黃巴士：
呵呵，好有同感，特別係大陸現時時興儒學，行冠禮既形式野可響新華社圖片中搵到，仲以為係旅遊項目添，估唔到中學都要做咁既大龍鳳:joyous:
老公對此可謂相當反感，不過我就冇乜野，因為戲如人生，假如做台戲會令小朋友對背後宣揚既野深刻D，我都唔係好介意。
咁啱，原來老公有朋友既朋友係可風既老師。據聞，校長係電腦出身，行政效率較好（睇佢既演講倒唔多似，好似老公形容話齋，佢講既野，似對佢上司交代多過學校理念，好似隨後同D小朋友仔傾偈，發現佢地冇受＂荼毒＂），副校亦係理科出身。
我地比較鍾意可風，亦因為佢係區內出名功課較少既學校。老實講，入U率對於我地黎講唔係好重要，我地緊張個小朋友未來六年既成長，多於六年後既前途（呢個世界變得咁快，學制又變緊，好難計到咁後）。不過聽完講座後就唔係幾鍾意，睇佢地既安排，完全係以大人為主，睇唔到學生既自主性（矛盾既係，同同學仔傾偈，佢地又好自信，響學習既分享亦幾有自主性，幾神奇。唔通同佢地多搞訓練營同交流活動有關:question: ）
不過，畢竟係老牌名校，仲係荃灣既三大英中之一，佢既高中學生表現積極主動自信.。我地雖然係隨意搵各個課室內既同學仔傾偈，但接觸到的都係十個八個，好多都係領袖生，對答如流可能係自然既。呢間學校，同學仔表現較管理層好幾多，真係個難題！
妳會去李兆基嗎？等著妳同kswiss既分享:lover:

---

曲奇：
唔該晒！
啱啱寫咗有關響可風聽返黎既大堆資料，點知話我冇登錄，唔見晒:crying:
遲D再培養心情講過……

---

露絲：
我冇吸取教訓，寫完個長PM俾妳後就手快快咁send出，之後才發現我的發件箱上沒有記錄，看來有點凶多吉少:crying: ，請看一下PM看我是否能僥倖傳了給妳？

---