我唔識韓國部家長，佢地同我地國際部都幾獨立分開的，連校舍都係零零舍舍在另一個 block 的。 但即使如此，由於校長同寫字樓都係同一班人做，因此行為都係一樣的。即係你有無爬上面既文睇我點形容此校既行政？有既你就會知佢地一向唔係一間好 systematic 既學校，唔會好似其他好 popular 個 d IS 咁有個明確既 calendar，每年幾時招生，幾時截止，幾時面試咁個停，乜鬼都似玩即慶，即係有位先見新人，唔會見定一堆再排個 list 逐個 call 咁的（又唔係真係咁多學生，再者個 list 幾長都好，水份甚高，好多家長一定不會只入紙 KIS, 入佢都係當多個 back up 咁心態既）咁佢鬼咁認真咁見 N 人，排哂名分分鐘到有位時容乜易已走鬼哂丫，浪費資源也。因此真係有位要補人咁先見囉。我仔當年係24號開學23號先見，見完跟手叫我仔明日開學個停啦，仲快過我 walk in 入茶餐廳應徵做外賣，都真係有d 嚇親架。 因此，你都要預左依家都要在外讀住先，到有一日佢 call 得你 interview 既就即係機會甚高了，隨時一見完就問你最快幾時返學個停的。咁你有心讀既話有時都不能期望可完整離場（比足一個月通知依家間 KG 離場）咁重疊左既時間就當開支一部分啦。 當然你真係急既你可隔多一陣又 send email 問下 Jenny (校長秘書）或者佢會見你咁緊張跟進就又會幫你盡快安排既，一試無妨。
