這一兩天假期, 仍有數TSA&英EXERCISE要做, 反觀中文這幾天沒有功課. 星期一考中文, 好像都沒頭緒要溫咩??? 只係溫左默書少少.......
唔該晒！我係睇到您話要做數TSA擒日問阿囡，至知道原來佢做漏咗樣功課，結果做完都冇也時間再溫。
中文可能都要求助於外援：我囡上次搵段意同今次小測既排句成段錯咗都幾多，於是去坊間搵吓有乜補充練習有咁既形式？原來得好少:naughty: 有都係得幾個練習，有d都幾淺，但有d似是而非既，我同阿囡一齊做時都中招:igiveup: ，真係幾難捉摸。
不過，自從換了位中文老師後，我囡對時事既興趣大咗好多。周日我地上完活動例牌去間食肆度食午飯，佢竟然請老闆娘由卡通片轉台去睇《城市論壇》，仲邊做功課邊聽到邊個發言者係幫政府，邊個係反既，都開始真係有d"常識"。
但係唔知點解，佢既"政見"有時都幾激烈:surprised:
明天英默仲未默過，要等阿囡醒咗至可開動:sigh: 不過因為老師已連日來同佢地複習，所以雖然冇點溫過，都唔算好驚（好彩今次冇考story bk，舊年阿囡直頭唔記得溫reader，但因為外籍老師教學得法，佢都記得住；今年佢都溫過本書，但係換咗果位老師冇響堂上講字既解釋，所以上次響reader失了許多分:naughty: )。
同樣操得好衡既係數學，今次原來係由B班既黃主任出卷，下次先係上年既＂殺手＂，真係……駛唔駛臨急抱佛腳學定幾堂奧數？真係未諗到點幫佢喎？
今個學期常識係太空，男仔都感興趣，下學期則係中國上下五千年歷史同地理（今次都有），到時都有排溫:sigh:
