[i=s] 本帖最後由 Soundervolt 於 19-4-9 00:05 編輯 [/i] 香港已經有唔少渠道培養媒體產業人材，例如浸大出名嘅傳理、理工嘅創意設計、城大嘅媒體及傳播、中大嘅新聞及傳播學系等，就算演藝都有提供相關課程，但近年本地市場萎縮，而且唔少新一代覺得辛苦又未必賺到錢，選修嘅人續漸減少。而且有一個現象，我有喺某大學幫手教creative，發現百份之九十都係女學生，男學生真係少之又少。

---

宜家啲人打機多過睇戲，藝術創作可以在游戲開發去發展。韓國日本和加拿大北歐國家都有不少𠎀出開發團隊。
人類就係喜歡挑戰，最怕悶。

---

[i=s] 本帖最後由 Soundervolt 於 19-4-9 10:12 編輯 [/i] 莫講話電遊創作及開發，呢個係網上資訊爆棚嘅年代，淨係網上視訊串流Netflix、hulu 、Amazon等等都係世界性新興大型媒體公司，仲有其他大大小小視訊內容公司，理應比以前有更大市場空間。但香港呢一輩唔少人缺乏咗一顆追求夢想嘅心，可能俾父母或社會氣氛影響（要搵錢供樓），變得比較實際，所以唔願意入行。

---

當生活 (食同住) 都有問題既時候, 仲有幾多人可以去追夢?

你無留意通常投訴年青人唔去追夢個D, 都係"上晒岸"個班XX學者, XX富豪, XX名人....... (重點係佢地上晒岸)

---

人地以追求安穩作為夢想又話人不思進取

現實係太多食飽無憂米既人得閒就周圍去指指點點

---

每個年代都有佢困難嘅地方，我地嗰輩唔少人住公屋（包括我），當時真係食同住都有問題.... 但為追求夢想都要周圍做freelance搵錢返學同幫補家計，就係本身條件差，所以”nothing to lose”。依家社會比以前富裕（中產），小朋友被呵護，家長培養小朋友目標普遍傾向單一，而且計較得失，小朋友被養到馴哂，仲點會有追求夢想嘅心？

---

大都會城市，要攪藝術創作, 攪體育事業，可唔可以搵到食住無優嘅生活。
唔洗搵大錢嘅，起碼做到老都仲有心力去做。
香港地係住得細，食得貴。我唸其他大城市都應該一樣遇到這樣問題。

---