Quote:KeiKeimom 發表於 14-2-27 12:02 我去過簡介會,覺得校長教職員很有愛心,學生英文幾好,所以第一輪已報名了,但是沒有機會面試。
不要太敏感了, 職員所講的亦係事實. 我去年情況同你差唔多, 我囝囝係第一輪面試後一直無收到信, 眼見其他EK媽咪陸續收到信, 個心好唔舒服, 每日放工就好似儍婆咁趕去睇信箱, 仍然杳無音訊......卒之忍唔住打去培基問最後一輪收生信會係幾時出? 等我可以知道結果, 即使係落選都想得個知字.
職員好好, 幫我接去負責收生的主任同我講. 主任安慰我叫我唔使太心急. 佢話即使最終未有收到取錄信, 學校都會發信通知未被取錄的. 主任話若果暫時未有被取錄, 亦不用灰心. 學校會預留一班約三十名學額, 待七月放榜後作最後一輪招生(這是去年情況, 今年唔清楚). 我問番佢, 如果第一輪自行時學校已經話咗唔收, 等七月仲會有機會嗎? 主任講當然有機會, 只要你到時留意學校公佈, 約六月左右會有再次招生的. 我又問埋重考會唔會優先處理? 主任講唔會, 都係睇埋三次呈分成績同面試表現......
雖然我囝最後無緣入讀培基(佢係七月大搞珠入咗第一志願, 萬幸), 但呢間學校我真係有好感. 各位仍未收到信的媽咪, 繼續努力, 希望在明天! 即使最後未被取錄, 亦希望大家的小朋友在七月放榜可入讀心儀中學!!!
|