亞仔比大口環初步評估為有自閉症傾向, 而家我心靈極度痛苦

帖子列表  登錄   
owl_2046 | 2007-11-16 17:52
我個仔剛剛2歲.................

9月份比大口環醫生評估我個仔自閉症"責界" 條氣極度唔服.....

跟住10月份再去比言語,職業及物理治療師作評估.....昨日下午再去見醫生, 集合佢地所有"專家"既意見後, 初步評估我個仔有自閉症傾向:-(

我當場喊左出黎, 但醫生話亞仔已經比9月份時進步左, 起碼叫佢佢肯望人...(我個仔唔係唔望, 係選擇性去望:tongue: )

而家會盡快安排自閉症專家幫亞仔做詳細評估......

醫生話亞仔而家好似比個玻璃樽cover住, 要我地幫佢一齊衝出去

其實唔係我得閒得濟, 帶亞仔去健康院檢查,就唔會攪到去左大口環咁大獲啦, 我不嬲都唔覺得亞仔有問題, 重找好多藉口比自己幫亞仔解釋.......但係比佢地講講下, 再睇下D自閉症網站, 又真係覺得亞仔真係有D問題.....(唔係太多, 都有少少啦)

眼淚已流乾啦, 我而家要堅強地面對現實, 更加應該慶幸可以咁早知道亞仔有自閉傾向, 快D幫佢"滅甩"佢.

而家排緊早期訓練及特殊學校, 但出年9月已經有學校收左亞仔讀N1啦, 醫生話如果N1開學先都比亞仔讀, 或者一返學就開竅呢, 到時可以留返個位比D更加有須要既人啦.....(承佢貴言) 其實有冇可能呢:-?
hippomama | 2007-11-16 23:16
我好明白你的感受, 我也剛經歷了這種像被判死刑的時期!
我的仔仔在三歲時被評為自閉傾向,
那時我還半信半疑, 沒有甚麼感覺, 我想每人發展不同, 待他大一點便會"好"起來! 我讓他接受了早期訓練, 的確有了明顯的改善.
到六歲時 (去年12月),我帶他再進行評估, 有私人的和政府的.
一致結果是: 輕度自閉!
那一次, 我在回家的巴士內流淚了! 好像判了死刑!

若果真屬自閉, 是沒有好不好的, 這不是一種病, 是先天的問題,
後天的不斷訓練和輔導, 只能令情況改善, 讓他們學懂自我照顧.
往後的路並不平坦, 他們需要一個強的媽媽! 這是我現在的想法!

當然, 你的兒子才兩歲, 還小呢!有希望的！
政府在早期訓練這方面造得不錯，你一定要善用．最緊要多抽時間跟足要求和仔仔做練習，現在為他們打好根柢很重要．
俾心機呀！有時間上來分享下，充充電！
owl_2046 | 2007-11-16 23:49
你亞仔而家情況如何?
係咪讀緊主流學校?
表面看同普通小朋友有冇分別?
學習方面是否比較弱?
我都排緊早期訓練, 其實是否須要排"特殊學校"呢?
所謂早期訓練, 係訓練D咩野呢?
我呢一刻都好徬徨,唔知應該做D咩野好, 可以指教下嗎?Quote:原文章由 hippomama 於 07-11-16 23:16 硐表
我好明白你的感受, 我也剛經歷了這種像被判死刑的時期!
我的仔仔在三歲時被評為自閉傾向,
那時我還半信半疑, 沒有甚麼感覺, 我想每人發展不同, 待他大一點便會"好"起來! 我讓他接受了早期訓練, 的確有了明顯的改善.
...
TommyGirl | 2007-11-17 11:33
唔知點解你俾我的感覺係...........你仲未可以接受你仔仔有自閉傾向

雖則3、4歲前很難斷症,但我希望你知道自閉症/自閉傾向唔係病,to certain extent 係性格無得醫,只有改善........無得滅甩佢;你唔改變這種唸法,在訓練過程中你和你小朋友都會很辛苦

我小朋友都有自閉傾向,最初語言慢很多,現在已追得近,但他們就是這樣,明明識講,也不願開"金"口; 若你用這種滅甩佢的想法,你便會很失望和氣餒

努力呀! 這班孩子需要加倍的愛才動容;-)


Quote:原文章由 owl_2046 於 07-11-16 17:52 硐表
我個仔剛剛2歲.................

9月份比大口環醫生評估我個仔自閉症"責界" 條氣極度唔服.....

跟住10月份再去比言語,職業及物理治療師作評估.....昨日下午再去見醫生, 集合佢地所有"專家"既意見後, 初步評估我個 ...
owl_2046 | 2007-11-17 21:08
"滅甩"係大口環D醫生同我講....
已經有N1收左亞仔啦...
我只係希望佢可以怏D同人多D溝通, 唔駛我用野引佢佢都會主動叫我, 我教佢時佢唔好再四維走, 專注一D我已經心滿意足....
我會唔會貪心左D呢?Quote:原文章由 TommyGirl 於 07-11-17 11:33 硐表
唔知點解你俾我的感覺係...........你仲未可以接受你仔仔有自閉傾向

雖則3、4歲前很難斷症,但我希望你知道自閉症/自閉傾向唔係病,to certain extent 係性格無得醫,只有改善........無得滅甩佢;你唔改變這種唸法,在 ...
[ 本文章最後由 owl_2046 於 07-11-17 21:10 編輯 ]
TommyGirl | 2007-11-18 13:48
有目標去做係好事,但記緊慢慢一步一步o黎,俾耐性同時間,唔好逼得太緊

我唸個個A仔父母都想做trainning後有明顯進步,但真的不能太急進;最初初,我老公就係愛之深,"逼"之切,結果阿仔係避佢,ignore 佢,唔願跟佢;佢試過因為付出時間而阿仔ignore佢而非常傷心失望。 後來,佢才明白,阿仔佢地最弱係溝通,而唔係單單唔肯聽指示,跟你倒氣,漸漸佢知道點樣可以令佢明我地想佢做乜,亦有耐性去由動作了解阿仔想做乜,跟住阿仔就好似無o甘失控喇!

當然,回想我地頭幾個月同阿仔做家課,大家都在摸索中...四圍走、遊魂,那種激氣法....真係想C :lol:

Anyway, 都係o個句..."加倍愛心、時間和耐性" 大家一齊加油呀 :hammer:

Quote:原文章由 owl_2046 於 07-11-17 21:08 硐表
"滅甩"係大口環D醫生同我講....
已經有N1收左亞仔啦...
我只係希望佢可以怏D同人多D溝通, 唔駛我用野引佢佢都會主動叫我, 我教佢時佢唔好再四維走, 專注一D我已經心滿意足....
我會唔會貪心左D呢? ...
hippomama | 2007-11-21 00:40
是的, 我仔仔在主流小學升小一了!
就是為了得個明白, 究竟讀主流還是特殊, 我才安排他去年的覆檢. 結果因他IQ正常, 需要入讀主流.
於是, 我的問題便來了.
雖然他看上去跟其他小朋友無異(一般的A仔是看不出的!)但他的溝通能力是很有限的,
這會影響上課的學習, 我最擔心的是他的社交, 我怕他因此被孤立, 受欺負, 唔開心, 又不懂向老師和我們表達! (他未能好好將發生的事說清楚!) 每次想到這裏, 我就想喊!!:-(

後來我們為他選了一所私校, 小班又雙班主任制, 在報讀時, 我們已將仔仔的情況同學校交代清楚, 最後學校接納了仔仔, 我又常常跟老師溝通, 入學三個月了, 仔仔每天也開開心心的, 多了主動說話, 間中還有主動搭訕!! (在其他人來說這很平常, 但對我們來說這是恩賜了!!) ;-)

A仔的學習能力並不一定比其他小朋友弱, 其實有些是很強的. 我的仔仔普普通通喇! 暫能跟到學校要求.

仔仔的"特別"讓我反省了對孩子該有的要求, 在我而言, 只要他開開心心上學去, 平平安安回家來, 便好了!
我對學校的社工姑娘和他的班主任說, 我們只希望在現階段為仔仔培養好學習的興趣, 讓他覺得上學學習是一件愉快的事, 便好了, 日後學習的路還長, 讓他自由遊走吧!這是在期中測驗前, 我跟她們說的話!
我們沒有特別為他溫習, 因他的訓練已夠多!結果他的各科也在合格以上, 我們送了他一個蛋糕作慶祝!!:-P

至於早期訓練的內容是很全面的, 我仔仔就有職業治療, 言語治療, 綜合訓練, 通常一周兩次, 每次一小時. 我的仔仔試過一周三次, 維持了近半年. 這些都是專業的治療, 在私家的要500-700元一次, 有的甚至過千!! 這種集中的訓練當然好喇!

政府也曾給我們特殊學校學位, 但老公因不能接受而推掉, 轉排早期訓練. 另外, 政府的兼收位也很好的, 你也可以考慮!
冷靜下來好好看看亞仔, 找出他的"特別之處", 為他揀選合適的東西才是最重要!

在為他揀小學的時候, 我覺得很大壓力, 因我怕又揀錯 (我們為他錯揀了一間沒愛心的幼稚園!)
後來我想通了, 每個小朋友也有不同之處, 尤其我們的小朋友, 別人的說法可作參考, 學校的好壞, 在是否適合自己的仔仔吧了! 到最後, 讓仔仔知道:爸爸媽媽已經盡晒力!! 便夠了!

好好面對亞仔的需要, 努力呀!! :hammer:




Quote:原文章由 owl_2046 於 07-11-16 23:49 硐表
你亞仔而家情況如何?
係咪讀緊主流學校?
表面看同普通小朋友有冇分別?
學習方面是否比較弱?
我都排緊早期訓練, 其實是否須要排"特殊學校"呢?
所謂早期訓練, 係訓練D咩野呢?
我呢一刻都好徬徨,唔知應該做D咩野好, 可 ...
mygoddish | 2007-12-04 18:19
owl_2046,

不要傷心,自閉症的小朋友一定有佢某方面的資優,你試下搵出你囝囝資優的方面.你會覺得開心d架,唔好放棄,你囝囝好需要你陪佢捱過去,你未來一兩年會很辛苦,但過左呢幾年,你回想番,你會以自己為榮,因為你是一個不平凡的媽媽,你所付出的淚和汗,你的囝囝,你的家人,都會感受到的.
努力呀:hammer: :hammer:

Quote:原文章由 owl_2046 於 07-11-16 17:52 發表
我個仔剛剛2歲.................

9月份比大口環醫生評估我個仔自閉症"責界" 條氣極度唔服.....

跟住10月份再去比言語,職業及物理治療師作評估.....昨日下午再去見醫生, 集合佢地所有"專家"既意見後, 初步評估我個 ...
ahjoechan | 2007-12-06 22:19
明白你心情,既然評估到,就不如當找到明確指引点去train个仔.
但点解你个仔咁細就access 到???

你个仔有吔sydrome ?
你最初係唔係18th-mth健康院个checkup 到己經比姑娘access到???

對唔住,問多咗..因為呀仔21th month,唔講嘢,唔啋人,唔同人玩,我開始懷疑,但唔知點入手,点去access ?? 又怕係自己over-react, 你都好,有N1收, 佢無学校收...因為interview表現唔好,鳴嗚....
ahjoechan | 2007-12-06 22:26
hippomama

你可唔可以pm or email 我[email protected] 有關早期訓練的資料.
1/2
下頁 | 尾頁
.
Powered by Baby Kingdom
立即打開