我地二線頭公司當然等龍頭出咗 offer 才開始見人，以往仲請到ok嘅，今年就........

---

[i=s] 本帖最後由 ANChan59 於 23-5-5 00:37 編輯 [/i] 剛剛火車有網絡，回覆你的問題！ 我哋唔想今晚去Brighton 睇波，因為他忙於performance appraisal, 留返星期日。星期二果場倫敦打吡係好好氣氛，個球場好正，阿仔請VIP tickets，我好好享受，半場有酒有咖啡，散場有live band 表演，好唔同嘅氣氛。你去我FB睇video。 探仔的時候見到他枱面有20+本書，除了幾本老闆建議嘅desk book，加有關於科技，哲學及管理嘅書。好似畢業咗6年，持續進修，自我增值係有需要的，因為時代變得越來越快。 我唔評論香港新鮮人，跟阿仔傾他下面新鮮人，反而又有不同的看法。英國跟香港新鮮人都係肯學嘅，而且醒目，可能原因係他們都出身名牌大學，畢業個個first class ，個別重係名牌大學碩士，肯定係高分嘅人。 但係其他team 就未必咁標青，因為現在叻果d，唔會做account or audit ，唔好意思，我係好直接。入到去都可能低分低能，公司只係搵廉價勞工，如果Al做到，立即炒晒佢，節省成本。 新鮮人好睇跟什麼老細，肯教定唔肯教，結果可以差天共地。他下面英國新鮮人較喜歡問點解要咁樣做，不是問如何做（model answer) ，這個是最大兩地差異。前者明咗通咗，有新project就較容易執生，後者轉左彎就企左係度。他在香港嘗試去扭轉個別下屬嘅minded set，係有改變但事倍功半，一到杀攤就會slow motion ，等model answer 或者老細嘅指令。 問題在香港及英國都會有不少人坐到夠鐘升上去做管理階層，他們的底子唔夠好，不是所有野都打通任督二脈咗，所以係20年經驗，不過係10年實際有用經驗x 2的年資。他們帶叻嘅新人，好快俾人睇穿，帶冇咁精靈嘅還可以。這些低分低能新鮮人過得2年升唔到級，自己都醒目起身走人，捱唔到幾年。 香港高分低能係幾普遍，不過應該給予一年多時間去學習、適應，不應該立即判咗死刑。阿仔前日提咗一點，對新人要有系統地培訓，然後才是on the job training 去浸，不能用on the job training 代替系統性培訓。做得培訓好，係有得救嘅，如果低分低能就神仙難救。 資深低能如果靜靜雞混日子，可能生存到，對公司的禍害不大，只係並非value for money。如果高調嘅，或者爬上高位有權有勢就大鑊，例如英囯及香港前領導人，幾大鑊就唔駛解釋。 阿仔有個觀察及他自己的做事方法，在兩地都係另類，但係同事慢慢明白及接受。就係很多人升到經理級之後就唔再落手落腳去做，只係指指點點。他覺得他們慢慢離地，而且不再了解做細嘅難處，經常掛在口邊以前做細時，點樣點樣，冇與時並進。所以他走之後，舊公司叻嘅人雞飛狗走，走唔甩嘅就好辛苦。 當你在有需要時肯落手落腳去做，下面及隔離左右知道你technically strong，會容易在新環境定位，而且唔敢踩過嚟，如果又幫到手，會多朋友少敵人。 香港跟英國一樣，中層管理階層的水準參差，又離地，係好容易斷層。 他算幸運兩地幾個老細都好肯教，好open minded，又肯放手，係要感恩(emoji)！

---

這種科技值得推薦，好過去補習及操練。

---

請國援吧，大灣區大把人，質素另計。 香港你這行人工係太偏低啦，個項目價錢打崩頭。 英國及歐洲上市公司肯俾錢，所以項目質素係高d，而且不用要長工時換取收入。

---

AI Index 2023 雖然有三百幾頁，睇吓頭幾頁嘅總括都幾好 https://aiindex.stanford.edu/wp-content/uploads/2023/04/HAI_AI-Index-Report_2023.pdf

---

Thanks for the link.

---

你這個 software 很好啊。我女兒也是自己做 notes, 她說讀 IBDP 自己做 notes 很重要。我看見她溫書是看自己的 notes, 然後自己假設問題，自己找答案，也有和朋友一起互相討論。她認為最好的溫習方式就是做小老師教別人一篇，所以她和她的朋友輪流做小老師，你教我，我教你的。
趁今晚有空也想分享一下。我女兒有修讀 politics HL, 其中要做一份 EA, 是自己做 research 揀 topic, 自己 cold call 約見 NGO 做訪問，再做歸納，分析和 presentation 。我看見她發給 NGO 的電郵有紋有路。Handle 整個 project 也十分成熟，很 independent, 和 NGO 的跟進也很好。我覺得這是 IB 的功勞，訓練到孩子很獨立，做事有主動性，分析能力也強。

女兒這麽多年也沒有補習，她有的是一股傻勁。不懂的，她會自己上網找答案。在 MYP 升 DP 時她在數學遇上樽頸位，就自己不停 drill, 問老師攞多啲練習做，連隔離班的練習都做埋，令她老師誤以為她極度喜愛數學。就憑這股傻勁，她的數學成績還算見得下人。不過，我眼見她有些同學升上 DP 後在數學科苦苦掙扎，才有感而發。

---

你講果兩間, 頭果3-4年唔係IB 喎...


另外, 確實網友們亦唔少提到, 有親友子弟在傳統讀得一般般, 但轉左去IB 讀到曉飛, 特別說起感覺數理較淺...

講到呢度, 一定唔少IB 友想群起攻之... 所以, 快快趣講埋下半段, 戴返護甲....:wahaha:


呢D 子弟/父母, 不約而同, 提到以下兩方面既改變:

再搵到學習/讀書的樂趣;
眼光廣闊左, 找到志向, E.G. 理科轉社科...

---

睇陳SIR 咁多分享, 最欣喜唔係什麼資料/分析, 而係你跟你仔既互動和志趣相投...


相反, 同事間聊起子女, 發現這年代不少年輕人做"啃老族", 30幾歲仍問父母借錢去旅行...


不其言想起先父既金句: "希望仔女學門手藝, 能獨立養活自己..."


看陳SIR 你已上岸, 戥你高興... 不過這年代父母能有這造化, 似乎還不多...

---

我說數理科的”原理”簡單是它們的表述, 不是它們背後的智慧累積... 正如, 牛頓果3條定律... 但在不同SCENARIO 如何應用, 是複雜的...




關於"融會貫通", 我們那代利用大量習題和WORKED EXAMPLE 去DRILL, 想請教的是: 坊間上IB 是否有大量這類學習資料? 還是你想說, IB 不一樣, 所以不用DRILL?


因為在我的傳統認知, 你說的 "多思考", 沒有這些輔助資料, 只學原理, 很難憑空想像不同的SCENARIO 吧...

---