[i=s] 本帖最後由 彥彥媽咪 於 16-10-6 16:11 編輯 [/i] 歡迎你加入 KIS！我仔上年都係插 Y5 入來，今年 Y6 了，佢係由區內傳統小學轉來，佢讀書成績唔算好，係傳統學校定義為蠢架喇（名次低丫嘛）所以自信差，老師亦唔多理佢，本已一直想轉國際學校，但唔敢申請因為見一來係勁人讀（起碼英語勁流利，我仔好普通的），二來好貴，又要買 debenture or capital levy, 唔駛諗，仲要排隊排幾年，諗住根本唔會輪到自己，所以無報過。 後來係有位朋友介紹（佢仔同我仔同年）佢早我地一年已在 KIS ，經佢介紹先知整個收生，面試過程都好快，一見完就收，仲係今日見完，明日開學個隻（個時係8月，佢地係8月開學的，嚇死）...在怱怱忙忙下咁就轉左去。 佢唔係一間 hot 既 IS, 可能係地點（東區）較遠，同名字（我都以為 KIS 係只收韓國人，又或一定要學韓文....哈哈...）所以原來佢間學校咁大，但學生人數唔多，好多 grade 都係一班 only , 我仔上年 Y5 就有兩班，每班都係13人左右，關注相對好好。 我仔上年個班有香港人（幾個，唔算多），印度人，菲律賓人，歐洲人，韓國人...都都算幾多元國籍，又竟然無強國人 wor , 呢點我反而有d 意外（可能其他班有，唔清楚...但即係唔係 majority 啦） KIS 收費唔貴，起碼唔駛我拎幾百萬去買 debenture ，只比一個月 deposit 就入得，學費相對亦平（$9000左右，國際學校來講真係算平），好少其他收費，以一間有泳池有自己 canteen (lunch 係現場每日做架，有廚房，唔駛好似以前咁捱人地交來既飯盒，我仔最鍾意食壽司架），呢間算係平民得來水準唔差既國際學校。
