美國大學方面我唔熟，他們的工程師學會我都不太清楚如何運作。 在香港，很多人認為工程係水泡科，我當然唔認同。我們每次審核每間大學工程學院，特別留意收生標準，分數之外，還有選科組合，一年之後的校內成績，例如工程數學跟M1 M2嘅correlation ，修物理或者combined science 是整體成績差異。 所以我之前夠膽講大學會收有修M1 M2學生，唔收combined science 學生，係因為有follow up data and evidence。 另一個問題係大學放水，你所講嘅降低合格成績。我哋要求每科功課，project，FYP report and exam paper不同樣本，例如top and bottom 5% ，中位數值樣本若干份。如果有疑問就full samples，事實就係放在另一張枱。 分兩到四個評審員分別審視試卷，功課嘅深淺，project 特別是 final year project的深度及評分標準。如果有疑問會請相關教授來解釋，如果唔滿意之話會通知工程學院院長。 我有一次對某三大的個別FYP評核有意見，當晚收到HKIE通知，副校長非常重視，希望我及另一位教授明天早d去大學，他跟院長跟我見面了解問題所在，他們答應會嚴肅跟進，作出書面回應及以後加強這方面監管。 如果冇專業團體把關嘅課程就可以過關，呃呃騙騙。我相信香港的專業團體不會輕易放水，因為有互認機制，放水結果鬧大，其他國家唔承認，個學會或者專業團體就玩完。 就算畢業，行完scheme A，夠經驗考牌，平均合格率約30%左右，我哋學會也有QA監察我哋有冇放水。放水機會細，上訴機會大。所以我哋肥得來申請人，要肯定bullet proof。個別例子係申請人公司上訴，但如果證據充足，冇得好拗。

---

我哋冇什麼專業試，專注在大學課程的QA。畢業後就睇培訓內容及實際工作經驗。專業評核就分筆試及面試，筆試就睇英文水平，邏輯思維，社會跟專業相關話題，2小時1500字。 面試就一個小時，就申請人經驗，問實戰問題，申請人多數是吹大，慢慢他就知道坦白從寬，實話實說。例如成日講到自己係project leader，事實上只係member。Leader 就深入d去問，兼顧面也濶好多，因為跟個別項目相關，好多露底，特別在安規及法規方面。

---

[i=s] 本帖最後由 ANChan59 於 23-10-6 12:26 編輯 [/i] 重見天日啦！:happy:

---

我相信主要分别（美國同香港）係美國有班極左、左膠、平權、結構性種族不平等mob，香港暫時冇。

無數嘅大學、專業團體、企業被逼屈服喺呢班人嘅壓力之下，明明冇錯都主動認錯。明明擇優而選係最正常不過嘅事，因為牽扯到種族/平權等等，就降低甚至取消評核，好等所謂「弱勢」社群唔會受到「挫敗」，根本係斬腳趾避沙蟲。

我最近學到個新詞匯，virtue signaling。就係講呢啲大學、企業、專業團體甚至荷里活明星，為咗「演」俾人睇自己，或者代表嘅機構有幾咁「公平」，專登做呢啲降低standard既野，或者譴責其他唔跟住做嘅人/團體。為嘅就係要喺啲左膠mob之前，「睇落/聽落」好支持平權。所以有少少病入膏肓。

陳Sir都知我唔識唔會隨便亂噏，我真係留意咗美國情況其實好多年，尤其係教育。

我真係比較悲觀。

---

要推先得:joyous:

---

我知道你的為人。 香港都有亂咁嚟嘅平機會，令到現在嘅男生很多去咗band 2/3。男女發展時間不同，為什麼體育又唔計呈分試呢？分兩條隊係equal opportunity。因為在國際上已經有不少這研究，要早熟跟遲熟一條隊，是否真的公平，教育局當年冇用相關研究作辯護，最後係打殘一代男仔。 現在搞STEM，多鬼餘，我送阿仔開始學STEM係十歲開始，這個是主流，全世界都咁樣行，政府後知後覺！ 新高中課程重文輕理，又係為女生度身訂造，男仔數學強就整個core出嚟，你叻咪抽時間讀 MIM 2，不過計半科，啊，理科深呀，咁combined science啦。 香港其實幾核突肉酸，肯定有左膠當道。

---

係，全球都左傾。我唔介意equal opportunity，我非常介意放棄精英制 (in the name of equity/or equal outcome)。就係因為唔再追求精英制，先開始有咁多「騎呢」政治家出現，然後再加速左膠化。

梁錦松係一個唔識教育嘅左膠，香港教育就係毀喺佢嘅教改之下。

---

e兩年,其實,我有個願望．希望细囝返學校分享/教授,邏輯/數學．

你講ge教育制度,對的．

要big step,
連數學/邏輯思維都改．

3年前．我開咗個post, 有关奥數/開心數學．
這樣就3年了．

---

你細囝肯返去教師弟學妹，係非常好嘅事。 我唔相信教育敢大改，睇睇教育局長什麼人，點會倒米，得罪人。

---