今日我響學校食C餐，不能說是美味，但又未致於難食．一齊吃的，還有食B餐的幾位家長．她們這個多月來都有很多天需留在學校買飯吃，也沒有覺得很難忍受－－是不是您平日煮的餸太美味了，令囝囝有個高水準的比較？

---

其實可以每日落去小食部買飯，不過咁會麻煩D

有得揀，小朋友梗會揀就佢地口味既屋企飯，我囡都話俾我聽日日食唔晒D飯，大概沒有吸引到她的口味吧？

---

我多半用網上既．睇到今日阿囡帶返黎既牛津有字典既prom，有中有英，或可考慮:-?

另：今日張家教會候選人資料中，第一頁倒數第七行末句：
分享期努力成果的喜悅。
其中「子女展示長」等字被吃掉，應為「分享子女展示長期努力成果的喜悅」。
同頁「自我介紹」一欄中：
倒數第四行：「老師委員會」、「家長委員會」及倒數第一行「家長、老師委員會」中的「會」字皆多餘，家教會內沒有再細分老師還是家長的委員會．
字太多了，學校又得再輸入一次，難免有錯，為嚕囌而道歉:adore: :adore: ． [ 本文章最後由 csy_ma 於 07-10-3 17:58 編輯 ]

---

LUCY,

我唸緊下個月朝早俾飯佢帶, 但係真係好重. :-(

好似亞仔話尋日原本剔左係豬扒飯豉油汁, 佢話D肉係辣, 都唔知點解???:-? :-? :-?

我聽高年班講如果臨時當天要食美利飯, 都可以即時去樓下買. 所以可以彈性D處理.
唔知係咪呢????


黃巴士

---

cys-ma,

仔仔食左美利飯1年, 起初佢同我講話學校飯好味, 但係今年就話唔好食. 可能係食厭左, 想帶吓飯啦!!!

俾您估中左, 老爺係"百彈齋主", 攪到99煮飯要力求好味, 可能攪到仔仔"咀鵰".:-)

黃巴士

---

係既，唔訂飯，果日去小食部買都得，即時俾錢－－響小息講落就最好，否則驚突然有好多人買，分唔到．小食部阿姨好好人，應唔會嚇驚小朋友:cheeze:

其實舊年，膳食監察委員會既委員，都有搜集其他膳食供應商既資料，想比較吓．不過老實講，要搵其他機構試食，佢地特地同你整幾個飯盒，都好少會唔好味，呢個基本誠意應該會有．
但就難保轉咗膳食供應商後，就好似潘金蓮已俾西門慶氹咗一樣，事前事後完全唔對辦:Q ．

如之前交代，美利同學校有長久既合作關係，且基本上都幾肯聽監察委員會既意見，小食部唔賣汽水，冇薯片，以香蕉、蘋果等乾果代替（都幾好味架，仲有我至愛既小老闆紫菜添:-) ），在餐單上多加些蔬果．．．

但畢竟係mass production，菠蘿排骨飯冇菠蘿又冇排骨，大概係分贜唔勻，呢樣野會反映吓（有委員更關注到天冷時，飯盒保溫的問題）．Lucy您可提醒醒囡囡，下次遇到咁既情況，可以連飯盒攞落地下小食部，叫佢地加餸／換過有餡既飯盒俾佢:o ．副校講過，加餸同加飯都唔駛錢既．呢個係變相既監察機制，定要好好運用:mrgreen:

仁紀既生源較複雜，之前有家長打聽到另一家專做飛機餐既午膳供應商（不過其實唔係好聽過邊家公司既飛機餐美味？），做學童飯盒都ok，但係要貴幾蚊－－我地都幾觀望，覺得好多家長未必接受，所以就冇再積極打聽．

如果有家長有心水推薦，請告訴我們:adore: :adore: ，老實講，「有得揀，先係老闆」，PTA膳食監察委員會絕對唔會介意貨比三家．

---