多謝你的分享，我哋都係放手年輕人，讓他們尋找自己的出路。他肯跟我們分享已經好開心。 兒子慶幸跟著好老細，在技術層面學到金融+數學+演算法（不是Fintech), 在業務及管理也有特別培訓安排，所以很快上高管，能力之外還是際遇。 我及你的兒子都係學到很多嘢，而其他同事未必有，在好境還是劣境都係幾安全嘅，只係成日俾headhunter煩。

---

各位，唔好意思，少少離題。阿仔小六，自己鍾意IT,宜家已經考出C++15級，以及Java已經學了一年。 我地作為父母其實唔係好想佢讀IT,因為要不斷進修（法國朋友本身做呢行，小朋友出世已經講將來唔好入呢行）. 但冇計，佢自己鍾意。我地都有留意近年裁員問題，越加唔清楚佢將來生涯規劃，來緊要入中學，考Dse,還是A Level？又唔知係咪要去外國讀書比較好。 真心請教各位有經驗人士，我應該如何幫佢。佢宜家仲細，其實咩都唔知。我唔覺得自己係杞人憂天，時間好快過，渾渾噩噩，驚到時船到橋頭冇得揀。 感謝大家！

---

我不是IT人，你可能其他做IT的網友更能解答你的疑慮，我只就大方向講講我嘅睇法。 我出這個post 源於部份網友吹捧我上面講的那兩個行業，科技跟投行，我沒有特別針對IT。 反觀我個人見到現在年輕人在中學、高中、甚至大學都未能發掘自己的興趣及長遠發展方向。你兒子正好相反，很年輕已經有自己興趣，如果我係你，我開心都來不及。 很多學科行業都係會十年河東 十年河西，高高低低也是正常不過。就算在跌市，某些工種，某些技術及經驗也可以抵受到經濟衰退的環境。

---

好感謝你覆我，可能因為朋友不斷為我地洗腦學IT辛苦，令我地想佢去學其他嘢。 佢Java老師都問我唸住俾佢讀中學，讀咩大學，我對呢d 完全唔識，不過我知中學揀錯都會影響考大學。老師話小朋友鍾意編程，一定要去美國讀。一方面唔熟，另一方面要考慮經濟上的負擔。 如去新加坡讀是否又是好選擇呢？ 我見好似宜家香港的大學都有cs加埋電子或航天科，係咪咁樣讀，將來就業選擇性更廣些？ 都聽香港IT裁員，我地一竅不通，如何幫佢規劃好，令佢更有競爭力，真係好頭痛。

---

你朋友不一定講錯，但不可以一概而論。 如果讀CS，美國自然是首選，其次係歐洲或者香港，量力而為。新架坡就好睇個人嘅感受。 香港現在有computing science and computing engineering ，看你孩子自己嘅興趣，搭航天科技，我覺得有保留。 香港很多公司收縮電腦部，轉搵外包服務，都係要人要服務，只係不是掛在自己公司名下。 你點可以計划十幾二十年後嘅嘢，點樣都係要摸住石頭過河。

---

所謂做嗰行厭嗰行, 做IT會話IT辛苦, 會計又話會計辛苦, 孩子喜歡就由他去探索, 而家入行然後轉工轉行也好普遍, 隨着環境改變, 有些行業直情消失埋, 真的預計唔到, 亦無需要過慮

---

认同

---

純粹個人意見，我覺得編寫程式的學問無論做哪一行也有用，例如公司很多人用Python alteryx programming，這些人不是IT人，只是學校曾經學過其他Programming language 再自學。但這些programming 知識對不同行業也有幫助，增加工作效率。 所以我覺得編程像語言一樣，只是一個基礎知識，而小朋友可以在這個基礎之上在學習其他學科，將來便可應用在不同行業，由科學、自然環境、地理天文、金融、設計、服務、做生意都有機會有用。 小朋友年紀尚小，程式編寫的基礎固然可以繼續鞏固，但也不用這麼快便將這變成他未來發展專業。同一時間應該更加廣泛學習不同的事物，那將來他便可以將程式編寫cross over在他有其他興趣的範疇。

---

請問如果有意將來發展電子或工程，宜家應該點接觸？

---