可唔可以講下新舊華德比較？

帖子列表  登錄   
amybaby | 2012-08-07 09:50
例如：成績、功課、活動、老師、升中派位.....等等
little_yolky | 2012-08-07 11:23
舊華德傳統教學, 新華德活動教學
舊華德超谷, 新華德一般谷
舊華德數學超勁, 新華德視藝優勝
派位兩間差唔多, 舊華德好小小小小
兩間學校老師都好, 但新華德女老師較端莊
舊華德校長好進取, 新華德校長平易近人
舊華德校舍等如大陸賓館, 新華德係五星級酒店
兩間都是小班教學, 雙班主任制, 好似都係普教中
a_for_apple | 2012-08-07 16:23
好詳細!! :good:
cherry_bb | 2012-08-07 19:53
可以去睇uncledos website 有更詳細資料
vanifU | 2012-08-07 23:49
回復 little_yolky 的帖子 請問你早前提及新華德不算太谷,是與舊華德比較,還是跟41網的小學比較呢?聽講佢地測驗要測成2個星期,真的嗎?
這所學校是活動教學,在教學上是否真的很活呢?我的孩子是一個不太喜歡做功課,而很喜歡探究的學生,請問這所學校適合佢嗎?THX
little_yolky | 2012-08-08 14:41
Quote:vanifU 發表於 12-8-7 23:49
回復 little_yolky 的帖子

請問你早前提及新華德不算太谷,是與舊華德比較,還是跟41網的小學比較呢?聽講佢 ...

1. 不是"不算太谷", 是一般谷, 程度有點不一樣。當然是跟舊華德比較。
2. 官津學校唔好寄望有幾活動, 因為要保障學生成績, 測驗測兩個禮拜no big deal, 只要學生自覺學習。學生唔自覺, 去到邊度都死
3. 如要入官津, 就一定要學生自己遷就教育制度了。

不過, 不要太擔心, 因為新舊華德小一都是小班及雙班主任制, 所以有honey moon期讓學生適應。只是, 要注意, 舊華德數學是教快一個學期, 小一要識乘數表。
amybaby | 2012-08-09 09:57
[i=s] 本帖最後由 amybaby 於 12-8-9 09:58 編輯 [/i] 噉想問下新華德同一般小學的程度係咪無分別呢？係咪同舊華德比係唔谷，但唔谷得嚟又會唔會比出面的小學相若，因為我又驚在學術上太活動的，會唔會唔夠人好呢？係咪又要自己去谷呢？
little_yolky | 2012-08-09 13:48
Quote:amybaby 發表於 12-8-9 09:57
噉想問下新華德同一般小學的程度係咪無分別呢？係咪同舊華德比係唔谷，但唔谷得嚟又會唔會比出面的小學相若 ...
就算同舊華德比, 都唔可以用 "唔谷" 嚟形容, 只可以說舊華德=超谷, 新華德=谷。你試想, 測驗測成兩個禮拜, 有幾閒呢。其實响得41網的官津學校, 有咩可能唔谷, 分別是老師谷得嚟會睇住你, 成績差的會照顧吓你, 唔會只為學校攞奬就唔理學生老師上堂走咗去帶隊等等。我個人認為作為一間小學, 新華德比較合理。因為舊華德一刀切數學教快一個學期, 學生又唔係話個個咁標青, 咁對中等或以下的學生好唔公平。小一就是小一, 小二就是小二, 如果本身孩子是資優, 就是special needs, 學校應個別處理, 唔係要全部人去就佢哋一小撮。唔好以為學校教得快, 教得多, 中庸可以變天才, 小學係得六年就六年, 這方面教多了, 那方面就要比人少了。至於是哪方面, 大家家長一定要到學校參觀, 親身感受一下。

BTW, 我不是說舊華德的學生不好, 他們也是很優秀, 上學很快樂的, 因為兩間學校的老師也是很不錯, 很有heart的。

amybaby | 2012-08-09 15:03
回復 little_yolky 的帖子 多謝你呀！我對呢間學校都了解咗呀！
yee8001 | 2012-08-09 17:09
請問舊華德有冇精英班?
1/2
下頁 | 尾頁
.
Powered by Baby Kingdom
立即打開