識得幾個家庭都無乜去過歐美加澳呢d 國家，依家就話帶埋仔女趕住走走英國。

---

係我，我都冇勇氣。其實，我覺得香港人好勇，我女有個朋友，單身一個女仔自己歐遊一個月，好佩服。之前EK有網友話，香港年輕人沒咩離港見識（大概意思），我即刻諗起，幾多香港BB已坐飛機四圍旅行。

---

我大女19歲那年一个人去菲律賓潛水，担心到我死(人質事件陰影未除，又惊海盜:wahaha:)……咁啱印尼仲地震，我幾惊有海嘯……佢去完番黎，竟話感覺比想像中安全｡反正佢去果幾日我有得震無得瞓~

---

你女幾大膽， 潛水喎仲要一個女仔，好勁！:good:

---

佢自己飛到去果边，有个係果度做義工既朋友join佢既，不过两丁友都係好大胆｡

---

我識得不少人走夾唔透，但不是全部去英國，有澳洲，加拿大及美國。 去澳洲的老友，當地畢業，入籍后回流香港，接手部份家族生意，然後創業，幾成功，有社會地位，為老婆仔女，都係即走。 有97年前的 brain drain 感覺，當年的朋友離開香港有些唔捨得，而且留些後著，現在走嘅，對香港完全冇留戀，他們覺得香港市被玩完了！

---

我要不少睇唔到嘅，係自己冇能力移民，或者知道自己移民出去都生存唔到，留低是其中選擇。 亦有朋友移民上大灣區退休，幾個都係單身，或者冇子女，希望他們選擇正確。他們將香港單位大轉細，或者賣走一個，然後大灣區置業，努力開户口，申請身分證，學用手機支付，都好勵志。

---

好多人話放長双眼睇而家走既人，無幾耐係外国撈唔掂咪又係仆番黎香港，不过大概佢地唔記得果时走既，再番HK揾食，香港仍然係97年前既香港。而家真正係此－时唔同彼－时了……移民对中年人確實係好大挑戰，但細路同後生，好快適應同融入｡為左佢地係應該走｡上輩走难落黎仙都唔仙亦生存到，仲开枝散葉，無理由而家既人攞住旧錢，有学识有技能反而生存唔到……最大障礙係心态｡

---

全世界都爭人材及資金，除了香港政府不珍惜香港人材。 當年居英權真係幫助香港穩定，現在真係無形中趕你走。

---

無仔女去边落脚都無所謂啦，自己开心就可以了｡

---