我當時做龍頭，因為大公司先可以有內部律師團隊搞visa再轉綠卡，外國學生一般都係衝龍頭 細公司會難好多，我那個年代H1仲未需要抽籤，龍頭公司有特殊quota，我公司就特別快，基本12個月可以搞綠卡申請。但當年Oracle出名最賤，對foreign student壓價之餘，會用完5年H1，到最後一年唔做綠卡，有認識嘅國內人因為咁被逼回國

---

壓價可能係少數，做衰自己個名，有得揀嘅，唔會嚟啦。 5年先有綠卡，都幾長。我以前在英國的時候第一個工作簽證係3年，續簽如果批就有居留權。

---

因為每個state嘅living standards都唔一樣。大部份MNC都會行Global Leveling，即係pay curve跟jurisdiction、睇當地compliance和practice。如果工作reporting team係Bay Area，但員工選擇remote住Texas，那工資就要跟Texas的pay curve。其實好複雜，所以今年大部份公司都要求hybrid，那員工必須住在同公司距離近嘅地方，稅務上就比較簡單。譬如說CA的Personal Income Tax到6%，但WA就沒有。

---

我冇諗到地方及聯邦稅務嘅問題。 認識朋友個大仔做美國最大Fintech 公司的IT，住在倫敦，輻射全歐洲，咁多年都係WFH，間中出差。跟總部一直都係靠視像會議溝通。

---

加州現在綠卡下來要8-10年 之前幫個下屬transfer，佢喺加州入紙，超好彩可以在5.5年攞到綠卡 我有朋友要8年幾先攞到

---

会不会加州係移民热门地区，其他州份会不会易好多，时间短好多。例如MN？

---

做產品R&D其實好難全部remote，效率真係差好多 我開始工作嘅年代，個個都有自己office，junior啲就share，但過去8-10年，全部都改成open office，就係因為工作效率會好好多。好多人以為寫code柄埋一邊自己做自己嘢，但現在啲產品太complex，根本冇可能一個人做完而且都唔健康，好多行scrum就要everybody do everybody‘s work，互動係必須。招聘時都一定會考慮team fit，再勁嘅candidate但同個team唔合適都唔可能offer

---

其實呢幾年都唔會有咩容易申請嘅州份，所以好多公司改用L1，暫時仲係唔需要等quota。但L1必須有subsidiary係員工嘅原籍國才可以，R&D唔會考慮放香港，如果係香港人就建議考慮去大陸分部待幾年再申請。 年頭AmCham比我嘅數據係過去5年大陸student visa申請人數由十幾萬升到接近50萬人，還有人口最大嘅印度呢？佢哋呢幾年經濟起飛，就好似10年前大陸一樣，出去留學比比皆是。呢啲人全部要申請H1，但H1 quota保持不變嘅情況下，競爭自然多了

---

我同先生都喺十幾年前transfer回國，親身體驗一切起飛，好開心可以參與其中。 如果軟件R&D，北京發展比較快速，主要係附近優質畢業生選擇多。如果經濟商務，上海機會更多，整個架構比較合適。深圳一般做遊戲或硬件跟合適。但最近上海好積極發展芯片技術，唔少中國籍專家都回國發展，係有國策扶持嘅賽道。 如果你仔仔主要做FinTech，香港絕對係不二之選，如果喜歡國內發展，上海係好好嘅選擇，非常宜居嘅城市

---

國內人工同美國相比，尤其是CS，是否會差一大截？

---