| Azzurro | 2022-05-23 16:52 |
| 話說去醫院生孩子的之前醫院都會安排各種輔導班和提供走佬袋清單 經過三年（免費）幼稚園生涯及差不多一年（收費）小學生涯 我發現無論教育局還是學校很少家長輔導班（意識）和冇入幼稚園入小學走佬袋清單（工具） 學校教導小朋友固然重要，學校輔導家長也非常重要，因為小朋友一半以上時間係跟著家長 由於本人家庭背景普通，目前小朋友讀書尚算順利（我都有點驚訝） 所以開始回想到底有什麼基本工具可以導致讀書順利 走佬袋各種物品應該都係不解自明，容易操作，便宜，及高度必要 如果官方能面對全部家長都有類似輔導和（更重要的是）清單就更好了（因為我見到不少家長好似比較困惑） 我家相對節省，所以好多時候都要構想低成本教育計劃 本題目係希望以最低成本（希望係就連劏房家庭都能操作）得到及格效果，而唔係無限成本得到極好派位 以下 1-7 總成本係兩千以內，已經可以使用好多年的 如果大家都有類似意見，歡迎提出，謝謝 1. 白板（1.5米x1米） 成本：300 元內 用途及操作：模擬幼稚園上學環境，玩扮老師遊戲，隨時可以寫字畫畫 2. 籃球足球（小型）氣球 成本：300 元 用途及操作：籃球足球兩者幾乎係最全面訓練手腳協調嘅運動，係家中可以用氣球替代玩足球籃球排球遊戲 3. 中文寫字練習，數學加減練習 成本：100元 用途及操作：從 k1開始每天接觸寫中文，寫英語，數學計算每樣 5-10分鐘，培養習慣很重要 4. 圖書館借書證 成本：免費 用途及操作：我家幾乎唔買書，但是小朋友每星期借書 8-24 本，由於經常去圖書館，發現來圖書館的小朋友比例好低，有看書習慣嘅小朋友優勢很大，圖書館比家中看書嘅優點自然係寧靜嘅環境和氣氛 5. 百科全書 成本：400-500 元 用途及操作：雖然唔推薦買書，但是一本過嘅包羅萬有全書（極寬），及一套四本五本嘅全書（寬）還是有必要，可以用幾年，至於（窄）細緻嘅 fiction, non fiction 去圖書館借就好了 6. 博物館通行證 成本：100 元一年 用途及操作：小朋友除左書本知識，去博物館玩都係極佳免費學習和娛樂，工作日去博物館幾乎係包場冇人！ 7. youtube peppa pig 成本：免費 用途及操作：youtube 只能睇 peppa pig 英語故事（唔係兒歌亦唔係睇人玩玩具） 8. 英語拼音班 成本：每個月 1000 元 用途及操作：對一個兩位家長（以 AL 僅僅及格水平來說）都係香港人嘅家庭來說，英語拼音班係非常有必要，當然如果英語水平高就可以唔報啦 以上係我綜合最核心組合（會後加，等我回家看看家裡有咩物品先） 呢啲都係好普通嘅物品，但是按我觀察，使用過嘅家庭其實唔多。。 我自己小朋友過去三年幾乎（0-3歲冇咩計劃過）每天重複使用以上八個物品 我認為時間短唔緊要，但係要堅持每樣（中，英，數，運動）有起碼十分鐘，保持節奏 以上物品使用幾乎佔據兩位家長百分之七十嘅陪伴時間 如果有多餘錢的話，我會建議次一級必要嘅： 平衡車（唔係滑板車），學鋼琴（呈分試），游水（求生），畫畫班（呈分試），普通話班（呈分試），各種益智玩具（其實圖書館同博物館都有） 如果多錢嘅話，都不用建議了，花錢係好簡單嘅事情。。 |
| mclh | 2022-05-23 22:04 |
| 英語拼音 可買教材自己教 |
| Azzurro | 2022-05-24 14:11 |
| Quote:mclh 發表於 22-5-23 22:04 英語拼音 可買教材自己教 我能力不足五音不全。。。 宜家經常比小朋友更正發音 |
| Azzurro | 2022-05-24 14:46 |
| 分類一下 中文：練字本，圖書館 英文：拼音班，圖書館，peppa pig 數學，思維：算術練習，積木（9.） 常識：圖書館，博物館 視覺藝術：顏色筆（10.），博物館 音樂：無（因為興趣班貴） 普通話：無（因為興趣班貴） 我認為如果願意投入時間的話 絕對可以低金錢成本（時間成本高）以以上簡單方法得到中上游直私派位 1-10 加起來其實總價都係兩千一個月（當中 1000 係英語拼音） 但是由於畫畫，樂器，普通話興趣班成本都高，所以係缺失的 呢三個都係呈分試項目所以真的要有心理準備。。 至於更多高消費興趣班雖然對呈分試項目（中英數常視音普- 9996321）冇直接關係 但是可以起到一定激勵作用（間接刺激主課）和緩衝作用（主課唔順利的時候） 所以有錢真的是萬能。。 但是冇錢都唔會毫無還擊之力，但是需要每天投入多一定時間比小朋友 我家庭堅持重要事情每天都要做，所以過去幾年每一天大概係咁嘅節奏，風雨不改 大部分時候都係利用以上 10個工具重複操作 每天大概 2-4小時學習狀態，基本上都係玩嘅形式 所以時間過得好快 中文：1小時 英文：1小時 數學，思維：15分鐘 常識：1小時 視覺藝術：30分鐘 音樂：15分鐘 普通話：30分鐘 以上我嘗試盡量量化投入和產出，免得過於抽象，無法複製 我覺得絕大部分小朋友都係天賦差不多，只要方法得宜，不難獲得成比例的收穫的 :callme: |
| kelly_bb1212 | 2022-05-27 10:43 |
| 好有心機教小朋友，我主要工人照顧小朋友，不過星期六日會去下博物館之類，見到樓主好努力，我都要加油 |
| Azzurro | 2022-06-01 15:25 |
| Quote:kelly_bb1212 發表於 22-5-27 10:43 好有心機教小朋友，我主要工人照顧小朋友，不過星期六日會去下博物館之類，見到樓主好努力，我都要加油 ... 加油啊 幼稚園階段多投入時間比小朋友（父母以玩嘅心態去照顧的話都好輕鬆，不過少了個人時間） 到了小學就會好輕鬆（寫作業，準備測驗考試，去圖書館博物館：全自動波） 否則去到中段（前段係幼稚園，後段係中學）會追得好辛苦 |
| meko~ | 2022-06-02 09:27 |
| 多謝有心分享，我都想整一個學習corner在家，但要改動傢俬位置，仍在研究中 |
| moksamuel | 2022-06-19 07:20 |
| 多謝你分享，希望培養到小朋友主動學習 |
| Azzurro | 2022-06-21 08:36 |
| Ayoomi | 2022-06-24 15:57 |
| 多謝分享，培養屋企內有學習氣紛感覺上好重要 |
更多選校、升學及教育心得討論內容
