[i=s] 本帖最後由 彥彥媽咪 於 17-7-15 00:11 編輯 [/i]
Quote:bb130505 發表於 17-7-13 20:44
又麻煩到你了，家住九龍灣，其實我都諗住試下佢自己返學，其實有無d for 新生熟習環境和比新同學互相認識 ...
唉......都話呢間學校唔興呢D (Orientation 個停), 當日我仔返學時, 連排隊排邊樹都唔知 (佢地本身返開個D 就知), 一夠鐘班人自動波識埋位, 但又唔會舉牌寫邊條隊係邊級, 係睇D 學生年紀估, 再走埋去問家長或學生你地係幾年班架? 係咪係呢樹排呀?....咁架咋...初頭唔慣都真係幾面懵架, 不過佢地又唔會唔啋你既。不過如我講, D 人係唔會見到你傻下傻下頭望望就來主動問你兼幫你, 除非你本身之前識某家長啦。問問下就慣。
每日0800左右未駛排隊, 同學 (包括家長) 都會在操場 chit chat, 打波呀咁, 如我上一 message 講, 係你識人打關係既最好時機, 你若怕醜既, 就咁企響樹係無人會理你的。你仔已到中一, 佢份人 active , 開氣嗎? 你知有D 小朋友較怕醜, 咁開頭係差 D , 會好似覺得無人理咁。但細路始終比大人面皮厚下, 是但一個肯去破冰既, 好快就玩埋一堆架喇...
我建議你可否在開學頭幾日親自陪佢返學? 一來可以都熟悉下上學路線, 二來可以幫下佢手同新同學家長 social 下。8 月24係開學日 (已更正), 其實無乜野特別架咋, 25號係星期五, 陪多佢一日啦。之後31號係 parents teacher night (secondary) , 多數係1830-1930 咁上下, 一定要去 (學生可以不用去的), 咁你就可以識到你仔個班家長, 亦認識不同科老師, 個日校長同全世界有關人士都會出席, 你就會見到哂所有學科老師, 同學校既介紹, 到時就會清楚好多了。
當日應會介紹埋每年秋季搞既 camp, 每年10月至11月舉行, 一個星期 (我地今年係27/11 - 1/12), 係宿營, D 仔勁開心架, 小學時就去長洲南丫島呀咁, 又獨木舟, 又單車, 又野外定向咁個停。上到中學應會又去遠D, 我記得 G11/12 上年係去 New Zealand 架。呢D LS 唔敢搞的, 但 IS 就年年都會去, 係交比D 外展機構咁搞的, 呢間公司專接 IS 呢D project 既, 所以都好有經驗, 安全, 亦好好玩。
你有時間上網睇佢新學年既 school calendar 就會知哂所有日子安排, IS 仲有一個習慣, 係每年10月會有 term break , 今年係10月16-20 個個 week, 即係成個禮拜唔駛返學, 咁你可以諗定有咩節目比佢了。
遲D 仲有運動會呀, 水運會呀咁....PE 一星期唔止一堂的, 當中一星期會有一次遊水堂的。
我亦幫你睇過 (阿仔每年有本校刊拎回家的), 剛過既學年 G7 有兩班 (即係你新學年既G8) 一班12人 (6男 + 6女, 一班14 (9男5女), 中途唔似有插班生, 就咁睇名應有唔少香港人 (我睇名見個姓係 Wong, Liu, Leung 呀咁所以咁估), 若係咁, 你仔應唔太難融入佢地的。
呵呵....以上呢個簡單版 orientation, 頂住先啦。:wahaha:
如你真係 still feel not too comfortable 好似仲係朦查查咁...我若24號有時間既, 睇可否早上帶仔返學時來揾你, 帶你四圍行下?
|
