IS 我知係咁，我就係想仔習慣下另一個模式唔好死估估，但係佢如果適應到又好似累咗佢，但係如果直接去英國讀我覺得唔好喺香港讀IS 咁深，你哋有冇聽過在UK 的GCSE 係易過HK 的IGCSE?

---

其實你都睇到咁多其他人嘅 feedback, 個個都覺得其實你都係想繼續留 LS。 反正過兩年你都去英國，真係無謂搞咁多嘢。 萬一轉到去 IS 你個仔真係唔適應, 又再轉返去 LS 又搵嚟搞。

---

我仔自己就幾在乎自己的表現，但又唔會話同人鬥，只係要自己超越自己。所以佢唔介意幫同學，或者同學也會幫佢。

當然，不論 LS or IS ，都一定會有人喜歡鬥生鬥死。
不過 LS 肯定精釆得多。
我親戚的仔女，在 LS 名校的經歷，真係大開眼界，
家長 + 孩子，一齊無所不用其極。

咁，一定有好多人認同先仍然有這樣的生態啦。
冇話邊種好，家長 ok 就得啦。

如果在 LS 的生態開心又安心，其實又何必去轉去 IS，搞到咁擔心呢。
直頭貼錢買難受。

---

佛系....... 即係懶啦，唉，咁去邊讀都弊。

---

[i=s] 本帖最後由 melobi12 於 21-8-2 14:00 編輯 [/i] 你一早咁講我諗大家俾啲意見又有啲唔同。之前你講到LS好似好好，IS純粹試下考下咋，其實麻麻地想讀㗎咋咁樣，真心欣賞IS嘅家長梗係叫你一動不如一靜算。 但原來你似乎係睇到你仔一啲問題（學習唔得主動、讀書死gu gu、只識背、唔思考)，先考慮IS，咁我自己就覺得要襯早跳出comfort zone轉變一下。我覺得讀IS唔係單為「浸下啲英文」，係成個學習模式、培養諗嘢方法。 去英國讀書，攞張英國嘅大學畢業證書返嚟，其實都唔算好難，小朋友繼續而家學習模式都唔會話達唔到。但你要諗，證書係咪你嘅唯一目標？佢現有思維模式你滿唔滿意？你想唔想佢改變？ 以我自身同認識嘅朋友觀察返嚟，中一二係最遲改變佢地嘅年紀嚟㗎喇。 如果而家可以揾到一間 *適合* 佢嘅學校，改變到佢讀書嘅態度同方法，嗰少少適應時間係好值得付出的。

---

呢個意見我就係明白

---

我想問通常咩原因唔即時入學，會半年後呢？是否因為已經開學

---