有冇家長俾d意見? 校風好嗎?d學生乖嗎?
thanks!
我囝囝都係應屆小六生，14/12直資中學聯展同該校老師傾談過，主動關心，亦感到他對培育學生的想法好正面、積極。
資料顯示學校對新高中課程有步驟、有部署，對資優課程大量投放，初中課程也能銜接配合高中。最重要係該校近年公開試成績優秀，會考合格率96%；近五年皆為九級超高正增值學校；入U率達84%
師資方面，副校長周蘿茜現為"課程發展議會英國語文教委會委員"亦為資深英文教師、多次在報紙專欄拜讀文章。
課外活動多達70個，初中每年也有交流團、考察，擴闊視野。每年舉辦全港性創意科技大賽。
當日現場的學生外型樸實、口才了得、充滿自信，對我刁鑽問題也耐心解答，熱情到同我囝囝交換MSN添。
不過，學校多努力都好，始終左派色彩，要有心理準備可能新移民較多，這也是唯一擔心的。
其實我原本沒有諗過囝囝報直資，但我被當日他們的表現軟化，打算20/12睇埋簡介會就報名(別錯過明年10/1面試前交報名表！)
仲有，囝囝本身在出名多英中的九龍城網內，成績又在band 1，如此無條件放棄又係傻口既！不過，重要係能配合囝囝活潑好動的性格，他也喜歡！
以上僅為這幾天本人所搜集資料，希望有人提供資料。
