跑馬地寶血幼稚園家長會

帖子列表  登錄   
Ahung517 | 2007-02-07 16:34
妳說的都是正正我心底所想. 但想問有沒有擔心升小學問題, 因為好多例子是如沒有直升, 家長很多時都要為理想小學而帶同小朋友四出敲門. 這其實在某程度上也帶給小朋友心理壓力. 真煩惱!!!! :wth: :wth: :wth:


Quote:
YongXin 寫道:

對我來講, 幼稚園最重要係愉快學習, 培養品德, 啟發興趣, 過群體生活, 呢啲寶幼做得好好.

學術上點樣涵接小學, 寶幼到K3明顯比K1,2時深了, 中文要寫"動物園", "環保", "喜歡", "愛護" 等等, 英文就一般, 寫angel, yellow, red, blue, happy, clean, dirty等等, 有教phonics, 有幾本淺的readers, 有外籍老師, 有普通話老師, K3下學期開始有讀寫訓練(即係默書). 如果妳唔係想小朋友讀保羅男女/男女拔小學的話, 寶幼的程度係絕對無問題既.

同聖心比, 學術上寶幼一定淺過聖心. 咁就要家長衡量深/淺既定義: 我覺得小朋友既童真及學習興趣比學到幾多個深字重要得多. 六歲上小學前, 我要比阿女開開心心享受幼稚園生活, 唔想咁細個就要谷佢行條考名小學既路.

我都注重學業成績, 等小學再同阿女一齊努力吧! 到時剩係愉快學習就唔夠了.
YongXin | 2007-02-08 10:07

未必要四處敲門.

分两方面:

1). 私校/直資小學:
呢類學校要自己投考, 尤其是頂級嗰幾間, 面試筆試文武全才两文三語名牌幼稚園家庭背境大方成熟...寶幼就未必適合了. 寶幼既小朋友係開心, 活潑, 乖巧, 愛學習, 懂解決困難, 有禮貌, 有愛心, 但可能不懂a for astronaut, b for binoculars, c for caterpillar. 要上頂級名私校/直資小學應該去九龍塘讀幼稚園. 當然, 寶幼小朋友也考到好既私校/直資小學, 只不過唔會係拔X, XXX男女嗰啲.

2). 官立/津貼小學:
寶幼既小一派位成績一向都很好, 詳情可到學校網址 "入學査詢" ---> "小一入學資料", 有齊每年小一派位既成績. 小女幸運地響去年十一月既自行派位階段, 已經被跑馬地聖保祿天主教小學取錄.

其實如果講壓力, 就算考小學無壓力, 到讀小學都會有壓力. 聽聞聖心小學既程度係好深既. Click here.

因此, 我始終認為幼稚園生活首要係開心, 而幼稚園對小朋友既訓練和培養+派位成績, 同時又可令小朋友讀到好小學, 然後到小學時就要實戰努力. 好慶幸寶幼可以完全令我達成呢個目標.

Quote:
Ahung517 寫道:
妳說的都是正正我心底所想. 但想問有沒有擔心升小學問題, 因為好多例子是如沒有直升, 家長很多時都要為理想小學而帶同小朋友四出敲門. 這其實在某程度上也帶給小朋友心理壓力. 真煩惱!!!! :wth: :wth: :wth:
心花花 | 2007-02-09 09:38
YongXin，

你好叻呀，好多謝你的意見。我而家都頭痛梗小女升小學的問題。
心花花 | 2007-02-09 09:39
老虎狗太太，

你幾多號見家長呀？我係13號呀。
老虎狗太太 | 2007-02-09 10:46
心花花

我都係13號呀

Quote:
心花花 寫道:
老虎狗太太，

你幾多號見家長呀？我係13號呀。
catherinefung | 2007-02-09 14:52
:-D 我都係13號見家長呀 :-D
老虎狗太太 | 2007-02-09 15:13
`咦我地又有機會見到喎

Quote:
catherinefung 寫道:
:-D 我都係13號見家長呀 :-D
心花花 | 2007-02-09 16:03
老虎狗太太 & catherinefung,

老師約左你地幾點呀？我係3:30。
YongXin | 2007-02-09 16:43

家長日既書展都好正既. 街外書局買唔到既圖書, 到時都有得賣.

我之前就響家長日書展買咗嗰幾套漢聲中文圖書, 好好. 嗰幾套書係台灣出版社搜籮各國出色既兒童圖書, 再翻譯成中文, 每套仲有媽媽手冊, 教妳點同小朋友一齊睇書. 依家一路都有同阿女一齊睇.

另外有一套係講小朋友EQ同心智發展, 響唔同既生活請況下, 從小朋友既心態出發, 父母又應怎樣做去配合, 葉主任全力推介, 我想今次買.
老虎狗太太 | 2007-02-10 11:49
唔係好記得總之就係3:00 至 3:30 左右

Quote:
心花花 寫道:
老虎狗太太 & catherinefung,

老師約左你地幾點呀？我係3:30。
168/187
首頁|前頁|下頁|尾頁
.
Powered by Baby Kingdom
立即打開