恭喜哂！原來您地都曾入選咗棒球精靈班？
可能係睇漫畫睇得多，我對日本仔打棒球而凝聚既團隊精神特別有好感．單甲子園呢個名，就好似係燃亮青春既icon咁:lol

在校有留意過捧球精靈班的集訓，不能謂輕鬆．高年級既，假如開不了球，好像要罰做伏地撐．

不過，團體運動總有其魅力，

就好似之前有女已上高中既家長同我分享咁，佢話當初兩個女小學時在繁忙既課業外，仍要上每星期既聲樂同管樂排練，忙得透不過氣來（不過佢間學校既學生較乖，老師挑選了都唔敢拒絕）．但辛苦了好幾個月，然後在比賽中獲得成績，那種滿足感，會較自己個人爭取到好成績更為充實:handshake

君不見，有很多「成功人士」接受訪問時都坦言，讀書時成績未必標青，但熱衷體育活動，從而學會如何與別人相處．．．（我較深印象有類似言論的，竟是讀聖士提反的范徐麗泰！）

學校的功用，不僅是知識的傳授，它還提供了一個場所，讓小朋友學習如何與同輩相處，和激發火花－－寂寞（不只一位家長告訴我，其子女小息時為找不到朋友玩而煩）、吵嘴、妒忌、模仿或明暗較勁，都是不可或缺的一環．當中，體育競技、尤其是講求合作的球類活動，更是男孩子身心健康的催化劑．

現在的孩子都很驕氣，動不動就說累，不要站，要坐．．．不過他們面對喜歡的運動時，可能會稍稍忘了城市人的體質．希望有機會入選校隊的我們的代表，會堅持下去，在另一個場區，體驗到不斷努力就會有進步的喜悅:-D :-D

---

校長話，仁紀偏向擺資源在英文老師方面，英文老師都較有經驗，在未有教育局資源的高年級裡，亦有NET老師上每星期一至兩節的課．

我比較過不同學校既同級中文課程，發現用廣東話學的，幾明顯較普通話授課的課文深．作文亦然．都唔係好明點解?-(

當然，在「一國兩制」的大趨勢底下，我都認同將來唔識普通話，唔係好著數．但係我亦聽過有d教中文既朋友被迫頂硬上兼教普通話，但佢d音調其實唔係太標準既事件．．．響呢個情況下，我情願中文俾d有經驗既資深本地老師教，普通話留返俾日後找標準口音既老師學．

其實，我地學校倒有不少家長係教普通話既，今年既故事媽媽，我也提議無忘這些珍貴資源，而由符太、趙太開設既有機耕種班，就設計成粵語、普通話麗音教授（趙太原為內地小學教師，普通話好似為其母語），請各位多多支持:-) :-)

---

我係家長接送既，通常，學校最早都要2:45pm先放家長入去接，搞得黎，3點左右至行出去．而保姆車條隊應更遲，加上而家落大窩口又有交通改道，分分鐘會用多5-10分鐘車程，所以放學時間可能提早唔到好多？

---

仁紀既家長真係好好架:mrgreen: :mrgreen: 我因為搵資料睇返，原來您地囝囡好多都係上校訊既龍虎榜的精英人馬:-D :-D

---

1 曲奇應知道得更清楚，聞說，此班導師好肯鼓勵小朋友去參賽，有頗佳成績．另好似曲奇以前講過，佢阿囡上咗後，有興趣令寫既字靚d？

2 唔知，只知道校長個囡以前都係跳拉丁（曾經拍才藝表演果個前畢業生、今奥運香港代表做舞伴），佢幾想谷起學校既拉丁．

34 唔知，但劍橋英語看來是去年我囡上既拼音班同一個教學機構辦既，佢d英文筆記睇來好多野學，勁多生字，但我囡吸收力低，學唔到好多．
各人觀點唔同，我認為呢d課外活動既野，冇理由仲填鴨過上堂，不過記得都有家長出黎撐過拼音班．

不過到10月中，學校幫趁個高年級NET服務既機構，可能會搞家長同小朋友都得上堂既講座．之後可能都會以優惠價錢開外籍老師任教既英文班，可以睇定d先．

仲有，我因為向池老師詢問上周派紙既電子上網操中英數常間公司既口碑，佢透露過學校到10-11月度，可能都會有中文每日一篇．小學既學習生涯十分忙碌，英文每日一篇10月初開檔，加埋中文，可能都唔係好夠時間睇其他，所以唔駛咁急俾錢d什麼網上學習公司．

---

係，星期五問返d家長，先知道留堂原來唔係好罕有．通常都會打電話通知家長，搭校車／褓姆車既，好可能會搭遲一班．

我倒見過有家長好遲接送既小朋友，剩返佢一個時，入咗去校務處、貌似幫校工姨姨手做野
－－呢個又係我幾鍾意學校既地方，d校工姨姨唔只好似曾特首咁，只為打份工，好多時都幾有人情味，像以上好可能係較缺乏家長關顧既小朋友咁，就俾d任務佢．我諗個小朋友對學校應會幾有歸屬感？

---

我囡係聽覺型，所以中默較英默難搞．而家二年級，佢識既字多咗，可以試吓將難字拆做口訣講出，咁返放學都可以唸下口皇，如：
1. 金先先貝－鑽
2. 十十四維－羅
3. 十十撇司田－蔔
4. 水土土土元－澆
5. 土里－埋
希望work啦．

---