教育王國

更多選校、升學及教育心得討論內容

立即打開

[i=s] 本帖最後由 Bowiema 於 17-4-10 00:24 編輯 [/i] 好耐冇入嚟幼稚園版了, 因為兩個小朋友都大個晒, 一個已經讀緊大學, 一個都讀緊中四, 今日心血來潮入番呢版望下, 想睇番佢哋以前讀嘅幼稚園嘅討論, 又見到好多負評, 當然正評都有, 不過有d個人感受都想講下. 其實每間學校都會有好同唔好嘅地方, 最重要係揾到一間適合自己小朋友嘅學校, 知道邊樣嘢係對自己小朋友最重要作為首要選擇, 無一間學校係完美嘅, 呢間學校可能適合我小朋友, 但未必會適合另一個小朋友, 當中一些對與錯其實好難判斷, 最緊要覺得適合自己小朋友, 比佢哋開心學習成長. 同埋小朋友每個成長階段我哋家長角色都係好重要, 唔可以單靠學校單方面, 要配合學校一齊去教小朋友, 比小朋友有正確人生價值觀, 適當時候亦要忍心放手, 讓小朋友自己去行自己嘅路. 我兩個小朋友都係金巴倫畢業, 之後升讀了地區津貼有小小名嘅小學, 幸運地之後佢哋都升讀到所謂嘅傳統名校中學, 大仔最後亦幸運地考入了本地大學. 佢哋都係金巴倫渡過咗愉快嘅幼稚園生活, 到宜家耐不耐都有返金巴倫探下老師, 懷緬下返幼稚園時嘅快樂時光, 最重要係佢哋學會感恩, 會記住曾經教過佢哋嘅每位老師~ 利申: 金巴倫多年前舊生家長