問interview模式

帖子列表登錄

kathylee140 | 2016-07-16 17:26

請問有否家長可以分享上年interview模式

carol818 | 2016-07-21 15:48

當然可以。一到學校可以在操場玩。好多車仔。夠鐘有ee 叫排隊在班房門外排隊，再入班房坐，四個小朋友一張檯。檯上有好多玩具。父母一邊同小朋友玩，老師在旁對住逐個小朋友拎住筆及板寫野。好似評分咁。之後老師叫大家按入班房次序分兩行坐。我因為排第二，坐前排，亞仔同老師好多交流，見前排幾個好好多。後排全排無反應或喊。所以這點要留意。家長圍任小朋友好近坐，差唔多可以握手。但因為咁有些小朋友由拖媽媽手最後唔肯自己坐下坐上媽媽懷內背著老師。所以我當時拉遠一點減少接觸，離遠笑。有三個老師，一個負責帶活動交流，另外兩個評分。活動包括問各小朋友名，之後拎故事書每頁問。如我本是幾隻動物搭唔同交通工具去同馬騮興祝生日。呢隻係乜嘢動物，搭乜工具，禮物係乜色。呢隻動物點叫等。每條問題先問，請小朋友舉手。老師叫名就可以答。我哋一組十二人，得八個到。而只有兩個小朋友爭住舉手答。但老師好公平，先問舉手兩個小朋友，再同一問題逐個問。但剩番六個真係無乜出聲 (我地兩個坐前，就是這兩個搭晒，三個坐後，一個在媽媽懷抱背著老師). 仲有玩樂器。一籃的搖鼓排隊拎，問係乜，點用 (兩個有答問題的好快搖，拍，玩). 之後跟老師唱歌。完左放入籃。但可能難放，小朋友要自己想點解決問題放好，有家長衝出來幫手俾老師笑笑口請佢坐番低。最後講拜拜，話送禮物沿線排好一個個，俾左禮物講byebye, 就走得。

carol818 | 2016-07-21 15:53

面試紙後面下方有幾格評分項目，所以面試中我留意自己行為，免得因為我太緊張影響亞仔

Milesmilesleung | 2016-07-21 17:24

我個人覺得佢地都睇你點填家長問卷, 看理念是否一致.
另外也會看親子關係...FIRST ROUND 觀察家長跟小朋友的互動

whohim | 2016-07-26 01:19

Quote:原帖由 kathylee140 於 16-07-16 發表