失暈爸爸 發表於 21-3-6 02:07
各位，請問點樣選擇國家好？我真係唔知點揾好
大仔今年13 歲，而家考慮梗明年要佢出國留學
外國又無親歳， ...
每個人要求都唔同,有人會以小孩將來可以入籍定居作選擇,有人會以教育行先將來小孩有能力去邊度定居由佢自己安排,有人會以將來選修科目行先,邊個國家果科教學出色大學排名行先.呢個選擇真係好個人,你要睇下自己有咩要求.
以自己為例,我仔12歲話想出去讀書,喜歡英文(但明明係香港英文成績岩岩合格),我有考慮加拿大及英國,定居唔係我考慮之一,我會比較價錢,學校課程,生活環境,最後選擇英國,英國寄宿生活多姿多彩,有紀律(因為係男仔我覺得需要管束),學校選擇多,而且因為佢當時未有為將來打算,讀咩科未知,英國大學多,世界排名都唔錯.應該總有一科岩佢讀. 考慮過加拿大溫哥華,因為鐘意果邊天氣,環境都舒服,不過岩心水既大學得幾間,將來會在選擇上有點困難.另外,溫哥華岩心水既私校係home stay,太自由唔岩我仔.

失暈爸爸 | 2021-03-06 09:49
可以講邊一個市嗎？價錢如果唔係考慮之一，邊度較好？英國天氣都好濕，凍喎 謝謝(emoji)
失暈爸爸 | 2021-03-06 09:50
另外，如果英文唔合格，英文跟得上嗎？
cfs | 2021-03-06 10:09
Quote:失暈爸爸 發表於 21-3-6 09:49
可以講邊一個市嗎？價錢如果唔係考慮之一，邊度較好？英國天氣都好濕，凍喎
謝謝(emoji)
...
城市?你指英國? 地區唔會係我考慮既範圍,因為來回機場交通有學校安排, 兩小時內車程已經可以接受, 住落左小孩只會去附近town,有時直頭唔會出去,買野可以online supermarket,叫外賣食.至於天氣,我地係中部,成日陰天大風, 小孩又無咩問題,冬天又有暖氣佢無話凍,外套防風防水已經足夠,始終寄宿唔會成日外出. 如果好怕凍,可以選南部暖啲.濕就唔係好覺,空氣好鼻敏感好左.
cfs | 2021-03-06 10:16
Quote:失暈爸爸 發表於 21-3-6 09:50
另外，如果英文唔合格，英文跟得上嗎？
如果英文唔好,真係早小小去讀,速度同口音都要時間去習慣,寄宿學校都會有EAL比海外學生讀,有啲要收費,有啲唔需要,所以搵學校時都要問埋EAL收費,除非差到需要獨立再補習啦,先再加錢.孩子自己都要勇敢,唔明就問,多啲同本地學生溝通,先會有進步.我仔英文都唔係好,不過佢好勇去試去講,又同本地生玩得埋,打波最易結交朋友,而家已經完全跟上了,
先決定好要去邊個國家,再研究學校課程.如果今年9月出國,要快手了.好多學校已經收晒學生.
canterlau | 2021-03-06 10:19
Quote:失暈爸爸 發表於 21-3-6 02:07
各位，請問點樣選擇國家好？我真係唔知點揾好
大仔今年13 歲，而家考慮梗明年要佢出國留學
外國又無親歳， ...
睇睇升學無疆界，今期介紹:英國，新加坡，新西蘭
失暈爸爸 | 2021-03-06 10:26
Quote:cfs 發表於 21-3-6 10:16 如果英文唔好,真係早小小去讀,速度同口音都要時間去習慣,寄宿學校都會有EAL比海外學生讀,有啲要收費,有啲唔 ...

多謝晒，比咗好多有用嘅資料我 真係麻煩晒 (emoji)(emoji)
失暈爸爸 | 2021-03-06 10:26
Quote:canterlau 發表於 21-3-6 10:19 睇睇升學無疆界，今期介紹:英國，新加坡，新西蘭

唔該晒，我都睇睇先 (emoji)(emoji)
1/2
下頁 | 尾頁
.
Powered by Baby Kingdom
立即打開