Dear khmama,
i wonder why skipping the 2nd choice option in the allocation system is a good advice, as every band one pupil's choice will be matched according to their preferences.
All band 1 pupils ...
唔好意思, 唔係好明白你既意思, 可唔可講清楚係邊一段, 邊一句?
| khmama | 2008-11-13 22:57 |
| 升中選校係一件令人頭痛的事, 大家不妨睇下小妹o既升中策略, 俾o的意見, 希望可以幫到大家。:joyous: :joyous: (免責條款: 如果策略失敗, 小妹概不負責。) 1. 你是否band 1頭? 是, 去第2條。否, 去第4條。 2. 你抽到英中的機會超過100%? 是, 參考策略A。否, 去第3條。 3. 你抽到英中的機會超過50%? 是, 參考策略B。否, 參考策略C。 4. 你是否band 1中? 是, 去第5條。否, 去第7條。 5. 你抽到英中的機會超過100%? 是, 參考策略D。否, 去第6條。 6. 你抽到英中的機會超過50%? 是, 參考策略E。否, 參考策略F。 7. 你是否band 1尾? 是, 去第8條。否, 請參照band 2/3生選校策略 (待續)。 8. 你抽到英中的機會超過100%? 是, 參考策略G。否, 去第9條。 9. 你抽到英中的機會超過50%? 是, 參考策略H。否, 參考策略I。 [ 本帖最後由 khmama 於 08-11-13 22:58 編輯 ] |
| khmama | 2008-11-13 22:57 |
| 策略A: 恭喜你, 你已經踏咗一隻腳入英中! 因為抽到英中機會大, 所以你可以進取啲, 自行選2間心儀嘅超級英中啦! 抽獎第一志願填最心儀嘅band 1頭英中。記住band 1頭英中通常第一輪已經冇晒位, 千祈唔好填第二志願。之後填晒band 1中至尾嘅英中。 策略B: 抽獎機會超過一半, 當然唔好咁輕易放棄啦! Band 1頭考生叩門能力強, 所以你自行可以選1間心儀嘅超級英中, 再選1間心儀嘅地區band 1頭英中, 又或者係2間心儀嘅地區band 1頭英中。 策略C: 唉! 自行真係要俾啲心機。不過band 1頭考生始終叩門能力強, 都唔衰得晒, 所以你自行可以選2間心儀嘅地區band 1頭英中, 如果本區冇咁多英中俾你選, 不妨選一間中西區、灣仔、油尖旺、九龍城或沙田區中上嘅band 1英中, 因為呢啲區嘅band 1頭考生多數進取, 未必會吼中上嘅band 1英中。 策略D: 恭喜你! 雖然band 1中考生叩門能力差啲, 但勝在地區好, 抽獎入英中機會大, 冇理由自行選一間差過抽獎嘅, 萬一真係收咗你咪冇得抽獎? 所以明知冇機會, 你都要選2間地區band 1頭英中。如果收你就當中六合彩, 唔收都仲有抽獎。 當然有啲家長唔想咁搏, 想自行機會大啲, 就應該選2間中上嘅地區英中。記住唔好將價就貨, 為咗自行成功夾硬降低要求, 浪費咗入好英中嘅機會。 策略E: 考生要審慎一啲, 因為手上嘅籌碼唔多, 如果自行同抽獎都落空, 就得兩種做法: 認命 (派到邊間讀邊間) 同搏命 (四圍叩門)。所以你自行可以選2間心儀嘅地區band 1英中, 如果抽獎機會有80%, 可以選2間中上嘅英中, 本區或者中西區、灣仔、油尖旺、九龍城或沙田區均可。 家長如果想搏啲, 選心儀嘅地區band 1頭英中都得, 不過要預咗冇得面試。 策略F: 考生要自求多福, 唔好太心頭高! 所以你自行可以選2間心儀嘅地區band 1中英中, 如果本區冇咁多英中俾你選, 不妨選一間中西區、灣仔、油尖旺、九龍城或沙田區中上嘅band 1英中, 因為呢啲區嘅band 1頭考生多數進取, 未必會吼中上嘅band 1英中。 策略G: 真係要恭喜你! 英中你就入梗嘞, 不過自行你係陪跑, 等抽獎啦! 所以你自行填邊間都冇所謂, 咪照填自己最心儀嗰兩間啦, 反正預咗冇得面試, 一啲壓力都冇。 策略H: 考生要極之審慎, 如果自行同抽獎都落空, 就得一種做法: 認命。自行多數都冇機會, 所以可以選2間心儀嘅地區band 1中上嘅英中, 又或者中西區、灣仔、油尖旺、九龍城或沙田區band 1中上嘅英中。 策略I: 真係要祝你好運! 自行多數都冇機會, 所以可以選2間心儀嘅地區band 1中嘅英中, 又或者中西區、灣仔、油尖旺、九龍城或沙田區band 1中嘅英中。 [ 本帖最後由 khmama 於 08-11-26 22:25 編輯 ] |
| dder | 2008-11-14 21:48 |
| 好有用:excited: |
| celavie | 2008-11-14 23:42 |
| Dear Khmama, I began to follow your posts since last year, Many thanks ! |
| ctymama | 2008-11-15 01:42 |
| 見意內容清楚頗合理, 很值得參考頗.:) |
| khmama | 2008-11-15 14:57 |
| 多謝大家捧場, 我會放o的實例印證下, 所以會將o的策略加以修改. 請留意最後版本. :joyous: :joyous: :joyous: |
| esprincess | 2008-11-16 16:46 |
| 好欣賞你的細心分析，謝謝分享。 |
| jhuiwong | 2008-11-16 18:55 |
| Dear khmama, i wonder why skipping the 2nd choice option in the allocation system is a good advice, as every band one pupil's choice will be matched according to their preferences. All band 1 pupils'-1st choice All band 1 pupils'- 2nd choice And so on. |
| khmama | 2008-11-16 19:00 |
| nicholasmom | 2008-11-17 09:42 |
更多選校、升學及教育心得討論內容
