學校已收了小朋友, 但仲未決定會讀邊間.
因為真係好想找一間適合自已小朋友的學校讀, 有冇現時/曾有小朋友於此校就讀的家長, 可以俾d意見/資料我呀:
1) 學校用活動教學, 但係課堂上老師的指引清晰嗎 ? 小朋友會唔 ...
1) 清晰, 小朋友適應力好強, 好快就知道係學校要守規矩, 要留心老師既說話, 佢哋上堂可以乖到你唔信. 不過放咗學就.........:igiveup:
2) 有好多既唱歌及體能時間, 佢哋每星期有一日早會, 仲俾d小朋友上台表演添.
3)自由活動時間唔多, 因為佢哋上堂好忙架, 又要去呢度玩, 又要去嗰度玩, 仲要食茶點呢, 所以好多小朋友一放學上校車, 好快就 :sleepbeauty:
4) 有家長義工既, 最主要係上下課協助小朋友, 或一d特別活動, 協助老師.
5) 幼班下學期開始有課外活動, 自由參加, 好似有跳舞, 繒畫.
6) 好少聽見小朋友被罰, 佢哋一班有3位老師, 小朋友唔乖, 老師就望住, 佢哋就會坐定定.
7) 有d小朋友如果能力係達唔到既, 都會要求佢repeat架.
其實, 小朋友好叻既, 佢哋知道係學校要乖乖, 所以返到學校就會變身做小綿羊, 一放學就變番做小魔怪.:igiveup:
