美国特別多这些 Mickey Mouse programs。 一个国内朋友儿子美国留学，Industrial Design + Photography。毕业后老友打本俾佢开公司，他的产品设计又做得几好，很快攞到 red dot design, 网上销售不俗，跟住拍小米码头，几轮集资之后，希望过多几年在上海上市。

---

你朋友個仔算叻仔（而且有老竇打本做生意）。現實就係有大量根本唔應該讀大學嘅學生，為咗讀大學（或者以為讀咗大學人生就升lev），唔理咩狗屎垃圾科求其入到就算。莫講話畢唔畢到業都成問題，就算畢咗業先發現原來搵唔到嘢做，或者唔肯做啲唔配合「大學生」身份嘅工。到頭來又係上流唔到，倒不如一開始唔好夾硬入大學，去學門手藝更有用。

跟住我咁講又俾人話右膠，又俾人話阻止social mobility，其實都幾啼笑皆非。從前大把白手興家例子，好多都冇讀過大學，靠嘅係努力同埋不怕吃苦，亦冇人「製造」過機會俾佢哋。點解而家要因為平權，就唔理學生本身有冇能力，有理無理都要俾佢哋入大學呢？

入大學讀呢啲mickey mouse degree，除咗幫佢地製造咗啲不必要嘅虛榮／面子（話我係大學生喎，點會做呢啲工呀！），一啲幫助都冇，更遑論向上流動，反而仲窒礙咗佢地安安定定搵份工添。左膠平權其實真係害人不淺，最重要就係害咗佢表面上最想幫嘅所謂「弱勢社群」。

---

上一兩代，很多父母都冇機會讀大學，他們只是希望子女入到「大學」，填補他們部份遺憾，同時希望子女走一條較好走嘅路，這個是可以理解。 也正正因為咁，所以要入三大，要入神科為終極目標，來保障畢業後搵到食。 如果看透現在所謂大學生的社會地位，將期望值放下，又或者將期望管理好，讀Mickey Nouse Programs也是可以的，但不要跟以前的環境作比較或者作目標。 如果家庭有米就可以無白丁，辛苦少很多年。 外國左膠這樣做有選票有支助，加上外國冇亞洲人咁著重學歷，大學畢業做藍領階層也沒有問題。如果不理收入或者子女天賦，一定要做白領，就唯有自己諗清楚啦。

---

我可以理解家長想小朋友入大學嘅心態，我唔可以理解或者原諒大學唔把守住學術精英要求嘅做法。如果大學明白自己做緊咩，唔係咁開course／增加學位嚟溝淡學術要求，學生一樣係要成績達到某個水平先可以入讀，唔會因為「平權」而有「特權」咁我冇問題。唔應該係「想」就會有，應該係想就將佢成為動力，去「爭取」返嚟。

香港咁細，兩三間大學夠晒。其他咪繼續做polytechnic，繼續做community college，繼續做vocational school囉。好多人話大學學到嗰啲所謂嘅博雅教育，係polytechnic / community college / vocational school一樣可以學㗎。

---

大學開古靈精怪課程不是他們想這樣做，係UGC會睇你嘅收生情況，每幾年調整大學嘅資源及收生人數，個餅差不多大，每次有些大學增加學額及資源，咁其他就係要減返出嚟。 很多大學開新課程都係細分咗某個大課程，或者cross over ，我哋都要理解他們也是求生存，開一些新瓶舊酒可以減低殺大學的情況。 現在家長期望值咁高企，想改多線發展係非常困難啦。 阿仔一直都覺得幾年大學冇乜用，我都希望佢讀完（可能我紆腐），再尋找自己的想法，氹咗好耐先肯去讀大學。

---

咁香港的確係少啲所謂Mickey Mouse degree嘅，我講嘅主要apply to西方國家。但係為咗唔被殺校而開課程就正正係問題根源。如果減返去三間大學，再嚴限學位數量，我懷疑UGC可能可以做到全部本科生免費添！正如外國大學好多endowment多過啲小國家嘅國庫，而家理論上就可以全部學生唔使錢讀書。咁咪用適當嘅錢去俾有學術能力嘅學生，無後顧之憂咁追求學術。

---

e種咪叫父蔭.
係"造"設計, 見過一些類似故事.

---

其實香港都有這樣的情況！ 我用國內朋友例子只係回應beastiebristo 嘅炒雜碎課程，剛好有個現成例子。

---

好難㗎！ 老懞懂都係講60%大專畢業，但社會及家長解讀為60%大學畢業，點夠佢哋玩。 行精英制，家長會覺得我仔女入唔到精英咁點算，哽同你死過！行平庸制，大家和稀泥咪好囉，社會和諧，對香港管治有好處冇壞處。越叻越難管，係咪！？

---