| moooon | 2007-08-14 11:41 |
| Quote:.....其實他們還好細, 只不過3-4歲所以加減數係比較困難ka. 不過我有時都會用一d小方法另Keefe計算多d. 如給他snack由他來分配不知不覺他已明白完本有的總數, 分享時是減數而balance(他擁有)的是答案. 加數方式只是相反方法... Hi FungMm, 講到計數，其實我都有點分享。 本來我都沒有刻意去安排Carmen去學數（現在都是自己教），因為這是Kentville的教學強項，諗住由學校教，誰知可能是Kentville的名字，總是樹大招風，不時會有些路人甲乙丙（指奶奶或PN時的同學仔媽咪）考Carmen這樣那樣，如果當時Carmen不能「話頭醒尾」的話，便會有人說：Kentville都不過如是者！ 本來我都可以當她們無知，一笑置之，但不知何解，個心又有點戚戚然。 有個仲在學校考第一，之後問我：Carmen考第幾？我說：Kentville沒有名次之分。她的表情告訴了我：「是學校沒有分名次，還是Carmen沒得到名次！」.....救命！ 現在都是自己得閒教多點，由一數到一百，熟了，又由一百數到二百，數完中文，數英文，簡單加減數都不是太難，以一個四歲小朋友來說，都很快上手。 |
| vikiepaul | 2007-08-14 12:14 |
| 2007/2008 - KV Class List K2A Felicia726 (Gloria) K2B BeBeMa2008 (Paco Lai) K2F Heipopo (Hei Hei) K2G FungMm (Keefe Chan) K2H mymavis (Mavis Lam) fruitscalpiscc (Jeff Yeung) yipbrothers (Anson Yip) K2I gym (Yui Yui) K2L poonhui (Henry Poon) Alisoncheung (Trevor Tong) moooon (Carmen Wong) K2M Fion88 (Kristy Li) kellymami (Kelly Chui) Cynthia (Skarloey MAK) K2N joetsang (Edison Chan) baby10 (Celeste Wong) BMW0305 (Bryan Wong) vikiepaul (Ellen Lee) |
| FungMm | 2007-08-14 13:32 |
| alisoncheung | 2007-08-14 15:04 |
| Hi 各位, 想想吓都要開始俾囝囝學吓數學, 今期學前教育介紹咗個韓國好hit 的E-nopi Maths, 數學用英文教授, 既學到思考;推理;邏輯重可以學埋英文, 有冇人知好唔好. 另外, 珠心算, 奧數, 同公民數, 邊隻好d. 公民數係唔係得個做字. 如果係, 我個仔一定會話悶:giveup: , 因為佢極之冇耐性 (似足我哋兩公婆….).:lol 可否根據以上不同種類的數學課程俾d意見?:adore: Hi Mooon, 批評Carmen啲人都幾無聊:ranting: ,可以的話唔好俾Carmen知, 如果唔係令小朋友唔開心就唔好啦. 其實好多Kinder都冇名次啦, 又何只KV. 名次無錯係可以起鼓勵作用, 不過我覺得只係對d考到頭幾名的小朋友會作用大d (不過會令佢哋驕傲), 但對其他中中等等的, 鼓勵作用不大, 反而會令佢哋唔開心, 家長又大壓力, 對pre-school的學生來說, 冇名次會好d, I think. 而且KV係一間咁傳統的學校, 佢哋以前都一定有名次. 咁, 點解而家冇, 就一定有佢的原因, 冇比較, 小朋友都可以盡量發揮自己的小宇宙, 又何必平頭品足呢, 天生我才必有用. 況且K1, 2, 3考第一唔等於將來都咁叻.我以前有個同學小學年年考第一, 不過中五會考又唔係入唔到預科(好似冇8科會格tim). 所以, 我哋要EQ高d, 唔啱聴就當冇聽過, 小朋友重有漫長的路要走, 而家先升K2, 幾時先比較到大學喎. 不過我好彩d, 到現時為止都未遇到你個情況.:L |
| moooon | 2007-08-14 17:05 |
| Hi Alison & FungMm, 多謝您們給我說話的安慰，我們做父母的，都做了若干年人，當年莘莘學子，所受的壓力和現今的新一代有所不同。 所謂天生我才，每個人（每個小朋友）的專長都不一樣，Carmen的學習情況雖不算是出類拔萃，但也屬中上（Miss Chong說的），其實我覺得OK啦，任何事都是「一分耕耘，一分收穫」，有得的同時，亦有所失。她少些勞碌地學這學那，所餘下的時間，她是比那些返「很多」課外活動的小朋友，多了親子時間，我和她的感情算是很好的。 至於「批評」的人，都無辦法唔俾Carmen知，因為此人說話最多的，正是奶奶大人，仲要是當住Carmen面說：妳都無亞邊個邊個咁醒既！乜妳都唔識既？而其他媽咪級的show-off，太深層次了，小孩子會聽不懂。 本來天真活潑的Carmen，更加唔出聲，更被動，更消極，直接地講，是「放棄的態度 - 本pair」。有段很長時間，我要和Carmen做心理輔導，她才開始對學習多翻一點自信，都一年多前的事了。 有天，我和hb說：您可否和令尊說說，不要如此對小孩說話，....等等。他回應：我不會說任何話，也不會想改變他人的諗法，只會想如何去improve自己女兒的ability。細想之下，某程度上，他當然是在維護他的外家人，同時，也都是在說著「真相」。孩子總要面對世界，面對自己，少些保護，才可以train到他們堅強的性格。 現在，我會和Carmen說，輸了不要緊，知道自己輸了什麼才重要，下次再努力點。或者，有人覺得妳做得不夠好，便做好給那人看。 有天，Carmen對住奶奶說：I don't like you! 平時我們都是說中文的，我估她刻意對奶奶說英文，是因為奶奶曾批評她不懂英文吧。 |
| alisoncheung | 2007-08-14 18:08 |
| Hi Mooon, 恕我多口問一句, 你奶奶是不是一個很有學識的人? 一般個grandma的只會過份疼愛自己的孫, 樣樣都話自己個叻過人哋d小朋友, 你奶奶都幾特別播….?-( 不過話分兩頭, Trevor公公就會專豋激佢話佢唔夠邊個邊個叻, 咁當Trevor仔嬲, 公公就好好笑, 因為笑佢小氣…..我同Trevor婆婆成日都鬧公公話佢將人哋痛苦建築响自己快樂身上. 你奶奶又係唔係呢隻??-( 講起英文唔好, Trevor都成日講, 不過係佢話婆婆而唔係佢俾人話囉. 有次佢嫲嫲話我知, Trevor話佢中文唔好, 叫佢番去練多d, 你話係唔係俾佢激死:veryevil: , 唔知佢d中文又有幾好呢?8-) |
| poonhui | 2007-08-14 18:17 |
| Mooon, 知道Carmen 同亨亨一班, 很開心呢! :-) 希望到時唔好被亨亨同Trevor 兩個百厭星嚇倒就好了. 另外, 看你描述奶奶的情況, 真係戥你勞氣:angryfire: . 其實, 老人家真係未必事事諒解及體會到新一代的教育. 既然改不了她的思想, 唯有自己多點鼓勵子女. 始終佢要比較, 你無論點都阻止唔到, 確是討厭!(sorry, 得罪長輩老人家都係咁話) 唉, 無謂給自己壓力, 你亦無需要為別人的一兩句話, 改變個女去迎合別人, 自己教好個女, 教佢放遠眼光, 最重要係唔好學似路人甲乙丙只是著重眼前分數同名次的井底之蛙. :chair: |
| FungMm | 2007-08-15 09:08 |
| vikiepaul | 2007-08-15 11:08 |
| 各位, 想請教一下大家收到 校巴, 校服 etc... 既通知未呢? 而家都8月中囉.. 會唔會淨係我miss 左呢? |
| alisoncheung | 2007-08-15 11:22 |
| Hi vikiepaul, 我都冇收到. 係呢, 唔知係唔係學校以為我哋唔駛買呢?:-? 有K3學兄比咗一些校服給囝囝, 所以我應該不用買(暫時). 校褸我都有3件, 唔知要嚟做乜好. Quote:原文章由 vikiepaul 於 07-8-15 11:08 發表  各位, 想請教一下大家收到 校巴, 校服 etc... 既通知未呢? 而家都8月中囉.. 會唔會淨係我miss 左呢? |
更多選校、升學及教育心得討論內容
