ZZdaphne | 2010-08-25 23:13 |
18區中學banding排名(不包括直資和私校) 1) 全部資料是由教育王國會員khmama提供,她花了很多心血,, 希望大家尊重原作者. 2) 結果是根據2009年收集的資料分析出來, 因學校情況不斷有轉變,所有資料僅供參考. 轉載時請大家註明以上兩點. 在此再次感謝khmama付出的努力. 指正一點是: 中學沒有分banding,只是將學生分banding , 但我們都慣性將學校分banding, 所以band 1生有可能入讀band 2-3 學校, band 2-3 學生都可能入讀有band 1學校. 升中派位版版主 zzdaphne [ 本帖最後由 ZZdaphne 於 10-12-1 00:42 編輯 ] |
ZZdaphne | 2010-08-25 23:14 |
中西區分析 中西區有9間官津學校, 唔係band1英中就係band3中中. 男校英中以英皇同聖若瑟較top, 上年聖若瑟14分有75.92%而英皇就67%. 高主教比聖類斯較好, 前者屬band1中(上年14分有61.45%), 後者屬band2頭(最後一次公佈14分有42.9%). 女校英中以英華同聖士提反較top, 聖士提反上年14分有79.1%, 而英華就冇資料. 但係英華係中西區女生首選, 相信命運同英皇差不多, 會考14分估計都係6x%, 聖嘉勒屬band1尾. 第一階段中六收生, 聖嘉勒中五約157人, 中六有84個位, 結果有5個位剩, 即是有79人夠14分(如果全部原校升讀), 佔50.32%. 而英皇中五約192人, 中六有120個位, 結果有20個位剩, 如果全部人原校升讀, 就有100人夠14分, 佔52.08%. 但係我相信有唔少英皇仔走咗去第二間讀. 整體14分既比例應該同上年差唔多, 都係6x%咁上下. 不過我地唔可以只睇14分既比例, 優良數目都好重要. Band3中中有2間, 聖士提反堂同梁銶琚. 如果以所剩學位推算. 聖士提反堂14分佔13.13%而梁銶琚佔15%. 兩者似乎唔係差好遠, 但梁銶琚比聖士提反堂早收夠人, 相比之下梁銶琚比聖士提反堂好少少. 如果以我標準去評估, 呢兩間屬band3中. 中西區仲有兩間抽獎直資, 即係聖保羅書院同香港聖瑪加利女書院. 如果根餘額推算, 前者有13個位剩, 14分就佔46.39%, 不過睇番上年佢既學校報告, 有94.4%既中六位係原校升讀, 即大約58%, 所以佢係差過高主教, 但係都好過聖類斯好多. 至於聖瑪加利, 就有20個位剩, 14分推算係25%, 屬band2尾. 當然選學校(尤其是band2尾至band3), 校風都好緊要, 要自己去實地理解, 呢o的工夫唔慳得. 歸納上面既分析, 下面就係中西區學校既排位. band1頭 聖士提反女子中學 (上年6科14分佔79.1%) 聖若瑟英文書院 (上年6科14分佔75.92%) band1中 英皇書院 (上年6科14分佔67%) 英華女學校 高主教書院 (上年6科14分佔61.45%) band1尾 聖保羅書院 (推算上年6科14分約佔58%, 今年46.39%) 聖嘉勒女書院 (推算今年6科14分佔50.32%) band2頭 聖類斯中學 (最後一次公佈6科14分佔42.9%) band2尾 香港聖瑪加利女書院 (推算今年6科14分佔25%) band3中 樂善堂梁銶琚書院 (推算今年6科14分佔15%) 聖士提反堂中學 (推算今年6科14分佔13.13%) 以上資料只供參考. [ 本帖最後由 khmama 於 09-8-18 12:01 編輯 ] |
ZZdaphne | 2010-08-25 23:15 |
灣仔區分析 灣仔區既英中大都係第一階段已經收夠14分既學生, 除咗瑪利曼, 華仁同鄧肇堅. 鄧肇堅屬band1尾(上年14分佔56.7%), 有位剩都唔出奇. 瑪利曼上年會考14分佔81%, 考生130人, 人均優良率係5.01. 本地升中六既佔69%, 而海外升學既比例都好高, 有26%. 如果用番上年既數據, 假設好多中五生都預咗去外國升學, 有位剩好正常. 至於華仁, 有家長post咗華仁上年有66.4%夠14分, 149人應考, 即有99人夠分, 但中六90個位剩13個, 顯示有22人冇原校升讀, 佔14.77%都算正路. 而人均優良率係4.68, 唔算差. 中中方面, 如果根據中六收生餘額推算, 6科14分既比例估計如下 (只作參考, 因為考生數目唔準確) 鄧鏡波 (28.13%) 維多利亞官立 (27%) 何東 (20.5%) 黃鳳翎 (13.13%) 孔聖堂 (11.25%) 玫瑰崗 (7.5%) 雖然孔聖堂好似好過玫瑰崗, 但係佢收唔夠生, 睇怕遲早都要殺校, 玫瑰崗反而就穩陣o的. 頭3間算係band2尾, 黃鳳翎同孔聖堂屬band3中, 而玫瑰崗屬band3尾. 歸納上面既分析, 下面係灣仔區學校既排位. band1頭 皇仁書院 (上年6科14分佔82.5%, 人均優良率5.92) 瑪利曼中學 (上年6科14分佔81%, 人均優良率5.01) 嘉諾撒聖方濟各書院 (上年6科14分佔75.8%) band1中 香港華仁書院 (上年6科14分佔66.4%, 人均優良率4.68) 香港真光中學 (上年6科14分佔66%) 聖保祿中學 band1尾 聖公會鄧肇堅中學 (上年6科14分佔56.7%) band2尾 香港鄧鏡波書院 (推算今年6科14分佔28.13%) 鄧肇堅維多利亞官立中學 (推算今年6科14分佔27%) 何東中學 (推算今年6科14分佔20.5%) band3中 佛教黃鳳翎中學 (推算今年6科14分佔13.13%) 孔聖堂中學 (推算今年6科14分佔11.25%) band3尾 玫瑰崗學校 (推算今年6科14分佔7.5%) 以上資料只供參考. [ 本帖最後由 khmama 於 09-8-18 12:21 編輯 ] |
ZZdaphne | 2010-08-25 23:16 |
東區分析 東區既英中全部第一階段都冇位剩, 而四間熱門中中-港島民生, 金文泰, 衛理同劉永生都係第一階段已經冇位. 下面係根據學校上年或推算6科14分既比例作一個分類. band1頭 庇理羅士女子中學 (上年6科14分佔85.9%, 人均優良率5.69) 張祝珊英文中學 (上年人均優良率5.62) 香港中國婦女會中學 band1中 聖馬可中學 (上年人均優良率4.66) 筲箕灣官立中學 (上年6科14分佔68.39%, 人均優良率4.17) 嘉諾撒書院 (上年6科14分佔66.1%) 港島民生書院 (今年6科14分佔70.33%, 人均優良率3.65) band1尾 中華基金中學 (上年人均優良率3.39) 金文泰中學 (推算今年6科14分佔58.82%以上, 上年人均優良率2.97) band2頭 衛理中學 (推算今年6科14分佔37.5%以上) 中華傳道會劉永生中學 (推算今年6科14分佔30.61%以上) band2中 漢華中學 (推算今年6科14分佔35.83%) 福建中學 (推算今年6科14分佔30%) band2尾 顯理中學 (推算今年6科14分佔28.13%) 培僑中學 (推算今年6科14分佔27.5%) 慈幼英文學校 (推算今年6科14分佔24.5%) 東華三院李潤田紀念中學 (推算今年6科14分佔21.88%) band3頭 寶血女子中學 (推算今年6科14分佔19.5%) 筲箕灣東官立中學 (推算今年6科14分佔18.5%) 聖貞德中學 (推算今年6科14分佔17%) 文理書院(香港) (推算今年6科14分佔16.88%) 嶺南衡怡紀念中學 (推算今年6科14分佔16.25%) 張振興伉儷書院 (推算今年6科14分佔15.63%) 蘇浙公學 (推算今年6科14分佔15%) band3中 嶺南中學 (推算今年6科14分佔10%) 中華基督教桂華山中學 (推算今年6科14分佔10%) band3尾 閩橋中學 (推算今年6科14分佔9.17%) 北角協同中學 (推算今年6科14分佔5%) 伊斯蘭脫維善中學 (推算今年6科14分佔3.33%) 聖公會李福慶中學 (推算今年6科14分佔3.13%) 柴灣馬登基金中學 (推算今年6科14分佔0.63%) *東區仲有一間炮台山循道衛理中學, 專門收學習有困難既學生, 不設中六, 千祈唔好同衛理中學搞亂. 以上資料只供參考. [ 本帖最後由 khmama 於 09-8-23 13:18 編輯 ] |
ZZdaphne | 2010-08-25 23:17 |
南區分析 南區有2間英中-嘉諾撒聖心書院同聖公會呂明才中學. 聖心今年第一階段有3個位剩, 而上年6科14分係71.04%, 睇佢再前兩年既會考, 14分大約係80%, 屬BAND1頭, 上年明顯特別差. 而呂明才上年14分係42.8%, 屬BAND2頭. 下面係推算既6科14分比率. band1頭 嘉諾撒聖心書院 (上年6科14分佔71.08%) band2頭 聖公會呂明才中學 (上年6科14分佔42.8%) band2中 香港真光書院 (推算今年6科14分佔31.88%) band2尾 香港仔浸信會呂明才書院 (推算今年6科14分佔27.5%) 聖伯多祿中學 (推算今年6科14分佔20.63%) 嘉諾撒培德書院 (推算今年6科14分佔20%) band3頭 新會商會陳白沙紀念中學 (推算今年6科14分佔17.5%) band3尾 余振強紀念第二中學 (推算今年6科14分佔8.75%) 培英中學 (推算今年6科14分佔5%) 明愛胡振中中學 (推算今年6科14分佔4.38%) 香港仔工業學校 (推算今年6科14分佔4%) 明愛莊月明中學 (推算今年6科14分佔1.88%) 保良局慧妍雅集書院 (無資料,不設中六) 香港航海學校 (無資料,不設中六) 以上資料只供參考. [ 本帖最後由 khmama 於 09-8-18 12:56 編輯 ] |
ZZdaphne | 2010-08-25 23:17 |
油尖旺區分析 油尖旺區既英中, 除咗伊中同循道, 全部第一階段都冇位剩. 循道一向成績唔算好, 有29個位剩唔奇. 本來已經跌落band2頭, 今年推算係38.13%, 照計就係band2中. 伊中上年6科14分大約75%, 今年有12個位剩, 相信有唔少人冇原校升讀. 而最多人鍾意討論既九華, 雖然第一階段冇位剩, 但一路會考都唔係考得好好, 只能勉強保住band1中個位, 隨時降班. 由於家長對學校有不同既期望, 所以成績達唔到目標自然會引起部分家長不滿. 不過始終都係o個句, 讀書係要小朋友努力既, 唔係入咗名校就會變叻, 條路要靠個小朋友自己行. 廢話少講, 下面係油尖旺區學校既排位. band1頭 嘉諾撒聖瑪利書院 (上年6科14分佔86.6%) 伊利沙伯中學 (上年6科14分約佔75%) band1中 真光女書院 (上年6科14分佔71.1%) 中華基督教會銘基書院 (上年6科14分佔66.8%) 華仁書院 (九龍) (上年6科14分佔60%, 人均優良率3.53) band1尾 聖芳濟書院 (推算今年6科14分超過45%) band2中 循道中學 (推算今年6科14分佔38.13%) band2尾 基督教香港信義會信義中學 (上年6科14分佔27.8%, 推算今年6科14分佔20.21%) 新界龍岡學校劉皇發中學 (推算今年6科14分佔20%) band3頭 麗澤中學 (推算今年6科14分佔15%) band3中 港九潮州公會中學 (推算今年6科14分佔12.5%) 天主教新民書院 (推算今年6科14分佔11.89%) band3尾 聖公會諸聖中學 (推算今年6科14分佔4.38%) 九龍三育中學 (推算今年6科14分佔1.5%) 官立嘉道理爵士中學(西九龍) (無資料,不設中六) 09-8-18 15:02 以上資料只供參考. [ 本帖最後由 ZZdaphne 於 10-8-25 23:18 編輯 ] |
ZZdaphne | 2010-08-25 23:19 |
深水埗區分析 深水埗區真係好難分析. 英中除咗瑪利諾神父同德雅, 其餘第一階段都冇位剩. 瑪利諾神父剩咗22個位, 全部文科班, 中五80個文科生+80個理科生去爭30個文科同30個理科位, 都要剩22個, 睇黎瑪利諾神父既文科班唔多好. 就算理科班成績搭夠, 最多都只屬band2頭. 德雅剩咗13個位, 文理科都有, 如果照推算就只得29.38%夠14分, 想睇下佢既往績可唔可以幫佢加分, 但係就完全搵唔到, 唯有先將佢當band2尾. 上智上年6科14分差不多80%, 屬band1頭. 銘賢得61.9%, 有些少覺得意外, 因為話晒都係深水埗區既首選. 聖母玫瑰早兩年食錯藥, 得4x%, 今年可靠消息理科要20分先收番, 應該可以彈番上6x%, 保持band1中既位置. 長天同黃隸珊 (瑪利諾神父都係), 校網完全搵唔到學校報告, 唔通呢區唔鍾意做報告? 既然冇資料, 我會將長天當band1中, 而黃隸珊當band1尾. 另一間要提既係匯基. 如果佢提供既資料冇錯, 第一階段只剩8個位, 推算14分就佔51.25%, 屬band1尾成績, 真係估唔到, 一向o的人都係當佢band2中至尾. 至於唐乃勤, 一向係band3, 但自從同莊啟程接龍, 就升咗上band2. 所以算佢係band2尾. 總括黎講, 深水埗區既男生冇好學校選, 女仔就好o的. 下面係深水埗區學校既排位. band1頭 寶血會上智英文書院 (上年6科14分佔約79.5%) band1中 中華基督教會銘賢書院 (上年6科14分佔約61.9%) 長沙灣天主教英文中學 聖母玫瑰書院 (上年6科14分佔約44.3%) band1尾 香港四邑商工總會黃姍紀念中學 滙基書院 (推算今年6科14分佔51.25%) band2頭 瑪利諾神父教會學校 (推算今年6科14分佔23.75%) band2中 香島中學 (推算今年6科14分佔37.78%) band2尾 德雅中學 (推算今年6科14分佔29.38%) 惠橋英文中學 (推算今年6科14分佔28.33%) 佛教大雄中學 (推算今年6科14分佔22.5%) 保良局唐乃勤中學 (無資料, 不設中六) band3頭 路德會協同中學 (推算今年6科14分佔18.5%) 聖公會聖瑪利亞堂中莫慶堯中學 (推算今年6科14分佔15.56%) 東華三院張明添中學 (推算今年6科14分佔15.5%) band3中 德貞女子中學 (推算今年6科14分佔12.92%) 陳樹渠紀念中學 (推算今年6科14分佔10.5%) band3尾 九龍工業學校 (推算今年6科14分佔6.5%) 中聖書院 (推算今年6科14分佔6.25%) 地利亞修女紀念學校(吉利徑) (推算今年6科14分佔4.17%) 廠商會中學 (推算今年6科14分佔1.25%) 天主教南華中學 (推算今年6科14分佔0%) 09-8-18 18:06 以上資料只供參考. |
ZZdaphne | 2010-08-25 23:21 |
九龍城區分析 九龍城區有31間學校, 所有英中中六第一階段收生都冇位剩, 除咗民生文科班剩咗1個位. 喇沙同瑪利諾係band1頭已經無容置疑, 前者最勁o個班係全班拔尖既, 後者今年先出咗個10A狀元, 2001年6科14分有94%. 至於華英, 自行收既都係band1頭, 但校網搵唔到有關會考既成績, 估計6科14分都有70% - 75%, 所以都將佢當band1中. 協恩其實都唔差, 都係中上既成績, 可能佢自行會收特異功能人士, 所以整體成績比唔上瑪利諾. 黃笏南同旅港同屬band1中而較著重課外活動既學校, 迦密就比較死讀書, 三間既成績差唔多, 好多band1中自行都係選呢幾間. 培正雖然係中中, 但佢堅持自己既教法, 所以英文一o的都唔差, 每年都有好多人攞6A以上, 上去校網可以睇到. 不過佢收好多小學既band2生, 應該好難將整體成績推到好高. 聖家就保持到一貫既成績, 女校黎講雖然唔算top, 但band1中既女校呢間都算唔錯. 銀禧同民生校網都冇資料, 只可以根據以往口碑算佢係band1中. 丘佐榮同陳瑞祺一向屬band1尾英中, 但係睇番陳瑞祺上年既成績真係唔多好. Band2女仔既選擇有真光同培道, 兩間都唔錯. 反而band2男仔既選擇如胡兆熾,五旬節同鄧鏡波都係差強人意. 雖然胡兆熾只係文科班剩咗10個位, 理科班冇位剩, 但係即使當o的理科人6科14分比率拉高少少, 都仍然屬於band2中. 至於何官, band2生抽獎未必搏得過, 因為位少而且有聯繫小學, 好多唔進取既band1生分分鐘第一輪抽獎已經攞晒o的位. Band3生可以考慮下勞工子弟(直資), 九龍塘學校, 賽馬會官立同彭學高. 最緊要趁開學去睇下o的校風好唔好. 余振強只得第二階段既數字, 但第二階段都剩咁多位, 第一階段唔會好得去邊, 所以排尾2. Band 1頭: 喇沙書院 瑪利諾修院學校(中學部) Band 1中: 協恩中學 (上年6科14分佔73.6%) 華英中學 東華三院黃笏南中學 (上年6科14分佔71.8%) 迦密中學 (今年6科14分佔69.1%) 旅港開平商會中學 (上年6科14分佔66.5%) 香港培正中學 嘉諾撒聖家書院 (上年6科14分佔63%) 何明華會督銀禧中學 民生書院 Band 1尾: 基督教女青年會丘佐榮中學 (上年6科14分佔52.3%) Band 2 頭: 九龍真光中學 (上年6科14分佔48%) 何文田官立中學 (上年6科14分佔41.7%) Band 2 中: 香港培道中學 (推算今年6科14分佔36.25%) 陳瑞祺(喇沙)書院 (上年6科14分佔33.9%) 順德聯誼總會胡兆熾中學 (推算今年6科14分佔25%) Band 2 尾: 勞工子弟中學 (推算今年6科14分佔21.88%) 五旬節中學 (推算今年6科14分佔21%) Band 3 頭: 九龍塘學校(中學部) (推算今年6科14分佔18.33%) 鄧鏡波學校 (推算今年6科14分佔18.33%) 賽馬會官立中學 (推算今年6科14分佔17.5%) 禮賢會彭學高紀念中學 (推算今年6科14分佔15%) Band 3 中: 中華基督教會基道中學 (推算今年6科14分佔13.5%) 德蘭中學 (推算今年6科14分佔11.67%) 聖公會聖三一堂中學 (推算今年6科14分佔10.63%) Band 3 尾: 聖公會蔡公譜中學 (推算今年6科14分佔9%) 新亞中學 (推算今年6科14分佔9%) 聖母院書院 (推算今年6科14分佔8.13%) 余振強紀念中學 (推算今年6科14分佔0%) 聖匠中學 (推算今年6科14分佔0%) 以上資料只供參考. 09-8-29 12:00 |
ZZdaphne | 2010-08-25 23:23 |
黃大仙區分析 黃大仙區只得保良局第一張永慶一支獨秀, 上年6科14分75.3%, 今年74%, 都可以算band1頭. 德愛, 可立同協和屬band1尾. 聖母雖然係英中, 但成績唔算好, 上年得38%, 屬band2成績. 中中方面, 何蔭棠冇6科14分資料, 但上年會考各科平均優良率係35%, 約等於band2頭既成績, 而另一間band2頭文理, 今年6科14分就有45%. 特別一提佛教志蓮中學係收學習有困難既學生, 所以冇報會考既. Band 1頭: 保良局第一張永慶中學 (今年6科14分佔74%) Band 1尾: 德愛中學 (最後公佈6科14分佔57.1%) 可立中學 (最後公佈6科14分佔55.5%) 中華基督教會協和書院 (最後公佈6科14分佔52%) Band 2頭: 保良局何蔭棠中學 文理書院(九龍) (今年6科14分佔45%) Band 2中: 聖母書院 (上年6科14分佔38%) Band 2尾: 佛教孔仙洲紀念中學 (推算今年6科14分佔26%) 聖文德書院 (推算今年6科14分佔25.42%) 彩虹天主教英文中學 (推算今年6科14分佔25%) 五旬節聖潔會永光書院 (推算今年6科14分佔23.75%) 天主教伍華中學 (推算今年6科14分佔20%) Band 3頭: 香港神託會培敦中學 (推算今年6科14分佔19.38%) 潔心林炳炎中學 (推算今年6科14分佔17.5%) Band 3中: 聖公會聖本德中學 (推算今年6科14分佔13.13%) 李求恩紀念中學 (推算今年6科14分佔11.88%) 樂善堂余近卿中學 (推算今年6科14分佔11.25%) Band 3尾: 樂善堂王仲銘中學 (推算今年6科14分佔8.75%) 龍翔官立中學 (推算今年6科14分佔7.5%) 中華基督教會基協中學 (推算今年6科14分佔4.17%) 中華基督教會扶輪中學 (推算今年6科14分佔2.5%) 救世軍卜維廉中學 (推算今年6科14分佔1.58%) 以上資料只供參考. 09-8-30 15:09 |
ZZdaphne | 2010-08-25 23:24 |
觀塘區分析 觀塘區6間英中中六收生第一階段都冇位剩. 聖傑靈搵唔到會考成績, 但佢應該比聖保祿好少少, 所以算係band1中. 觀瑪都係冇成績, 但係佢同聖言差不多, 亦都係band1中. 中中以蒙民偉算係band1, 其餘既中中都較預期差, 下面係各學校既排位. 利瑪竇冇第一階段資料, 用第二階段計都係得11.11%, 所以第一階段6科14分估計應該唔夠4%. Band 1中: 聖傑靈女子中學 藍田聖保祿中學 (上年6科14分佔68.5%) 聖言中學 (今年6科14分佔67.8%) 觀塘瑪利諾書院 Band 1尾: 順利天主教中學 (上年6科14分佔55%) 中華基督教會蒙民偉書院 (今年6科14分佔50.3%) Band 2頭: 觀塘官立中學 (上年6科14分佔48.5%) Band 2中: 新生命教育協會呂郭碧鳳中學 (上年6科14分佔35.5% ) 梁式芝書院 (推算今年6科14分佔31.89%) 聖公會梁季彝中學 (推算今年6科14分佔31.25%) Band 2尾: 寧波第二中學 (推算今年6科14分佔25.63%) 仁濟醫院羅陳楚思中學 (推算今年6科14分佔23.5%) 聖若瑟英文中學 (推算今年6科14分佔21.5%) 聖公會基孝中學 (推算今年6科14分佔21.5%) 地利亞修女紀念學校(協和)(推算今年6科14分佔20.83%) 聖安當女書院 (推算今年6科14分佔20%) Band 3頭: 中華基督教會基智中學 (推算今年6科14分佔19%) 寧波公學 (推算今年6科14分佔17.5%) 基督教聖約教會堅樂中學 (推算今年6科14分佔16.5%) 五邑司徒浩中學 (推算今年6科14分佔15%) Band 3中: 香港道教聯合會青松中學 (推算今年6科14分佔12.5%) Band 3尾: 地利亞修女紀念學校(月華)(推算今年6科14分佔9.17%) 瑪利諾中學 (推算今年6科14分佔6.25%) 天主教普照中學 (推算今年6科14分佔6.17%) 高雷中學 (推算今年6科14分佔6%) 慕光英文書院 (推算今年6科14分佔5%) 觀塘功樂官立中學 (推算今年6科14分佔4.38%) 香港聖公會何明華會督中學 (推算今年6科14分佔4.38%) 九龍利瑪竇書院 (推算今年6科14分佔4%以下) 佛教何南金中學 (推算今年6科14分佔1.88%) 香港布廠商會朱石麟中學 (推算今年6科14分佔1.25%) 以上資料只供參考. [ 本帖最後由 khmama 於 09-9-4 22:18 編輯 ] |