西貢聖西門幼稚園有心理準備先好讀

帖子列表  登錄   
Kam227 | 2021-07-13 11:29
[i=s] 本帖最後由 Kam227 於 21-7-13 11:57 編輯 [/i] 本帖最後由 Kam227 於 21-7-13 11:54 編輯 西貢市中心嘅幼稚園好少,而且有N班只有一間,就係聖西門幼稚園,我同先生都要返工所以就諗住搵一間有N班嘅全日制學校,於是我哋去咗IN呢間學校! 有啲朋友以前都讀過呢個學校,所以我問佢哋學校嘅資料,有個朋友兩個女都係讀呢間學校,佢哋都考到一間幾好嘅直資小學,但係就話轉左校長之後佢覺得呢間學校差咗好多,我問佢點差佢又講唔出,另一個朋友就話,明明佢小朋友係正常,呢間學校都係不停話佢個小朋友係有問題有病,於是轉左校!當時聽完就覺得係個別問題,所以我都去咗IN呢間學校! 聖西門專收大B,我小朋友六月頭出世已經係全班最細。 我小朋友係後備生,開咗學兩日,有人退學就打俾我叫我小朋友返,我諗住有學校收就梗係讀啦!開咗學一個月,初初我小朋友都好開心,但係去到差唔多一個月嘅時候,我小朋友就唔肯返學,每日都喊到崩潰,第一個月老師嘅評語好差,話我小朋友坐唔定、唔聽老師指令、同佢講嘢都唔回應! 就係嗰陣開始校長每日放學就同我講我小朋友有問題,每日都話有病徵出咗嚟,叫我帶佢睇醫生! 幾乎每一日都講,心理壓力非常大,今日就話佢喊係因為老師郁左啲擺設,佢唔鍾意所以喊,係固執行為!聽日就話玩遊戲要除鞋你小朋友次次都唔除鞋,全班得佢一個係咁,係理解能力有問題!後日就話佢坐唔定,要老師捉佢返埋位坐,佢呢啲係病態!我對咗我小朋友咁耐我都唔覺得佢有固執行為,我小朋友啲嘢好凌亂,從來唔會排車仔,什麼叫固執行為呢?我不知道,但我知道我小朋友好百厭,性格比較反叛! 但係校長就每日都同我講佢有問題,不停叫我去做評估,搞到我好擔心,於是我去咗健康院問醫生,醫生話我小朋友冇問題,校長話健康院嘅標準好低,不能作準,於是校長就教我再去健康院講話我好擔心,我一定要排智能評估,咁我只好照做。 返咗半年學,我小朋友就越嚟越唔鍾意學校,就算放假經過學校門口都會喊,非常恐懼返學,我好驚佢以後唔鍾意返學,於是k1我就轉左第二間學校!而且新學校仲讚我小朋友乖,老師嘅評價亦很好,校長仲話我小朋友講嘢好叻添! 另外有個聖西門同學仔,N班嘅時候沒有什麼問題,現在升了k1校長又話佢有問題,不停比壓力佢媽媽,又係叫佢去做評估! 我小朋友最近亦做了智力評估,語言能力合格,大小肌肉正常,沒有過度活躍,沒有自閉症,認知能力差咗八個月左右,同埋性格比較衝動,但係新學校嘅校長都安慰我話:疫情之下差咗八個月係好正常,不用太擔心! 點解大家都係幼稚園會有咁唔同嘅評語?所以大家要入讀聖西門幼稚園之前諗吓自己嘅小朋友係咪佢嘅標準,聖西門係要一啲好乖、好聽話、好聰明嘅小朋友,如果大家嘅小朋友唔係呢一類型,咁就最好唔好面試了,否則你的心理質素要好好,如果達唔到佢嘅標準,要有心理準備校長會講到你個小朋友好似智障一樣!到最後都係同我一樣選擇退學,仲要擔心一輪,排呢樣排嗰樣,做一連串嘅評估,即係攞嚟搞! 最後祝大家都可以找到一間適合嘅幼稚園,讀得開心,快樂成長!

chanti | 2021-07-24 11:33
Quote:Kam227 發表於 21-7-13 11:29 本帖最後由 Kam227 於 21-7-13 11:54 編輯 西貢市中心嘅幼稚園好少,而且有N班只有一間,就係聖西門幼稚園 ...

我朋友住西貢、2 個小孩都讀此校、佢話好好呀、2 個小孩也不是什麼好聰明的小孩、我朋友只求佢地簡簡單單、快樂成長。記得佢Facebook share 出來話老師比左隻龜仔佢帶返屋企養、令佢學點照顧小動物。 不過, 不同家長有不同體會及感受的,我也明白。

Kam227 | 2021-09-10 06:57
Quote:chanti 發表於 21-7-24 11:33 我朋友住西貢、2 個小孩都讀此校、佢話好好呀、2 個小孩也不是什麼好聰明的小孩、我朋友只求佢地簡簡單單 ...

正如我所說,達到佢嘅要求咪正常小朋友囉!達唔到等同白痴,好彩你朋友嗰兩個小朋友都達到佢嘅要求,如果唔係就有排煩!最近我小朋友已經做完所有評估,只係認知差咗八個月,表達能力,言語,大小肌肉都達到同年齡水平,但係當時校長講到我個小朋友好有問題,仲話將來就算做完評估都唔可以揀到校服務,因為幫唔到我小朋友,叫我一定要我揀特殊學校,我心諗,我個小朋友真係咁嚴重咩?反而我依家讀呢間幼稚園個校長,佢仲安慰我,小朋友發展有快有慢,疫情之下差咗八個月認知係正常的事,仲話我哋一齊教好小朋友,一定會跟得返,大家都係幼稚園點解講嘅說話可以咁大差別? 利申:聖西門啲老師係有愛心嘅,但係都要睇校長頭,有時佢哋覺得個小朋友冇問題都唔敢出聲,因為個校長已認定個小朋友係有問題!

Kam227 | 2021-09-10 07:02
Quote:Kam227 發表於 21-7-13 11:29 本帖最後由 Kam227 於 21-7-13 11:54 編輯 西貢市中心嘅幼稚園好少,而且有N班只有一間,就係聖西門幼稚園 ...

我個人感覺,覺得聖西門幼稚園個校長真係一啲愛心都冇,輸打贏要,乖嘅小朋友就教,教唔掂嘅小朋友就唔該過主!

sasa_mom | 2021-09-12 07:24
Quote:Kam227 發表於 21-9-10 07:02 我個人感覺,覺得聖西門幼稚園個校長真係一啲愛心都冇,輸打贏要,乖嘅小朋友就教,教唔掂嘅小朋友就唔該 ...

樓主,快些幫小朋友轉校啦。到了這地步,好明顯小朋友需要轉換學習環境。小朋友開心上學才能健康學習成長。

Kam227 | 2021-09-12 09:06
Quote:sasa_mom 發表於 21-9-12 07:24 樓主,快些幫小朋友轉校啦。到了這地步,好明顯小朋友需要轉換學習環境。小朋友開心上學才能健康學習成長 ...

多謝你,小朋友已經轉咗校,而家好鍾意返學,每日都好開心,返到屋企都分享學咗啲乜嘢! 揀到一間有愛心而且適合嘅學校真係好重要!

鶯鶯 | 2021-12-06 10:30

.
Powered by Baby Kingdom
立即打開
Quote:Kam227 發表於 21-7-13 11:29
本帖最後由 Kam227 於 21-7-13 11:54 編輯

西貢市中心嘅幼稚園好少,而且有N班只有一間,就係聖西門幼稚園 ...
原來呢間咁唔好......