有趣!

---

上面,我也講過,香港看似福地,匯率很美元掛鈎．生活大部份是中國大陸,日本……
這一季,全球通漲率,中國排第一．2.5%(沙地亞拉伯也是)．
日本一向通縮,也升至3%.

工作方面, 香港人才短缺．
如果子女是人才,那不愁沒工作．

金融經濟,是一種循環．
當然,你看懂了, 便可在循環中,渡過．

自求多福!
順其自然!

---

對比全世界,香港絕對係福地範圍,的確如你所講,係真正人材就唔愁沒工作(亦不用局限在那裡工作). 金融沒機會玩到咁高,維持到生活就足矣.衹可惜香港教育唔好好運用,比金錢影響晒真正教育,以致甚少有真正既人材.

---

呢方面係奇怪, 香港大學比東京大學排名還高, 但係你好難話香港出名攪教育, 香港中學生PISA排名又好高, 但又唔見好多外國人來讀中小學生...
咁代表乜?

---

功利一啲講
其實打後十年二十年,是否科技的天下?那些什麼文學藝術是否相對弱勢?
今時今日小學生已經攪NFT, 已經寫app, 拍片上youtube
反而你唔會見到有小學教學生寫書, 印製一本書

咁我哋仲點叫小朋友唔好玩電玩掂平板呢?

---

大學排名跟教育的關係好低，反而係research 出paper為主，commercialisation 也很輕，所以要明白排名夠竟為乜。
日本一向弱在英文方面，自己后生時，日本朋友經常為日文好驕傲，因為任何好書在發行后，3個月有日文翻譯。所以冇乜動力學任何外語。如果現實世界大部份認可的專業期刊係英文，你英文差，sorry，冇人知道！一下學中國自己搞個排名，開心吓！

大家唔好搞錯，香港一向出名考試，操練，而不是教育。

---

我講家父如何自小就教我，藝術，音樂係扶庸風雅，經濟循環好的時候還可以，差的時候，餓死老婆瘟臭屋。所以他教我琴棋書畫，都係作消閑，培養性格，不是作專業。自己要找尋另外的搵食技能或者專業。
我一直冇禁止兒子玩電腦，網上遊戲，手機遊戲，只係要他搞清楚優先次序！玩電腦，編程到大學變成優勢，出到社會工作更係無往而不利。

社會上也有不少工作需要藝術及文化修養，是否很難呢？讀完理科工科才學也可以，但掉不轉。藝術去到Master class 也很賺錢，等同運動巨星，咁，我自己反問自己，我到那個水平嗎？我當年問過自己，最後放棄職業足球，專注學業上大學。

我可能冇乜回答你的提問，只係分享一下自己的經驗及看法，拋𥖁引玉。

---

如你所講香港中學生全世界排名係好高,但.....有否覺得全都是分數及臨時性而已,好像之後好多人都忘得一乾二淨.當然唔好講話長遠,解決了這段時間,之後就以後再講,一樣都可以生活及入大學,但好像現今香港大學生比以前大學生能力及素質............
點解唔見好多外國中小學生入讀......你應該漏咗仲有好多因素及原因.

---

科技有好亦有壞,運用得唔好害人不淺.更何況打後十年二十年科技,唔應該仲係咁,所以點解我講香港教育制度好有問題.攪NFT寫app拍片上youtube,我唔會阻礙小朋友做呢啲野,空餘時間玩冇咩問題,衹係你既觀點有啲問題, 有次我女兒講研究下物理科技點樣做到多啦A夢隨意門,可以唔需要理會呢個疫情0+幾,呢啲就真係想十年二十年後要有科技.
有那方面喜好自然就會容易上手,大人小孩都一樣,做唔到衹係你方法唔好,你攪得好,小朋友不停掂手機平板都可以學習得好.

---