我囡都係做班長,不過讀書叻唔叻就暫時仲未知啦,:wahaha: 不過佢就話做班長都幾煩喎,好多同學仔成日有咩事都搵佢,但唔搵男班長喎

---

咁都好d,平時我女會著埋套制服番學架,唔該哂你呀

---

好耐冇上過黎了……
原來校網有咁多野睇，多謝報料:excited:
上星期去咗可風（荃灣區），今個星期輪到兩間女校既開放日，真係覺得我地呢個校網，對於女仔黎講確係超正:good:
兩間女校既校園環境都相當唔錯，學生健談自信，當中保祿既學生主導性較高，蕭明都唔執輸，就算自稱懶惰既高中生亦好健談，好有自己既觀點。唔知係唔係女校既特點？D學生好似都好有歸屬感？
之前冇去過林護開放日，但聽講D學生就較為古板同被動，唔知係唔係成績好，競爭大，小朋友既精力去咗學術方面？
可風、保祿同蕭明D學生都好健談同自信，我地響蕭明逗留既時間唔長，保祿同可風相比，保祿既平均質素較高，可能因為好多活動都主要由學生自己本身策劃，老師擔任輔助既角色，所以學生比較多野講？
不過可風都唔輸蝕，學生甚至主動跟家長聊天（例如家長間自己討論中學某D上課特色，佢地聽到就搭口話我地學校會咁咁咁……）（老公唔係好欣賞可風幾位出黎講既管理層，認為佢地"硬銷＂得滯，介紹既power point無論中英都有錯字，犯上佢既職業病，而某些對家長黎講幾有參考價值既信息，如取消精英班，但其中一班會按程度分兩班作小班教學，估計可能係補底拔尖班咁，我地反而只能由同同學傾偈度意外得知，不過佢同樣好欣賞可風學生既溝通能力和自信表現。唔知點解，普遍黎講，都係女生既應對同自信好D？）
講校舍，則要數蕭明最吸引，入到去即覺十分舒服。可惜係圖書館細D，書種偏向初中，重引起興趣多於參考性（英文圖書頗多小學程度書籍，我地班既老師既圖書跟其比亦不見遜色）。不過，蕭明似乎好重視閱讀習慣既培養，每個樓梯轉角都有書架，以期書香處處，但偏重於中文書多D（學生話每年都有英文書閱讀下限，老師亦有指定讀本）。
而可風既課室同走廊都偏窄，頗有擠迫感，但特別用途課室則較大，種類又多，圖書館又幾豪，好有空間感。選書都唔錯，睇第一排新書介紹，可以兼顧興趣、潮流和有較紮實既資料，老師相當有眼界（圖書館老師話，除咗佢有每月至少一中一英功課外，每科主科老師亦有指定讀物）（唔記得咗參觀保祿既圖書館添:hammer: ，好彩仲有下一年）。
我地冇聽到蕭明既簡介會，但好欣賞保祿校長既言簡意賅，好多野留返俾學生去講去介紹。可風同保祿可能因都唔算係band 1頭，同樣會係會面見晒所有第一輪遞表既學生，非常有誠意:good: （呢兩間中學響區內亦係功課較少既，唔通要攞好成績就真係要谷得好盡？中學生活，除了有形既成績外，還需要什麼？）
下下個星期五輪到安柱家長會，我地都非常期待:lover: 。曲奇，到時會唔會見到妳呢個舊生呀？（我諗我地冇機會參觀校舍，頗為可惜:sigh: ）
咁多間，只能揀兩間，都真係幾難選擇……
有冇家長會去李兆基或善德或陳兆民、全完、八一等可以分享吓？:roll:

---

對於在傳統基督教讀書成長下的我, "可風"校長俾我感覺學校背景好傳統, 朝向祖國& 好"中方".
像置身返了中國讀書的感覺.
校長言詞都較嚴肅&官腔:handshake . (純是個人感覺):-o
相對副校長講及與其他同學一齊去"世博"及各地交流團經歷, 以及共同面對抗逆體驗較印象深刻及感覺輕鬆&自然.:hug:
黃巴士

---