申報，大仔讀g1, 讀pkc, 本人當初揀pkc係因為中英都平均，在香港考試，中英也缺一不可。大仔入pkc後，更喜歡pkc, 因為小朋友的功課及學習真係小朋友能力做到，並非家長做，當然家長要跟。校風純樸，家長會時鼓勵家長為小朋友準備最樸素的文具，又鼓勵小朋友帶健康小食小息食。另外，我覺得學校對小朋友紀律被想像中嚴，唔乖會被罰無小息，但老師很願意和家長溝通，我大仔較活潑有時會頑皮，老師和我溝通，態度是正面，好感謝老師協助我大仔適應小學。之前最不喜歡學校用中文教成長及數學，但現在發覺短短兩個月，小朋友數學及成長功課可自己完成，你可以話課程唔大深，但我欣賞大仔自己解題，尤其一些簡單文字題，我自己覺得中文解題較難。英文課程重運用，一至四寫英文日記，初時全篇我教佢寫，而家放手俾佢寫，大仔唔識點寫先問，當然文法未必岩曬，但起碼小朋友敢寫全句英文。最欣賞學校閱讀資源，每星期一本按能力汾派的英文書，一本自己選擇的英文書，再加間中一本中文書，再加網上英文書和中文網上文章，這些全部算是功課一部分，我由大仔六個月大開始培養佢閱讀習慣，好安慰，小學可以keep到（唔會因為功課太多無時間睇）。最後除左中英數成長科，學校還有中藝英藝視藝堂，體育一星期有五堂，音樂會教打鼓，課程大約係咁。說真的，學校當然有不足地方，但我覺得學校做到以學生為本，暫時兩個所見，我大仔的中英能力不弱，也不是最強，但他非常鍾意返學，也愛學習。我不知其他學校點，但細仔今年k2, pkc 仍是首選，只希望出年他能考入。
