我會，因為舊年抽唔到，今年仲可以優先抽添:-) －－不過好似因為係「工作人員」，今年實去到．

我日日都接放學，冇聽過有小朋友真係罰留堂呢回事（我諗就算有，應該係要見家長／記缺點既大件事先會），老師多半係靠嚇居多（唔好話返俾囡囡知:mrgreen: ）．
舊年我囡個班主任初時夠話邊個曳邊個午息唔俾．．．:weapon: ，有家長好擔心，響小一新生與班主任交流既會談上追問，老師直認係靠嚇:lalala: ．可能因為佢既親和力，好快令到d同學仔唔係好驚佢，所以都要諗d板斧對付佢地．

---

您都話好多小朋友郁來郁去，可以推想，要維持秩序同場面有幾難:Q ．以上學年既好有限既接觸，孫Sir平日好有禮貌（我囡鍾意呢間學校既原因，最初竟同孫Sir有關:L ，所以有特別留意，您可以recall一下運動會時，孫Sir鬧人都會加個"請"字），但係企上去果個位，就要做白臉:@ ，可能有時要有殺錯冇放過，Cookie囡囡夠顯眼，所以．．．．

---

我今日撞見浸聯P2既家長鄰居，佢苦埋口臉話，以前浸聯就係冇咁多野做（佢個大囝都係讀浸聯，好似升咗中咯），但係現家改咗勒．
改咗既唔係功課多咗，係要做既野，例如要讀既野、要做既project／其他野多咗．佢咁講，我先諗返起，我以前見過浸聯P1有個project，唔記得係講動物定係乜，家長需幾花時間去砌（所以家長後來好proud of個製成品，會攞出黎同我地分享）．

我諗，要小朋友讀得輕鬆之餘，又要響激烈既競爭環境下爭上游，家長好難可以少做野．好似馬基校長響舊年開放日話齋，響而家既環境下，有邊間學校可以唔谷？敢唔做野？

仁紀相對而言，反而係”他條”咗．我記得P1上學期可能有7-8樣功課，下學期都少番到5-6樣．而家剛開學，都係得3-4樣度．可能已經適應咗，覺得每門功課的量都不是太重，好似我囡做做吓會走過黎同我講野果種勁唔專心既小朋友:chair: :chair: ，每門功課都係做10-20分鐘就完工．所以開學前所擔心既激烈場面都暫時未發生，我地仲有時間繼續做加減百子格．

我曾經響度做文抄公介紹百子格運算，不過果時自己冇真正實踐．暑假時，唯一堅持下來既，就係做咗20幾日百子格，發覺效果唔錯
－－我由單位數加數開始，等囡囡做到100題數6分鐘內左右搞掂既時，就逐D滲入兩位數字，擒日啱啱試1X-9X既雙位數字+個位數，囡囡都冇抗拒（佢最初做雙位數減個位數時，走黎講咗幾次話唔做）．

我聽過有家長去上公文中英數．公文數都係每日要限時計200條數（規定要心算），上堂時又係即場計．
我覺得百子格練習都係類似既野，基本上，數假如係每日計既話，所需時間梗會愈來愈少（正唔正確倒未必成正比）．百子格練習需要既只係13格簿，數字家長自己寫／抄上次就得，比較方便，覺得唔夠時間去人地度上公文數既家長，不妨試吓．

---