https://www.dimsumdaily.hk/hong-kongs-english-is-losing-ground-and-heres-how-to-regain-it/ 這文章有些建議去提升香港英文水平

---

我以為得我覺得差咗

---

on average差咗好多，不過都有英文好好嘅學生（我講conversationally)，所以就係好似你咁講兩極化，不過個M字係差嗰邊大過好嗰邊好多倍...

---

其實就係我講嘅問題，重讀寫輕聽講。以一般嘅LS嚟講係必然嘅。一班廿幾三十人，每人講一句都落堂，教條毛咩。老師發功課你返屋企做，一次過改簿，又快又爽。但係真係要用英文去溝通，教大班真係蚊瞓。所以喺現今制度，冇咩可能。

我持悲觀態度，我認為現金地緣政治、家長嘅現實選擇，只會令英文死得更快。

---

我分享一下兒子個情況，我們一直為他安排上英中，他到小三小四因為不少同學哥哥姐姐讀中中，他覺得可能讀中文冇咁辛苦。 我哋冇跟他爭論，趁暑假去旅行，我哋尊登讓他獨立自己過移民局及海關，最初望我哋幫手，我哋唔理佢，最後自己搞掂哂。去到快餐店俾錢佢去幫我哋點餐，跌跌撞撞又搞掂佢。 之後debrief，我問去幾個國家用什麼語言？是否好難？你是否想中學輕鬆過關，但到大學及出來社會做事才惡補英文？他自己心知肚明，不用解釋咁多。 他已經在一個幾理想嘅中英語言環境成長，他都會因為貪方便、懶惰選中中，如果其他學生冇語境，冇資源，更加係選中中，英文自然大落後。

---

我有時都唔知佢哋是講真定講笑，暫時我覺得英文好，中文有基本能力。仍然是機會多過中文好英文差。 當然有啲人會話中英文都好最好，但係有幾多人可以做到始終語言都是講天份的和用時間浸出來的。

---

其實對學「外語」我自己有啲心得/睇法。
我有幸喺真雙語家庭長大，中英都係Native。當年我有修外語（法文、義大利文、俄文），正正就係用香港教英文嘅「第二語言」方式學。讀寫係强，但係聽講相對弱。叫我考試可以攞A，放我喺巴黎、羅馬、莫斯科好似個啞巴一樣。

所以到我仔女學外語，我講到明要focus on conversation，唔使理考試範圍（自費學習期間）。目的係佢哋去到外國可以對答流利，揮灑自如，唔係考試高分。當然當佢地聽講係一流嘅時侯，讀寫自然差唔得去邊（我仔嘅事蹟有記載喺日誌）。所以其實學第二語言，重點係聽講，非讀寫。我認為香港嘅教法錯晒，不過亦都關資源事，極無奈...

---

回歸後英文已被矮化, 波叔昨日出的official blog - Chinese only, 雖然遲些有Eng version, 點解唔係一齊出？ https://www.fso.gov.hk/eng/blog/index.htm

---

我反而完全唔buy語言黃金期嘅睇法，只要學習方式正確，任何時間都可以學任何語言。

---