現已ACK PM offer‧現誠心請教用家分享

帖子列表  登錄   
klleunh01 | 2018-12-28 15:52
小朋友本身讀緊嗰間來年收返仲可以返全日班同時間有崇真 (ACK) pm offer

坦白講, 本身對T T 認識唔深, 考佢主要考慮到將來升小 (我哋兩公婆喺將來「自行收生」嗰round, 無宗教亦無世襲優勢)…而自己住嗰區校網亦一般。本來一心都想轉去TT, 叫做將來升小起碼優先有得In

但當我好仔細咁睇過TT份《質素評核報告》雖然TT份報告係2013, 開始有D動搖以下係TT喺「學與教」嗰part 節錄: 現好誠心求教吓TT ACK 用家們, 你哋以下情況仲有冇出現緊? 感謝

1. 學校着重兒童兩文三語的學習, 為他們擬訂不少的語文學習內容, 每天又為他們安排各式的語文活動...然而,語文活動的安排令兒童未能每天參與音樂和體能活動,影響他們美感和體能的發展。學校重視兒童語 文學習的同時,亦需確保課程的均衡性。

2. 。學校今年試行新教案編寫方式,讓教師按班本需要自行編排各學習活動的推行次序。教案的彈性,加上 校內龐大的教學團隊,教師對教學安排的掌握各有不同,無疑增加課程監察的難度。

3. 現時各班的學與教效能差異頗大,影響兒童的學習。同時,教學計劃的學習內容普遍亦稍嫌過多,以致教學進度倉促,師生互動有限。兒童少有機會參與討論或發表意見,故向全班說話時顯得信心不足。

4. 課程檢討方面,教師會不定期作個人教學反思,以及於主題結束時進行單元檢討。惟現時教師未能深入評鑑學習內容編排、活動設計等效能,令評估資料難以回饋課程。

5. 大部分區角活動均圍繞主題設計;區角物料擺放整齊,方便兒童取用。惟各班的區角的布置和活動設計存在差異。

6. 教師多以直述方式講解預設的教學內容,少有就兒童興趣展開討論。
7. 學校現時評核兒童的方式主要透過每月一次的觀察,並以教具作為評估兒童語文學習表現的工具。學校宜將現時的特定時段觀察,以及 使用教具的評估模式,逐步改為在日常活動中持續觀察兒童的表 現,教師從中作出適當的紀錄和分析,使評估資料更能準確反映兒童各方面的發展情況。學校亦應善用兒童評估所得資料 ,檢討教學安排和回饋課程規劃。

sunbath | 2018-12-30 12:33
push

wongtw | 2019-01-02 13:14
回覆 klleunh01 的帖子 當年的用家,那時根本無理會這問題,以ACK是學券來講,無諗過學校能夠給到太多學術。現在看到報告,就是TT太重學術,欠缺活動教學方式,不太符合教局指引,至於小朋友討論時間不足,以小朋友來講就算討論時間足夠,相信也義意不大,但如果是求學校是著重活動教學,咁才會覺得問題較大,很多私幼是過之無不及。選學校是要細心想想自己到底須要甚麼。
littlemaopig | 2019-01-21 16:57
都幾多負面評價。 你睇多幾間不同學校的評核報告,就會感覺到有好大的差異。 如果我只看這評核報告,會感覺上是學校只注重課程的編寫,但到老師執行時,郤未能達到理想,而且課程過於偏重學術,其他方面則未達標。老師亦未能兼顧不同小朋友發展的差異。所以似是老師的問題最大。

mama23 | 2019-06-21 16:20
小兒是ACK PM學生,將於今年升小一,學校語境很好(英文 及 國語)都是外藉地度老師教,課外活動很多,本人更覺得星期六的環球英語課程很好,用外藉老師任教3小時英語,而且有校車接送,十分方便,價錢更比外面平很多,小兒都獲2間私小及1間直資取錄。 希望幫到大家多點了解

CC_CC_CH | 2019-06-22 00:18
我兩個小朋友都係 ACK 學生,如果家長要求學術,TT 絕對唔符合標準,係一間 happy school! 講語景,老實講幼稚園無乜語景可言,語景其實只給小學部。再者小學部主張收外來生,可想像到原因本校幼稚生學術係唔達標。但課外活動就好多方面,不過下午班,返學時間就有D麻煩,所以要睇返家長要求什麼?

Enfnjc | 2019-06-23 19:49
Quote:klleunh01 發表於 18-12-28 15:52 小朋友本身讀緊嗰間來年收返仲可以返全日班…同時間有崇真 (ACK) pm offer。
坦白講, 本身對T T 認識唔深, ...

崇幼係一好好學校,我小朋友讀得好開心,學校老師關顧很多,小朋友在校發生咩事都會同家長講,學校今年仲每星期派不同水果及乾果,每星期更有一份親子勞作,勁好玩,唔駛交份親子勞作,不過真心覺得全部為小朋友而設。 班上成日有分享活動,每次上完主題,老師一定會俾機會小朋友分享,唔存在樓主講嘅問題。 英文堂全部一定係net教,小朋友發音係好好多。 學校又有朗誦,跳舞,合唱團校隊,學有好多機會比賽同表現,我小朋友都係校隊之一。 我未入呢間學校前都成日聽到d負評,入左嚟根本2回事,我係愈嚟愈喜歡學校,小朋友都一樣,從未聽佢講過唔喜歡學校。

REbb | 2019-12-02 17:21
請問讀ack 學生,跟epk 分別大嗎?

Beach0614 | 2019-12-03 13:43
回覆 CC_CC_CH 的帖子 請問返下午班的話, 知唔知校車係咪可以配合度呢?
kooliestgirl | 2019-12-03 18:16
Quote:Enfnjc 發表於 19-6-23 19:49 崇幼係一好好學校,我小朋友讀得好開心,學校老師關顧很多,小朋友在校發生咩事都會同家長講,學校今年仲 ...

同意 ,k3用家,我覺得ack十分抵讀,崇小放榜後見到家長群組無offer的家長突然轉晒口風,之前有讚無彈變到學校一文不值,我終於明白點解學校有咁多負評

1/2
下頁 | 尾頁
.
Powered by Baby Kingdom
立即打開