[i=s] 本帖最後由 彥彥媽咪 於 17-7-13 10:17 編輯 [/i]
Quote:bb130505 發表於 17-7-12 22:52
好詳細，我好感激你，我今日始終無出派位學校註冊，全心全意等email ，今日終於收到校巴和校服通告，真係 ...我完全明白你心情，你依家好d , 有我答你（容許我曲線讚下自己, 呵呵...其實係有少少同病相憐之感所以想出手打多幾個字咁啦） 呢間學校一向唔 hit, 在 EK 更甚，你見出面問來問佢都係個幾間就知，証明 EK 家長心中佢從來不是首選，KIS大部分家長亦唔上 EK的，上來問既反而係未讀想知個班，咁你當然在此問唔到d乜，就算有，大部份在EK而讀KIS既都係細 b,即係講緊申請reception 呀， lower form 個d, 你仔係 G8, 算係我見而在 EK 出現最高年班既家長了。因為一來 higher grades 多外國人，韓人佢地唔會上 EK 啦，香港既都多數在呢幾年(G8-10)走了，較少讀到尾，所以佢地 Y11, 12 都得一班，仲係講緊一班11，12 人架咋，咁能流出來既資訊就更少。 但隨住 KIS 依家多左港人家長留意，而港人家長又來來去去都係去某幾個網站架嘛，咁自然 KIS 既 '神秘' 就會少好多，變得透明度高了，但呢個透明度係港人家長做出來，外地家長較少咁交流的，有咩多在學校碰面個別熟既去傾，又或在家教會 coffee meeting 樹 chit chat呢間學校家長既 connection 唔深，都係在 function 呀，家長日呀咁碰面先 chat 兩句，學校亦唔會刻意製造機會比你地認識，見得最多成班家長一齊就係九月個parents-teachers night, 老師在當晚會講下來年既syllabus, 每科既一D 資訊, 最後有時間既就每個家長講下自已個仔個名呀咁。但你點會記得哂? 又無樣睇 (學生不需去的) 所以感覺個個家長係 '君子之交' 個停，唔係唔識, 但唔熟, 亦因為咁唔會一見你就問你個仔最近學緊乜，玩緊乜比賽咁，LS 好興, 呢樹唔會, 我壓力細好多。
不過後話: 隨住呢幾年越多越多港人家長子女入來讀 (我地個時比例真係好少的), 我相信我頭先講問你學乜學物既風氣又會慢慢多D 架喇, 我見早一兩年起, reception class 可以開到兩班, 每班廿幾人都真係幾奇 (以前邊會有?), 不過又咁講, 好多港人家長係抱住 "讀住等" 心態, 即係ESF未有位嘛, 唔收, 就讀住呢樹先, 一有位就過檔, 所以你成日見到 KIS 既學生係真係 come and go 咁, 當中係仲有一D 就係跟爸媽來港就讀, 爸媽回國就走, IS 呢點好常見, 我仔來呢幾年, 年年有人走, 又年年有人來, 因此家長學生們 connection 唔算深又可以理解既, 讀得個一兩年, 未煲熟都走左 lu。
上面已有家長已答左你學校開學無耐就會有 parents night, 到時就會問邊位家長 volunteer 做 class rep, then class rep 就會 set up WhatsApp chat room 方便發放訊息。但我見家長們 so far 唔會在個個 chatgroup 閒聊，反而係收學校訊息同verify info 多d (即係我會問：明日係咪要穿校服，放早呀咁...呢類）當然個別三幾個家長熟絡左再另組 chatgroup 係另一回事了，呢d 係 somehow so call KIS culture 卦, 又或可定位為IS culture? 若你仔讀開LS就會明白分別好大。
想當日我地是新人時都用左唔少時間去適應呢種咁 '獨立' 既感覺架，唔會有人特別因為你仔係新來就pamper 你, 或比個orientation你, 唔會有一大本 policy manual or code of conduct 個類野教你點做點做, 所以你有時係會有無助感 (我依家有時都會架, 都唔知佢地做緊乜, 又無紙仔又無人講) 但慢慢學懂放鬆 (唔講我咪唔去知囉....no news is good news 嘛) 但想知而唔識就出聲, 問一條答一條咁囉, 我當日來都無人教得要上網訂書架, 到發現時已遲, 仔上堂無書用, 但又無野喎, 老師就每堂影印佢教個幾頁出來, 至我收到書為止。 So? See? 係無人提你理你, 但亦唔會因此就 ignore 你既,你大可放心。真係唔放心就主動問學校, 佢地就會答你。初頭我來都唔慣架, 但慢慢地我又幾 enjoy呢種individualism, 唔駛下下迫我跟人, 要跟在起跑線。 祝願你仔在 KIS 學習愉快, 有野仲想知就再問啦, 我睇我識既就答啦:wahaha:
P.S. 我以上感覺來自我仔在呢幾年接觸學校或其他同級家長既感覺, 當然不能代表哂所有人啦, 你當參考好了
|
