讀唔讀Master 永遠都是個話題，我及CEO傾向點都要有一個傍身。特別他的工種去到跨國企業不少已經是腦殘（PhD, permanent head damaged)，BSc 點夠競爭力？ 經歷今次轉工，趕碼有幾個發現。 1。很多工要Master or PhD，係因為個別企業或者工作需要，現在變咗基本嘅要求。但有這個學歷，不等同勝任這些職位。 2。某些畢業生的學士學位太基本，冇乜特別本事，要靠graduate school 拔尖補底，適合美國文化，但在其他國家會有不同的文化。 3。專業資格 vs Master or PhD，他現在公司團隊，後者較多，前者較少。分析下，覺得前者殺攤緊要，後者有潛力。如果兩者兼得最好，如果二選一，會選多些前者。 4。很多跨國企業對於什麼人種國籍不是太關注，能力才是重點。 5。做得開心為什麼因為人工而轉？現在後生較重視work life balance。阿仔有見工了解行情，hybrid mode 係首要條件，每日慳返很多時間及使費，置裝費。 6。後浪推前浪，現在年輕人升職管理層快咗，但係冇易咗。真係睇實力及際遇。

---

我哋80年代有MBA，係對事業好大幫助，因為還不是很多，現在可能去到係基本學歷。 當年自己讀係因為唔想將來到升職時，學歷這個原因變成絆腳石。如果冇專業資格肯定係，但有專業資格，又當別論。 到現在有專業資格及博士學位，MBA只係用來印咭片而已。

---

[i=s] 本帖最後由 Augesttime 於 23-8-27 16:19 編輯 [/i] MBA，我嗰代係威嘅，但只系望人威。 回想自己先係讀緊大學又初入職場，連報都未有資格報。 而時也命也，先前嘅brain drain都俾晒呢d MBA holder坐穩晒management嘅位置或者先坐上management再後補MBA。未計科網爆埋，兼SARS，仲邊咁易玩“得MBA得天下”呢支歌仔。 我好幾個大學同學浮沉幾年，真係去讀MBA （超勁的一位男同學就讀ust 嘅EMBA，唔計呢個啦）。 MBA來自poly，city，BU，卻無3大。始終難入也。 再睇返當時各學院市場興玩d咩？原來興玩ug讀接住讀master，即係走去專、窄、深、新嘅路線。research定taught master都好受歡迎，呢個似係你講嘅市場走向專才之路為起步點的開端。 唔係話感慨，我算唔老，頭先講嗰十（餘）年人事，我做咗全部同學都無做嘅選擇，離開職場做個無作爲卻貼市嘅人，明白多咗d道理：想做就做，唔好人做就做，應做就做，更加唔好千算萬算為名為利去做。 好多嘢人算不如天算，邊一一估計得到預算？ 我認同，市場係現實地運作，專業+能力，應該比學術認證（cert）更睇重。不要俾人質疑自己的能力/身價嘅方法有很多呢。 都唔知自己噏乜..... 哈哈！ 百無禁忌，分享分享！

---

[i=s] 本帖最後由 ANChan59 於 23-8-27 17:33 編輯 [/i] 我回流香港時正值brain drain，自己享受咗香港的黃金歲月。 我有幾年工作經驗再去讀FT MBA，當係俾自己休息下，見到同學放低咗d書十幾三十年，他們讀得辛苦好多。 專才始終有利有弊，自己要小心啲評估。想通咗，就勇往向前！ 同意，人算不如天算！ 阿仔肯聽我哋講，一畢業就考專業試，straight through luckily，見工無往而不利！ 所以以前香港公司，現在英國公司，現在對中大QFin 畢業生另眼相看！

---

Data Science 其實好似Bio-Medical Science, 唔咸唔淡

---

講真, 現今Master 量產化, 尤其本地大學開咗唔少認受性都唔知有冇既Master Course, 賺唔到香港人錢都賺到唔少國內人錢
依家不少IT公司最低級既programmer, data center operator, 都話攞住個 Master 資歷

讀唔讀Master? 自己諗

小弟到現時為止都只得一個Bachelor degree

---

唔咸唔淡．可能係自己口味問題:happy:

---

好耐冇見！

---

你又提到我經常講嘅 domain expertise ，才是根本。

---