好辛苦

帖子列表  登錄   
大頭貓 | 2009-07-12 17:28
個仔就黎3歲都唔識講野.無眼神交流,又超百厭......:naughty: 排期8月去圓洲角先睇醫生......:naughty: ....又唔識叫我,剩係得有咩事識拉我,我想辭職臭佢,俾我辭左職,不過.......要供樓,停1,2個月就得,長期就唔得,樓都會收埋,
我好唔開心.........
bigbug | 2009-07-12 19:15
你最好快點帶佢見醫生啦! 因為現在佢3 歲, 但見到醫生再排服務要成一年的. 所以最好快點啦!
hcily | 2009-07-12 19:20
不要灰心,很多媽咪也是努力在幫子女,凡事量力而為,我們只能在能力範圍內給最好的予孩子女,如果辭職令你有更大的壓力,那便不要了,儘量找人幫忙吧,例如找人幫忙帶孩子去做訓練.
Freak | 2009-07-13 09:58
加油..加油呀
六歲之前都係小朋友的黃金時間, 現時你剛去左政府睇醫生, 都要排一段時間, 若經濟許可, 你可以先去協康, 樂天這些私人機構做單對單的訓練. 但會比較貴呀..約 $450一小時, 又或你可去庭恩問問, 佢地可以俾一些低入息家庭優惠的,

我明白, 呢個時期會好徬徨, 好想自己親自去教佢, 但現實生活不容許時, 你都不要怪責自己, 你可在星期六日, 放工後去教嘛

我之前都為此而失眠, 流淚..但我們的小孩子需要的是母親的堅強呀..所以我地互勉吧...
KSWKSW | 2009-07-13 15:02
不管如何都要面对, 我也正在努力教仔仔,
WINSON媽媽 | 2009-07-14 14:28
要加油呀, 是很無奈的, 我也有同樣的問題, 你不是孤單一人呀:lover:

Quote:原帖由 大頭貓 於 09-7-12 17:28 發表
個仔就黎3歲都唔識講野.無眼神交流,又超百厭......:naughty: 排期8月去圓洲角先睇醫生......:naughty: ....又唔識叫我,剩係得有咩事識拉我,我想辭職臭佢,俾我辭左職,不過.......要供樓,停1,2個月就得,長期就唔得,樓 ...
owl_2046 | 2009-07-14 16:56
我都係過來人, 完全明白你感受.
8月先見醫生, 排服務都要成年, 不要浪費時間啦.
我係你, 就一定唔會辭職, 反而會用賺返黎既$$比囝囝讀樂天, Step 等私人S位先. 雖然好貴, 但真係有效, 另外一邊等政府S/E/I位.
若經濟不許可, 坊間亦有很多小組訓練, 言語治療.
多D買有關書籍睇下, 讓自己了解多D.
不要灰心, 當你見到佢一日比一日進步, 你就會覺得點辛苦都值得.
我地一定唔可以放棄........加油!!!


Quote:原帖由 大頭貓 於 09-7-12 17:28 發表
個仔就黎3歲都唔識講野.無眼神交流,又超百厭......:naughty: 排期8月去圓洲角先睇醫生......:naughty: ....又唔識叫我,剩係得有咩事識拉我,我想辭職臭佢,俾我辭左職,不過.......要供樓,停1,2個月就得,長期就唔得,樓 ...
blackberry | 2009-07-14 23:22
去協康排住青蔥計劃先啦, 時間係金錢呀, 平日放工返屋企陪佢玩多D補返數啦, 巿道唔好呀, 辭職容易搵工難呀
sze0830 | 2009-07-15 14:20
我一年前都是同你一樣問題 .... 我地帶左佢去私人中心做訓練 .... 一路排政府 .... 依家見到個仔有進步好開心 ....
這條雖然難行.... 但仍然有很多人陪伴你的....唔好灰心....
盡快搵合適訓練給小朋友吧 ..... 加油呀 !!
奀豬mami~~ | 2009-07-15 19:48
呢度大家都係過來人,好明白你心情的,我當時知道自己既囝有自閉時都係晴天霹靂,不過我地作為媽媽一定要搵出辦法幫自己仔女,我果時都係一邊等協康,一邊就去青蔥上TRAINING,我同社工講左遠D既CTR都去,因為青蔥&出面C人都好貴,我住荃灣區,社工當時同我講新界區既位比較易排,所以當時我選擇左上水,元朗同屯門,不到半年,就排到上水既早期訓練,當時我都自己帶佢去,一星期3日去上水呀,又排多8個月之後,我排到大窩口,我就比工人姐姐帶亞仔上TRAINING,所以如果你唔可以give up份工,你就搵人幫手啦,因為最重要唔係上中心做training,而係你係屋企既時間教你小朋友呀:lover:
1/4
下頁 | 尾頁
.
Powered by Baby Kingdom
立即打開