西營盤正街補習社黑店

帖子列表  登錄   
mamabb2016 | 2020-11-30 08:45
以下為個人在29-11-2020星期日之親身經歷,希望大家可以留意。 今日第一堂去西營盤正街某補習社升小面試班試堂,中心夠鐘先開門無問題,但只見一個黑口黑面嘅嬸嬸嚟開門,鬼鬼祟祟開條門縫就想拉我個女入中心,因為呢個舉動嚇親我個女,我個女立即想喊唔想入去,我問可唔可以比我陪個女入課室安頓好我再離開,黑口嬸嬸唔答,淨係係咁想拉我個女入去,我女喊話佢要媽媽唔入去,跟住黑面嬸嬸見我女後面仲有個男仔,就想改叫個男仔入去先,但一路都係keep住開條門縫,結果我個女同我就卡係條門縫度拉鋸,由於我唔想阻住後面,唯有由得個女喊住比黑面嬸嬸拉入中心。跟住我一直係玻璃門望入去,見到個女一直喊,一直話要搵媽媽,淨係聽到一把男人聲叫佢坐低,完全係由得佢喊,無安撫佢情緒,我都唔知可以點樣繼續上呢一堂。於是我拍門要求帶走個女唔上堂了,個黑面嬸嬸就由得我拖走個女,無半句解釋,而呢位Chris sir我從來都無見過佢真人,佢亦無打算出來同我呢位家長解釋一下,就由得我地唔上堂就唔上堂,佢學費照收。 我唔係介意300蚊試堂費,只係呢間中心好有問題,究竟有咩獨門秘訣咁驚比人聽到?所以上堂開門只肯開條門縫咁鬼鬼祟祟拉d小朋友入去上堂?又唔比家長幫手安撫小朋友,等小朋友可以順利上堂?今年嘅K2學生,4歲人仔但之前大半年無上實體堂,社交經驗不足,去到陌生地方怕生完全係情有可願,而且如果我女係可以獨立自信去陌生地方表達自如,我都唔駛安排個女嚟搵呢位Chris sir上堂。但呢位Chris sir明顯覺得佢收學費係無問題,你自己上唔到堂係你嘅事,亦唔打算跟進和向家長解釋,態度十分傲慢,可能不愁客源。佢亦強調自己係兩個女兒嘅父親,善於跟小朋友溝通,今日未有機會一見,但已經完全唔覺佢有心跟小朋友溝通,無論佢幾有升小面試秘訣和心得,但完全無顧及小朋友的心理情況和情緒,實在不敢想像跟佢上堂會有咩成效,而且由始至終安排極差,實非一名專業教育工作者所為。今日個人經驗,希望可以給各位家長作參考,請認真再三考慮,是否安排子女跟呢位Chris sir學習。 *我曾經在whatsapp向呢位Chris sir反映,但佢唔覆,可能覺得無需要應酬我呢位必定不會回頭的顧客和家長。 *我亦曾在佢補習社的fb專頁留言希望獲得相關跟進,但呢個人係會刪除我所有留言以及關閉我在其專頁的留言功能。如果一個真正用心辦教育事業的人,我想唔會係咁樣嘅處理手法,刪除負評當無事,亦從來唔打算正面處理。 *如有呢個Chris sir的用家和擁躉,選擇繼續跟佢補習,本人無意干涉。 *如你打算為子女尋找補習社,請三思是否會選擇呢個老師。

FF0318 | 2020-12-01 01:31
:thinking:

babejaiiiiii | 2020-12-09 01:03
態度或者處理手法差既話,教得幾好都係假,仲要唔顧及細路仔情緒,為人師表真係FAIL..:toocold:
mamabb2016 | 2020-12-09 07:57

.
Powered by Baby Kingdom
立即打開
Quote:babejaiiiiii 發表於 20-12-9 01:03 態度或者處理手法差既話,教得幾好都係假,仲要唔顧及細路仔情緒,為人師表真係FAIL.. ...

我都覺得大開眼界,竟然比我遇到d咁嘅老師,仲要打開門做生意都可以咁,真真係匪夷所思!